الموضوع: استفسار هام بخصوص فرامل الفلونس

السلام عليكم يا شباب
انا معايا فلونس موديل 2014 ,, بقالها معايا دلوقتي حوالى سنة وشهرين كده عاملة 10000 كيلو

من كام يوم كده لاحظت حاجة بخصوص الفرامل .. لما اكون ماشي بسرعة 40 كيلو مثلا و اضرب فرامل فجأة بحس العربية بتوقف بشويش .. مش بتوقف فجأة
الموضوع ده مبحسوش غير لما اكون قاصد اكبس فرامل فجأة .. يعنى وانا ماشي عادى حتى لو بجرى لما اجى اقف مبحسش بحاجة لو هقف بشويش ( فى الاشارة مثلا ) .. لكن لما اجى اكبس فجاة العربية بحسها كان مثلا فيه مخدة او حاجة بتمتص الدكبسة ديه
مش عارف انا عارف اوصل الاحساس ولا لأ

للعلم انا كان عندي لوجان قبل الفلونس .. مكنتش ABS فا ديه اول مرة اجرب ال ABS .. فا مش عارف ده كده طبيعي فى ال ABS ولا ايه ؟
اللوجان كلن فيها صده كده تحس انك هتلبس فى الازاز اول لما اكبس الفرامل ..

يا ريت حد يقولي الوضع كده طبيعى ولا اروح للتوكيل
و شكرا

المشاركة الأصلية كتبت بواسطة kirolos edward

انا بيحصل معايا كدا في اكتر من عربية الدواسة لما بدوس عليها جامد و كاني بجرب الفرملة جامدة بتهدي او بتوقف بس مش زي ما بدوس عليها مرة واحدة في موقف طارئ

جربت مرة افرمل بالشمال في نفس الموقف الي فوق الي هو بجرب بس بتهدي بطريقة قوية جداً و ده غلط

مش فاهم برضه ايه الفرق بين لما تدوس طوارىء او تدوس جامد ؟؟
يعني كده طبيعي ولا ايه ؟؟

ايه يا شباب مفيش حد معاه عربيه فيها فرامل abs يقولي الوضع ايه دلوقتي كده طبيعي ولا الفرامل فيها مشكلة !!!

المشاركة الأصلية كتبت بواسطة moratoz

ال abs ليشتغل لما تضغط بكل قوه علي الفرامل وساعتها بتحس بدربكه وطقطقه في دوائه الفرامل وهنا بس يبكون ال abs بيبقي اشتغل عند حدوث تلك الدربكه
ومهمته كأنك بتدارك علي الفرامل علشان العجل ما يزحفش وتفضل متحكم في الدركسيون

انا اللي اقصده دلوقتى تريحة العربية لما ادوس فرامل وانا مش بجري و احس انها بتوقف بشويش مش مرة واحدة ده طبيعيى ؟ ولا الفرامل كده فيها مشكلة ؟

المشاركة الأصلية كتبت بواسطة authority973

ما هو على حسب بشويش الى انت قصدك عليها, لو العربيه بتقف ببطء زياده و ملحوظ يبقى فى مشكله فى الفرامل, وانصحك تتأكد ان ما فيش اى معوقات تحت بدال الفرامل زى الدواسة مثلا ومانعه وصولها لأخر المشوار, انما لو بتقف كويس بس العجل ما بيقفش او العربية تزحف وبتحس بإنقباضات تحت رجليك فى دواسة الفرامل (دواسة الفرامل بتتطلع وتنزل بشكل سريع تحت رجلك) يبقى ده ال abs الطبيعى وما فيش مشكله.

لو مش بجري بالعربية مش بيكون ملحوظ نهائي و العربية بتقف كويس جدا ... لكن لو واخد سرعة بيكون ملحوظ و اتاكدت ان مفيش حاجة مانعة الدواسة
عمري ما حسيت باي انقباضات او دربكة لما بكبس الفرامل ..
طب اجربها على سرهة كام كده مثلا ؟؟؟

التييل اخباره ايه ؟