كما موضح بالعنوان ايه الفوارق بي اللوجان والميجان؟
عرض للطباعة
كما موضح بالعنوان ايه الفوارق بي اللوجان والميجان؟
السيارتان فئتان مختلفتان
الميجان سيارة فرنسية الاصل أكثر فخامة ، صناعة فرنسية أو تركية لبعض الموديلات
أما اللوجان فهي سيارة رومانية الاصل أقل فخامة ، اسمها الحقيقي داتشيا ، والمتوافر منها في مصر صناعة مغربية
وإذا كنت تنوي الشراء فهذا يتوقف على موديل السيارة ، وحالتها الفنية إذا كانت مستعملة ، وسنة الصنع ، والمبلغ المتوافر معك
فرق السما من الارض ,,
مفيش تشابه اصلا الا ف الاسم و العلامة , و حتى العلامة كمان فيها كلام كتير
لا توجد مقارنة بين السماء والارض.
طيب بما ان الفرق بين السما والارض ((( وواضح انه لصالح الميجان)))
ياريت احد المهتمين بالسيارتين وعنده معلومات كافيه عندهم يكتب لنا مقارنه تفصيليه عنهم واهم فئه في السيارتين
مفيش يا باشا مقارنة
دي عربية من فئة و دي عربية من فئة تانية
واحدة اقتصادية , تجيبها لما تكون عايز عربية توصلك بمصاريف و صيانة مش كبيرة
و واحدة مهتمة بالفخامة و الاوبشن و التكنولوجيا
و طبعا هتلاقي الميجان2 المتاحة حاليا كلها قديمة , احدث واحدة ماشية بقى لها 6 سنين
و اللوجان هتلاقي فيها و فيها
بإيجاز شديد...
((ومش عايز أدخل مناظرات مع ملاك اللوجان لأن دي وجهة نظري الشخصية))
((لو معجبتش حد يرمي كلامي في الزبالة))
= الميجان ركوبة - اللوجان يادوب توصلك شغلك وترجعك.
= الميجان أمان بمعني الكلمة - اللوجان عشان تكون مطمئن آخرك 90
= الميجان كموتور وتكنولوجي مش موجودة حتى في التويوتا واللانسر والأوكتافيا ومعظم السيارات اللهم إلا الأوبل هاي لاين (نفس الموديل) - اللوجان مشي حالك.
= الميجان كانت بتنافس بي إم دابلو في موديلاتها - اللوجان بتنافس اللانوس والفيرنا.
أقو للك على حاجة من الأخر فك عجلة ميجان خلفية و شوف العفشة بتاعتها عاملة أزاى و فك عجلة لوجان خلفية وشوف العفشة عاملة أزاى حتجيب جاز و ترشه على اللوجان و تولع فيها
و برضه من ألأخر مشكلة الميجان أنها صاحبة تكنولوجيا متقدمة جدا و عربية بنت ناس قوى فلو أهانتها لاتنسى الأهانة و حتردها لك أضعاف مضاعفة أركب دى و أنزل على طول و أركب التانية الفارق بصورة رهيبة لصالح الميجان من أفضل موديلاتها و أغلاها موديل 2009 و 2010 فى بعض الموديلات الأولى كان فيها مشاكل
العربية الميجان ماتشتريهاش مستعملة لو كانت ببلاش لأنها عربية الأكابر لأن اللى باعها أكيد بيبقى فيها مشكلة لكن اللى معاه من الأول و محافظ على صيانتها و محافظ عليها لا يمكن يفرط فيها أبدا
لا فيه ناس بتبيعها عشان يحدثوا مثلا , لكن طبعا بيطلبوا اسعار