الموضوع: ارجوا سرعه الرد من حبراء الفليشيا هشترى عربيه

نسيت اقلكم العربيه فاضيه بلا اى كماليات

ممكن أفيدك لأنى لسه شارى فيليشيا 96 فاضيه برضه اسمها Lx , وده معنى انها فاضيه .. المهم السعر اللى بتقول عليه سعر معقول جدا بس المهم تكون نضيفه زى ماقولت و طبعا موضوع وش السلندر معناه ان كان فيه مشكله سخونه فى العربيه و صاحبها ماهتمش لحد ماضطر يغير وش السلندر يبقى انت لازم تتأكد ان مشكله السخونه كمان اتحلت يعنى تتأكد من دورة التبريد و تخلى صاحبها ياخدك مشوار طويل تشوف بنفسك السخوونه بتوصل لفين ..
اما عن الكاسيت سيبك منه مش هو المهم لكن الأهم اكشف على العربيه من تحت خصوصا العتب و اتأكد انه نضيف و لو معمول فيه شغل خلى بالك و دقق كويس معمول صح و لا محتاج يتعاد تانى و احنا داخلين على الشتا
مهم جدا تتأكد من نقلات الفتيس و نعومتها و صوت الجيربوكس
مشكله متكرره فى الفيليشيا و هى اسكاترة الدريكسون و اتأكد من انه بيلف معاك كويس و مش تقيل قوى لأن عادة الفيليشيا دركسيونها تقيل بس مش قوى لكن لو السكاترا فيها حاجه هايبقى تقيل جدا و معوج و هو بيلف
موضوع الصاج المخبوط ده شىء طبيعى جدا و احب اقولك مافيش عربيه فى مصر ماتخبطتش المهم معالجتها تكون مظبوطه
عموما لو كل اللى قولته مظبوط فى العربيه و مافيش غير الحاجات البسيطه اللى قولتها توكل على الله و التسجيل عموما فى صالحك انت اكتر منه

اه على فكره نسيتاقولك التسجيل مش هايكلفك أكتر من 500 جنيه انا سجلت و دفعت و عارف دفعت كام

شكرااااااا جدا للردك السريع يا اخى الفاضل hanyalashkr
انا فهمت بعض الكلام وبعرف اكشف عليه بس فى حاجات خارج نطاق خبرتى

على العموم معايا مكانيكى ثقه كشف عليها كويس وشكرا جداا فيها والحمد لله

ادعولى باتمام الموضوع على خير لو فيه الخير

باركولى يا مالكى الفليشيا انضم اليكم مالك جديد

انا الحمد لله اشتريت العربيه وراكنها تحت البيت

بما ان خبراتى 0 فى العربيات ويادوب بشغل واطلع

منتظر نصائحكم الغاليه والمفيدة ولا تبخلو بالنصيحة فانا فى امس الحاجه اليها

اة على فكرة رسوم التسجيل طلعت 415 ج :wacko:

مبروك علينا فيليشاوى جديد ..
إهتم بالعربيه و ماتقلقش من المصاريف لأى كل جنيه بتحطه فيها بيوفر عليك مئات بعدين ده طبعا لو العربيه أساسها كويس ..
طبعا مش هانقدر نساعدك قبل حوالى شهر من استخدامك للعربيه علشان تكون فهمتها و عرفت عيوبها لو كان فيها ..
بالنسبه للتسجيل انت عندك حق بس انا قعدت على قهوه و موظف الشهر العقارى خلص و جابلى العقد و الفرق ده بتاع قعده القهوه مش اكتر
مبروك مره تانيه

انا بتكلم عن الرسمى طبعا 415 بس
بتاع الخنزة بياخدلة 10 على اللى بيخلصلك من برة من غير ما تخش غير بس فى الامضاء
فعلا بيقفل 500 ج

سؤال صغير بس
انا لسه بتعلم سواقه اتعلم على الفليشيا حبيبتى ولا حرام هبهدلها واهلك الماتور على الفاضى

بالصدفه انا اتعلمت سواقه على عربيه فيليشيا برضه قبل ماشتري ..
و ماحصلش فيها حاجه هو يعنى حتى لو بتتعلم خليك حنين عليها و لا انت ناوى تتعلم سباق سيارات ..
عادى اتعلم على عربيتك بس بالراحه و فى مكان فاضى افضل