الموضوع: لو حد تعب من المرارة او شلها يقلى اية الاعراض بالظبط

المشاركة الأصلية كتبت بواسطة 3abdo.it

السلام عليكم

يريت لو حد تعب من المرارة او شلها يقلى اية الاعراض بالظبط

اصلى لسة كاشف والدكتور شاكك انها المرارة وانا تعبان بقالى 3 سنين من معدتى بيقلى عادى ممكن تفضل تعبان منها فترة كبيرة

انا تعبت من حوالي سنتين من المرارة و الحمد لله خفت لوحدها

الاعراض اللي فاكرها...الم في البطن في الجزء الايمن من فوق بالاضافة الي احساس اني عايز ارجع لما اكل اي حاجة فيها دهون او زيت

انا التعب الى عندى فوق السره كدا ميبقاش مرارة؟؟

تعب المر ارة لية اعراض كتير بس لما بتتقلص وغالبا الفجر او منتصف الليل بتبقي زي اعراض الذبحة عرق غزير وعدم قدرة علي التنفس بشكل طبيعي والم حاد في الصدر والعلاج الوحيد الفولتارين والبسكوبان حقن في العضل وربنا ما يوري حد التقلص دة ويشفي كل مريض باذن الله ....سيدي مصر كلها تقريبا عنها حصوات المرارة بس ما بنكتشفهاش غير لما حد بيشتكي نتيجة سوء التغذية وكلنا تقريبا بناكل كميات جبن والبان ودهون وكنافة بالقشطة وبسبوسة وجلاش وحلويات شرقية وحلويات ذبائح اشي فشة وكرشة ولحم سمين ورهاريط دهن ولية ضاني ....يعني اكل يودي في داهية من الاخر
المهم حضرتك لازم تعمل موجات صوتية وتشوف الحصوة او الحصوات حجمهم اد اية والدكتور يقرر المرارة ملتهبة او لا والحصوات ممكن تسد القناة المرارية لو اقل من 4-5 مم ودي خطيرة غير كدة والحصوات اكبر ومافيش التهاب ممكن تتعايش معاها بس تخلي بالك من اكلك وتكتر من الورقيات زي الخس والبقدونس والكرفس والكسبرة والجرجير في كل وجبة وتخلي باللك متكترش من اللية والدهون والسكريات (الحلويات الشرقية بالسكر المعقود او الشربات) والف سلامة عليك يااخي

راى شخصى

الحق نفسك انت لسة فيك شوية شباب واعمل العملية من دلوقت

لان كلما بتكتبر بيكون فى صعوبة سواء فى التخدير او العملية نفسها

وبعرف ستات كتير اهملوها فى شبابهم ولما كبروا فى سن فكروا يعملوها وكانت النتيجة ....تعب وتحاليل وكمية ادوية وتجهيز للعملية غير عادية لان السن كبر

نصيحة هتعرف قيمتها بعدين

المشاركة الأصلية كتبت بواسطة kaza

تعب المر ارة لية اعراض كتير بس لما بتتقلص وغالبا الفجر او منتصف الليل بتبقي زي اعراض الذبحة عرق غزير وعدم قدرة علي التنفس بشكل طبيعي والم حاد في الصدر والعلاج الوحيد الفولتارين والبسكوبان حقن في العضل وربنا ما يوري حد التقلص دة ويشفي كل مريض باذن الله ....سيدي مصر كلها تقريبا عنها حصوات المرارة بس ما بنكتشفهاش غير لما حد بيشتكي نتيجة سوء التغذية وكلنا تقريبا بناكل كميات جبن والبان ودهون وكنافة بالقشطة وبسبوسة وجلاش وحلويات شرقية وحلويات ذبائح اشي فشة وكرشة ولحم سمين ورهاريط دهن ولية ضاني ....يعني اكل يودي في داهية من الاخر
المهم حضرتك لازم تعمل موجات صوتية وتشوف الحصوة او الحصوات حجمهم اد اية والدكتور يقرر المرارة ملتهبة او لا والحصوات ممكن تسد القناة المرارية لو اقل من 4-5 مم ودي خطيرة غير كدة والحصوات اكبر ومافيش التهاب ممكن تتعايش معاها بس تخلي بالك من اكلك وتكتر من الورقيات زي الخس والبقدونس والكرفس والكسبرة والجرجير في كل وجبة وتخلي باللك متكترش من اللية والدهون والسكريات (الحلويات الشرقية بالسكر المعقود او الشربات) والف سلامة عليك يااخي

عند حدوث اعراض للذبحة يجب التوجه للمستشفى
و ياما ناس ماتت عشان كان عندها جلطه فى القلب و كانوا فاكرينها التهاب فى المعدة