الموضوع: شنطة الشارك

ربنا يباركلك فيها

المشاركة الأصلية كتبت بواسطة د.هشام

فيه ناس كتير مقلقة من حجم الشنطة، لدرجة أنه ممكن يصرف نظر عن شراء العربية علشان موضوع صغر الشنطة.
انا شخصيا حجم الشنطة مهم جدا بالنسبالي علشان عائلتي مكونة من 5 افراد، بس بصراحة جازفت في موضوع الشنطة دي، مش عارف ليه، يمكن علشان حابب العربية ودماغي قفشت عليها.
هي الشنطة طبعا مش كبيرة، وكمقارنة بالنسبة لعربيات تانية زي الاكتافيا والفلوانس تعتبر صغيرة جدا. انا أخويا عنده أكتاف a5 وأول لما شاف الشنطة بتاعتي، جابلي إكتئاب، قاللي ايه يا عم الشنطة دي، دي يدوبك تاخد شنط هاندباج علشان تعرف تضغطهم جوه الشنطة، وأضاف كمان أن غالبا مش حعرف أسافر بيها!!!!!!
إذا كان انا جايبها علشان أسافر بيها!!!!!، هو طبعا معذور علشان بيقارن شنطة الشارك بالاكتافيا.
بس الحمد لله الشارك ماخيبتش ظني، والشنطة رغم صغرها نسبيا (380 لتر ) اثبتت عمليا انها ممكن تشيل شنط سفر.
اولا المفصلات اللي شايلة باب الشنطة مش داخلة جوة الشنطة، فكل المساحة الحمد لله مستغلة.
الشنطة عندي أخذت شنطتين سفر وحقولكم ابعاد الشنط علشان دول أقصى حمولة ممكن الشنطة تاخدهم.
أول شنطة الطول 75 سم والعرض 45 سم والارتفاع 30 سم وخدوا بالكم دا أقصى ارتفاع ممكن يتاخد علشان نصف الشنطة الجواني فيه شفة نازلة من السقف.
-----الشنطة الثانية ودي أصغر شوية اتحطت جنب الأولانية : الطول 70سم العرض 45 سم والارتفاع 25 سم. وبالنسبة لعرض الشنطتين دا الmaximum
والشنطة الصغيرة اخدت فوقيها شنطة هاندباج كمان فوق البيعة.
انا مبقولش أن الشنطة كبيرة بس مبسوط انها أدت الغرض، علشان الشنطة لو مكانتش اخدت الحاجات دي كنت حعذب بيها العيال في الكنبة اللي ورا.
وقولت برضه أديكم فكرة. اللي قلقان بقا يروح يقيس شنطه

ممكن حضرتك تقولنا ابعاد شنطة الشارك وخاصة الاتفاع تحت الشفة وبعيداً عنها ،
للعلم ممكن حضرتك تشيل العلب اللى حوالين الجنط وتستفيد من مساحتها

الارتفاع في نصف الشنطة الجواني حوالي 30 سم
في نص الشنطة اللي برا ممكن تزود حوالي 10 سم في الارتفاع

لسة مكتشف أن ظهر الكراسي الخلفية بتتطبق وتفتح على الشنطة.
حاجة كويسة والله، معرفش حستفيد ايه من كدة، بس تنفع في أي حاجة طويلة عايز اشيلها، أو لو عايز التكييف يوصل للشنطة لأي سبب

أنا عن نفسي متضايق من ضيق الشنطة خاصة إن عندي غطاء للعربية فيها
في حين إن عربية زي الصينيال byd لو رميت فيها عجل البحر ممكن ما تشوفهوش من كبر الشنطة
بس عموما الكل شاري العربية وهو عارف الموضوع ده وراضي بيه

غطاء العربية مش حينفع خالص مع شنط سفر

لا أنا بتكلم في المشاوير العادية بدون شنط سفر أنا عارف كويش إن شنط السفر هتزعلني اوي لوجربتها
بس في المشاوير العادية الغطاء مالي الشنطة كلها مع إنه متطبق كويس يدوب بحط جنبه كيسين فيهم أي حاجة

انا مش متخيل ازاي الغطاء ياخد الشنطة كلها
ممكن تشوف نوع غطاء تاني ياخد حيز أصغر لما يتطبق