اتفق معاك تماما في إن الزيت مش لزوجة وبس... وإن مستوى جودة الزيت يتحدد أساسا من مطابقته لمواصفات معينة تتضمن حد أدنى من الأداء
بس اختلف معاك في كذا نقطة...
زيوت الموتور اللي لزوجتها 5W-30 ممكن تلاقيها بكذا مواصفات... تقدر كمان تقول إن الزوجة دي بالذات ممكن تلاقي منها كل المواصفات تقريبا..
على حسب معلوماتي.. موبل ١ بس هي اللي منزلة اللزوجة دي بكود ACEA C2, C3... وباقي الماركات نازلة بكود ACEA A3
اختلف معاك كمان إن ديكسوس مش موجودة في مصر... لإن أحد زملائنا هنا اشترى زيت بترومين A-1 من مصر .. والزيت ده واخد ترخيص ديكسوس ١.
http://www.nilemotors.net/Nile/3875970705-post505.html
الزيت ده تخليقي ١٠٠%... كود ACEA A3, A5.. كود API SN
ترخيص ديكسوس ١... فولزفاجن ٥٠٢/٥٠٥
متوافق مع مرسيدس MB 229.3, 229.5
BMW Longlife
أوبل GM-LL-25-A,B
رينو RN 700/710
بصراحة أنا معرفش هو جابه ازاي.. بس بيقول إنه لقاله موزع في القاهرة واشترى منه.
وأنا شخصيا باستخدمه لإنه الوحيد اللي كان متوافق تماما مع كتالوج العربية
بالنسبة لمواصفات ACEA A3.. فدي الحقيقة محتاجة مراجعة المواصفة نفسها علشان اقدر ارد بشكل موثق.
...
المفضلات