أنا بقرأ اخبار عن حادث تصادم وفيه وفيات كتير
حد عنده تفصايل لملابسات الحادث ياجماعه
عرض للطباعة
أنا بقرأ اخبار عن حادث تصادم وفيه وفيات كتير
حد عنده تفصايل لملابسات الحادث ياجماعه
حسب ما ذكرت وسائل الاعلام
اصطدم أحد الصنادل بأحد المعديات النيلية التي تحمل مجموعة من الكبار والاطفال كانوا يحتفلون
ونتيجة للظلام الدامس ، وارتفاع صوت الكاسيت لم ينتبه سائق المعدية للصندل
مما أدى إلى غرق المعدية بمن عليها ، ويقال أن العدد يتراوح من 40 إلى 70 فردا
تم إنقاذ 6 ، واستخراج 22 جثة ، والباقي مفقودون
نسأل الله تعالى ان يرحم الاموت ، ويلهم ذويهم الصبر
اللهم ارزقنا حسن الخاتمة.
يُقال انه كان صندل تبع الجيش.
مش عارف حضرتك زعلان لية كدة اوى بجد ولو مليون واحد عادى جدا
بص الخلاصة
ناس زى وزيك ........... ناس اى كلام فى كلام ماتوا موتة اى كلام وهيتصرف ليهم تعويض اى كلام فى كلام
واللى هينجى منهم ويعيش ........... هعيش عيشة اى كلام فى كلام
فكلة محصل بعضة لانها كلها اى كلام فى كلام !!
70 و 40 ازى هى مركب ولا عبارة؟
حضرتك ما بتشفش المراكب الى على كورنيش النيل فى العيد بيبقى عليها كام فرد دى حاجه
حاجه تانيه ان عدد الوفيات لغاية امبارح وصل 29 و6 ناجيين والخطأ دا راجع لعدم وجود رقابه من الدوله بالأضافة الى استهتار الناس
اللهم ارحم موتانا وموتى المسلمين وصبر اهالى الضحايا
حي الوراق له صفحه عالفيس بوك " غير رسميه "
https://www.facebook.com/Waraq2day
اما بخصوص التفاصيل
مركب صغير زي المراكب اللي بتكون قصاد ماسبيرو ( في مراسي بالوراق نفس النظام )
عليه ناس " أطفال وسيدات وشباب وكبار سن " عائلة ومعارف وجيران
بيتفسحوا في النيل يشموا هوا في حر الصيف بالليل " الموضوع منتشر ومستمر عادي "
وفي صندل ( طبعا الصندل كبير وكتله حديديه ) محمل حديد بينقله لمكان تاني لمنطقه عالنيل
الصندل بيكون مظلم غير مضيىء ولونه اسود ( لون الحديد ) .. وممنوع يسير في المساء
سائق المركب رايح جي في الميه ويلف عادي بيفسح الناس في الميه والدي جي شغال
سائق الصندل فوجىء بالمركب تلف امامه على بعد امتار كبيره
لكن الامتار الكبيره دي في النيل ومع اتجاه التيار وفي المساء تعتبر امتار قليله جدااا
ومع حجم الصندل اللي بيحتاج وقت علشان يغير مساره
ارتطم بالمركب مثل القطار عندما يرتطم بسياره .. واتقلب المركب من قوة الارتطام غير الاحتكاك والزحف
والناس بقت في ثانيه في قلب الميه والمركب نزلت للقاع ومفيش اي شىء يتشبثوا به
اطفال وكبار سن وسيدات في وسط النيل مساءً ( لك ان تتخيل الموقف )
حسب كلام سائق الصندل انه حذر المركب مراراً قبل الإرتطام لكن لم يسمعه أحد بسبب صوت الدي جي في المركب وإضائه المركب التي تعوق الرؤيه الواضحه خارجه .
عدد الناس في المركب يقال مابين 30 : 35 .. وعدد الناجيين 6 .. والجثث المستخرجه حتى امس كان تقريباً 18 جثه
واليوم اصبح المجموع 29 جثه حتى الأن
وما زال يوجد مفقودين جاري البحث عنهم .
الله يرحم الجميع ويصبر أهلهم .
طول ما الدم المصري رخيص ...يسقط يسقط كل ......................
أكمل
طول ما الدم المصري رخيص ...يسقط يسقط كل ......................
أكمل
يعنى هى مشكلتنا دلوقتى بقيت فى ان الصندل تابع للجيش بس لكن مش مشكلتنا الناس الذين توفاهم الله وبعدين ايه المشكله لما الجيش بتاعنا يملك كل المحاجر بانواعها انا مش شايف اى مشكله يعنى بل بالعكس انتو عايزين الجيش لا يملك شئ علشان مش يلاقى ياكل ويموت من الجوع الجيش ده اللى حضرتك خدمت فيه انت وهو وانا طبعا وكانت حاجه تفرحنا اياميها لما كنا شايفين نفسنا عندنا اكتفاء ذاتى من كل حاجه هو انتو فاكرين الجيش بيصرف قليل ولا حاجه انتو شايلين الجيش على دماغكم ليه ولا انتو عايزين جنازه وخلاص فمهما قلتم سيظل الجيش المصرى اقوى واعرق جيش وللامام دائما باذن الله وفعلا تسلم الايادى واللى خدم جيش بلده اكيد مش هيعقب على المشاركه سلبا اكيد لانه عارف يعنى ايه اللى بقوله اما اللى اتهرب من خدمة وطنه ياريت ميتكلمش اصلا ٠٠٠٠٠ قولو المخطئ يتحاسب ليكون عبره لغيره مهما كانت رتبته معلهش ده كلام كويس وجميل انما تقولو صندل جيش وخلاص اييييييه ويظل هسهس الجيش فى اعين من يكرهونه وتسلم الايادى وتحيا مصر
خسارة الكلام
لان الموضوع هيقلب سياسة
وأي صاحب رأي هيكون عميل وإرهابي وخاين وووووووو........... إلخ
أنا معنديش مشكله إنك تعمل أي حاجه وقت فراغك ..لكن المشكله لما تسيب شغلك وتقعد تعمل حاجات هي أصلا مش شغلك
أهو الجيش ده بقى ..سايب شغله ومقضيها بزنس يا باشا بزنس ...والنتيحه ..داعش في سينا ...والنتيحه ..كل ما تيحي تتكلم يقولوا ما هما حيسيطرو ..ما هما مش حيتحمل فيهم كده تاني ..ما هما حيتعلموا من أخطائهم ..ما هما حيصلحوا أخطائهم
وشوف بقى يا باشا ..ما دمت قدمت حرفي ..الحاء والياء قبل الكلام ..يبقى إنت على أرض الواقع لسه ما عملتش حاجه ...وبصراحه ..مش هيتعمل حاجه ..لإن ببساطه ..محدش بيحاسب ومحدش هيتحاسب
الموضوع قلب سيلسه أهو ...
عدد الوفيات اصبح 31
المشكلة ان الموضوع جيعدى مرور الكرام وحيدفن
والمخطىء لن يحاسب لان دم المصرى رخيص
ورجعنا لعصر الماس الكهربائى
وربنا يتولانا برحمته
38.
بصرف النظر عن ان الصندل تبع الجيش او مدني( مش ديه المشكله)
هو لو الصندل يخص الجيش مثلا هنقول ده فعل متعمد ومقصود!
هو في الاول والاخر ده فرد سايق وخطأ فردي او حتى مجموعه افراد لا احد يشك انه قتل خطأ
فشايف ان الحديث عن هوية الصندل ويتبع اي جهه لا طائل منه.
الذي نسأل عنه ويجب على الحكومه ان توضحه للناس (( بعد التحقيقات)).
هو تقديم المسؤول( أقصد المسؤول عن الكارثه سواء فرد او اثنين او اكثر) للعداله.
بصرف النظر عن الجهه التي ينتمى اليها.
رحمهم الله رحمة واسعه
سيد رضوان اللى ما تعرفوش انى مش بتخانق مع حد ابدا تحت اى ظرف من الظروف وانا اسف لنفسى انى حطيت نفسى فى مناقشه مع حضرتك اصلا علشان لغه التهكم بتاعة حضرتك بتاعة انت متاكد انك دخلت الجيش مستفزه جدا وفعلا انا ما دخلتش الجيش بس كان نفسى ادخل الجيش فعلا لانى بحب الجيش المصرى جدا جدا وتحيا جيش مصر العظيم وتحيا مصر التى دائما للامام بقيادة رئيسنا البطل العظيم السيسى غتمنى انك تكون حاسس احساسى الجميل ده
إقحام الجيش فى الحادثة الهدف منه تلطيخ الجيش و إثبات إنه السبب فى قتل المصريين و تشكيك الشعب فى الجيش و مع إحترامى للى بيقول إن المحاجر اللى فى مصر كلها تبع الجيش (أيضا بدون دليل ) لكن الكلام ده غير صحيح المحاجر فى مصر كلها تبع شركات بعضها قطاع خاص و بعضها قطاع عام اشهرهم شركةالمحاجر المصرية و شركة فوسفات أبو طرطور و دول قطاع عام و شركة منجم السكرى و دى قطاع خاص
أحيرا اللى بيقول إن الجيش سايب شغله و مهتم بالمشروعات الإقتصادية و الأرباح فده كلام مش صحيح برضه للأسف و غير دقيق و أكيد اللى قاله مع إحترامى مدخلش الجيش و بيفكرنى بأيام الثورة لما الجيش نزل فى الشوارع و الميادين و الناس إفتكرت إن الجيش ساب الحدود مكشوفه مثلا علشان يأمن المدن و الحقيقة إن اللى نزل فى الثورة معظمه من قوات الصف الثانى فى الجيش و الإحتياطيات اما اللعامود الفقرى للقوات كانوا فى المعسكرات بعيد عن أى أحداث
للازم نعرف إن الجيش المصرى بيتكون من اربع اسلحة أو قوات رئيسية بتنتشر فى اربع مناطق عسكرية و جيشين ميدانيين و عشرات الأفرع و الإدارات اللى هدفها فقط القتال و الدفاع عن مصر و المشروعات اللى الجيش بيعملها دى بيقوم بيها جهتين اتنين فقط هما جهاز المشروعات و الهيئة الهندسية و جهاز المشروعات أنشأه المشير أبو غزالة لتحقيق الإكتفاء الذاتى للقوات بدء من الملابس و المهمات و انتهاء بالأكل و الشرب للقوات و كان ده بتكليف من السادات ضمن سياسة زراعة (غزو) الصحراء وقتها و نتيجة لتحقيق فوائض كبيرة من الإنتاج تزيد عن حاجة القوات فتم طرح الفائض على المواطنين و تطور الموضوع بعد كده لمجمعات استهلاكية و تموين سيارات و توريدات و اللى بيقوموا بالموضوع ده نسبة لاتذكر من حجم القوات المسلحة
اما الهيئة الهندسية فمهمتها الأساسية هى تجهيز مسرح العمليات المحتمل فى أى صراع قادم لخدمة القوات المقاتلة و المقصود طبعا منطقة وسط سيناء و الممرات و ده تم بنسبة 100% بعد سنوات قليلة من تحرير سينا و فى نفس الوقت تم معاه تطوير كل معسكرات الوحدات المقاتلة و رفع مستواها نوعا ما و ده برضه تم فى عهد ابو غزاله و بعدين اتجهت الهيئة الهندسية لإنشاء الفنادق و النوادى و الملاعب الرياضيةالخاصة بالجيش و بعدين نتيجة لوجود فائض طاقة فتم تكليفهم بمشروعات مدنية أكتر و أكتر
هو عايز يقول لك كفاية فتي بقى عشان مرارته تعبت بس من ذوقه مارضيش يقولها لك صريحة :)اقتباس:
سيد رضوان اللى ما تعرفوش انى مش بتخانق مع حد ابدا تحت اى ظرف من الظروف وانا اسف لنفسى انى حطيت نفسى فى مناقشه مع حضرتك اصلا علشان لغه التهكم بتاعة حضرتك بتاعة انت متاكد انك دخلت الجيش مستفزه جدا وفعلا انا ما دخلتش الجيش بس كان نفسى ادخل الجيش فعلا لانى بحب الجيش المصرى جدا جدا وتحيا جيش مصر العظيم وتحيا مصر التى دائما للامام بقيادة رئيسنا البطل العظيم السيسى غتمنى انك تكون حاسس احساسى الجميل ده
نفس الشيء بالظبط اللي كان بيقول انه جاله سرطان , من الفقع مش من الغيظ يعني
عارف ياباشا ..في واحد أعرفه ليه مبدأ حلو قوي لما ييجي يقيم أي موقف ..يقولك لا تحدثني عن التفاصيل ..وحدثني عن النتائج ..يعني هو بيقول مش مهم إن الأهلى فاز على الزمالك ..مثلا يعني ..المهم إن الزمالك أخد الدوري ..يقولك مش مهم إنك ذاكرت ..المهم إن فلان جاب مجموع أكبر منك ..وهكذا
يعني حضرتك تعبت نفسك وتفضلت مشكورا بتعرفينا بأسلحة الجيش والأجهزة التابعه ليه ..وكل ده كلام جميل ..لكن النتيجة اللي أنا شايفها حاليا واللي إحنا وصلنا ليه بعد كلامك الجميل ده ممكن أحصرها في أربع حاجات
الحاجه الأولى ..سيناء مهلهله أمنيا ..يعني مش عارفين يسيطروا عليها لا وهي فاضيه..بعد ما أخلو الشريط الحدودي ..ولا وهي فيها ناس قبل ما يخلوا الشريط الحدودي ...لسه في هجوم معمول إمبارح على كمين في سيناء بالمناسبة ..واللي عمل الهجوم من فجره مشير الأسلحة اللي إستولوا عليها على الفيس بوك
الحاجه التانيه ..إن إسرائيل بتتعاون معاك أمنيا عشان تعرف تسيطر على سيناء..إسرائيل اللي حضرتك المفروض إنك طردتها من سيناء في 73
الحاجه التالتة بقى ودي من عندي ..إن طول السنين اللي فاتت واللي حضرتك بتقول إن الجيش كان شايف شغله فيها كويس قوي ..في حدود تانيه أصلا من الأنفاق موجوده تحت الأرض بينك وبين فلسطين ..وقال إيه..إكتشفوها بعد 25 يناير ..أومال طول السنين دي كان الجيش بيعمل إيه
وحاجه رابعه بقى .ودي أوبشن ..يعني مش إجباري ..وعلى فرضية إن حضرتك مؤيد للكلام اللي بيتردد في الإعلام ..من حكاية إن حماس هي اللي فتحت السجون ..فدي لوحدها كفاية ومصيبة كافيه إن هي تدخل أتخن تخين في الجيش لمحاكمة لا يعلم منتهاها إلا الله ..لما كام وتمانين عنصر من حماس يدخلوا من حدوووووووووووووووووود بلد لغاية وادي النطرون ويرجعوا تاني ..
الفرضيه الرابعه دي للي مقتنعين بس إن اللي فتح السجون حماس وإيران وبتاع وشاي بالنعناع ..والحاجات الغريبه دي ..
لالالالالالالالا إطمن ..هو شايف شغله الأساسي كويس قوي ..سيبك من اللي بيحصل في سينا والوضع الأمني المتردي الخطير اللي مكناش بنسمع عنه قبل كده أبدا ..أهم حاجه تشوف المتحدث العسكري بيقول إيه ..المتحدث العسكري بيقول إن إحنا شايفين شغلنا كويس ..يبقى خلاص ..هما شايفين شغلهم كويس ..
أما بقى بالنسبة للي بيموتوا في سينا والناس إتهجرت والدنيا اللي ظايطه هناك ..فده كله فوتوشوب ..متشغلش بالك إنت ...
انا يا فتح الباب خدمت فى الجيش
و لم اكن سعيدا بذلك لكنى لا انكر انى خرجت من الجيش و قد تعلمت دروسا فى الحياة يمكن اهمها بر الوالدين(متستغربش) الى بيخش الجيش بيبقى عايز يروح يبوس رجل ابوه و امه
فيه فرق بين طاعة السيسي كحاكم للبلاد و فرعنة السيسي و القول انه عظيم و سابق زمانه و الديك الى اذن
لما ان شاء الله يفتح القدس مثل صلاح الدين او ينهض بمصر مثل محمد على نبقى نقول فيه
طلــعــــت علـيهــم بالصباح من الظبى يحــيط به ليل من النقع مظــــــلم
فــــــســاء صبــــاح المــنـذرين لأنــــــه صـــباح به زرق الأسـنة أنــــــجــــم
وجــيش بــه أســــد الكريهة غــضـــب وإن شئت عــقبان المـنية حـــــــوم
يعفون عن كسب المغانم في الوغى فليس لهــم إلا الفـــوارس مغــــنم
إذا قاتلوا كانوا سكوتا شــجاعــــة ولكن ظــباهـم في الطــلى تتكلــم
الفــت ديار الكـفر غـزوا فقد غـــــدا جــوادك إذ يأتـــي إليــها يحـمـــحم
تقاد لك الأبطـــال قبــــل لــقــائــهم لأنــهم من نقع جــيشك قد عــمــوا
وما يعصم الكفار منك حــصــونهـــم ولا شــيء بعــد الله غـيرك يعــصـم
وكل مكـــان أنت فـــيه مـــتبـــارك وفي كــل يــوم فيه عــيد وموســم
ولا بـــرحــت مـصـــــر أحــق بــيوســـف من الشــام ولكن الحــظــوظ تقــسـم
انما قبل كده الكلام رخيص لا يستحق قيمة الحبر الذى يكتب به