أفيدوني يا أهل الخبرة لأني محتاااار جدا مابين كرزو وبولو واليزيه

**GoldenEgyption** · 23-07-2015 03:54 AM

عايز عربية متزيدش عن 150000 ومحتار مابين 3 عربيات ومحتاج مساعدتكم لاتخاذ القرار

1- شيفروليه - كرزو.
2- فولكس - بولو.
3- ستروين - سي اليزيه.

أهم حاجة ان اللي يعرف عيب خطير في أي عربية منهم ياريت يقولي

أنا عارف ان نايل موتورز فيها خبراء كتير وأتمنى يهتموا بموضوعي

**GoldenEgyption** · 23-07-2015 05:05 PM

انا عايز التقييم يكون على أساس ثبات العربية والأمان ومصداقية التوكيل

**Curva Nord** · 24-07-2015 06:07 AM

انا كنت حاطط نفس الرقم وضفت للحيرة سيات توليدو وممكن تحطها معاهم..
حاليا استقريت على الاليزيه وهستلم يوم السبت..
كنت رايح للتوليدو بس كنسلت علشان شاحة من السوق بس هتتوافر فى شهر 8 ..
الاليزيه سعرها حاليا 124 وفيه اغلب الخصائص مشكلتها هتكون اعادة البيع وقطع غيار غالية شوية..
الكروز اختيار ممتاز ولو انى افضل التوليدو لو مش بتفكر فى اعادة البيع وعايز راحة عربية تعتبر المانى اسبانى ..
شوف اولوياتك ايه واختار على اساسها ..

**GoldenEgyption** · 24-07-2015 02:58 PM

لغاية امبارح الصبح كنت شلت البولو من حساباتي وفضلت معايا الكروز والستروين، لكن خلاص أخدت القرار لصالح الستروين
نزلت اتفرجت عليها وعجبني فيها حاجات كتير حسمت المقارنة بالنسبة لي
1- السعر .. فرق أكتر من 25 ألف
2- الكماليات الزيادة عن الشيفروليه (سنسور بارك - بلوتوث - مثبت سرعة) وحاجات تانية بس دول كانوا مهمين بالنسبالي
3- مساحة العربية من جوة - الشيفروليه حسيتها أضيق في الكراسي الخلفية

وإن شاء الله فاضل ابيع العربية اللي معايا واكمل عليها واتوكل على الله واجيب الاليزيه

وخصوصا بعد قراءة كتير من المواضيع بخصوص العربية حسيت ان مشاكلها تكاد تكون غير موجودة

**GoldenEgyption** · 24-07-2015 03:01 PM

بمناسبة قطع الغيار مش أغلى من الشيفروليه ولا حاجة

**Curva Nord** · 24-07-2015 05:50 PM

على البركة يا باشا..
انا اول ما نزلت شفتها خطفتنى وقررت اجيبها وكنت فى نفس الحيرة..
قطع الغيار قريبة من الكورى وبتاخد نفس البيجو فالاستيراد والفاليو متوفر بقوة لها ..