رينو ميجان 2005 مش بتسحب علي سرعة عاليه، ممكن حل!

**Ahmedebn5aldon** · 23-07-2015 01:40 AM

سلام عليكم
محتاج مساعدتكم في عربية رينو ميجان 2005 عملت معايا مشكلة غريبة جداً ومش عارف احلها
كنت مسافر علي طريق القاهرة الإسكندرية صحراوي ويا دوب مشيت بيها 30 كيلو وماشية عادي جدا وكل حاجة تمام
فجأة السرعة بتنزل لوحدها، نزلت ل90 تقريبا. بدوس علي دواسة البنزين عشان اعوض الفرق ده الاقي العربية مش بتستجيب لي، جبت اخر الدواسه وهي مش بتستجيب.. الrpm ثابت علي 3 الاف تقريبا ومش بيزيد والسرعه مش بتزيد وبتقل كمان والله
حولتها علي الستب ترونك وقولت اتحكم انا في الغيارات مانيوال، الوضع أسوأ.. برضوا اجيب الاول واحاول اجيب اخر الدواسه وهي مش بتجري يا دوب بتتحرك حاجة بسيطة، عرفت انه المانيوال ده مش هيحل المشكلة حتي وقولت مش هنقل عليه تاني
ركنت وهديتها شوية، ودورتها تاني وانا علي الN جربت ادوس علي الدواسة الrpm بيزيد بحرية تامة ويوصل لحد 6 الاف وولا اي مشكلة!!!
رحت ناقل علي الD وقولت اتحرك وواحدة واحدة بدأت ادوس علي الدواسة.. بدأت العربية تتحرك وبرضوا وصلت لسرعه 90 ولو زودت عن كدة تبرجل وتقطع وبرضوا الrpm مش بيزيد أبدا عن 3 الاف
فهمت اني مش المفروض ازود الدواسه عن مستوي معين، وفعلا كملت لحد ما وصلت اسكندرية بالشكل ده.. دوسه وسط كدة علي البنزين ومش بحاول ازود وهي ماشيه علي 90 وساعات بتزيد ل100 ولكن المهم يبقي لوحدها كدة من غير ما ازود انا رجلي علي الدواسة والا هتبرجل وهتبدا تنزل
فدي ممكن تكون مشكلة ايه؟ وازاي الماتور يبقي مستقر كدة لو علي الN ومش بتبطل ابدا.. والrpm يعلي زي ما انا عايز
انما لو بتحرك مش بيزيد وبيعمل المشكلة دي والسرعة محدودة والسحب وحش جدا!!
هل في نصيحة؟ وفي ميكانيكي ثقة في اسكندرية ممكن يعالج المشكلة ولا لازم التوكيل؟

**على مهران** · 23-07-2015 04:07 AM

بص ياباشا فى واحد اسمه حمدى البيرو عند موقف اسكندرية جنب البنزينه ودا بيفتح من الساعه 9 الصبح
فى واحد تانى فى ميامى لسه اخ فاضل قايل عليه دلوقتى اسمه مهندس شعبان .. مكانه ميامي اسكندر ابراهيم الشارع اللي جنب سوبر ماركت قشطه تدخل فيه تالت شارع يمين الورشه،اسمها المصطفى.. هو حتى لسه مغيرش اليافطه عشان هو،لسه فاتح جديد

وعلى فكره برضه هو مهندس في توكيل رينو اللي في العامريه اللي عاوز يسأل عليه هناك وهو مش متواجد الصبح في الورشه بييجي عالعصر كده عشان بيبقى في التوكيل
ودا انا احتمال كبير ارحله بكرة ان شاء الله ممكن تكلمنى ونروح مع بعض رقمى 01068802358

المشاركة الأصلية كتبت بواسطة Sem0n0mercY