ايه الفرق بين الميجان واللوجان

**ibrahim sallam** · 23-07-2015 08:21 PM

كما موضح بالعنوان ايه الفوارق بي اللوجان والميجان؟

**hilal** · 23-07-2015 08:34 PM

السيارتان فئتان مختلفتان
الميجان سيارة فرنسية الاصل أكثر فخامة ، صناعة فرنسية أو تركية لبعض الموديلات
أما اللوجان فهي سيارة رومانية الاصل أقل فخامة ، اسمها الحقيقي داتشيا ، والمتوافر منها في مصر صناعة مغربية

وإذا كنت تنوي الشراء فهذا يتوقف على موديل السيارة ، وحالتها الفنية إذا كانت مستعملة ، وسنة الصنع ، والمبلغ المتوافر معك

**monamize4** · 23-07-2015 11:47 PM

فرق السما من الارض ,,
مفيش تشابه اصلا الا ف الاسم و العلامة , و حتى العلامة كمان فيها كلام كتير

**ibrahim sallam** · 24-07-2015 09:28 AM

طيب بما ان الفرق بين السما والارض ((( وواضح انه لصالح الميجان)))

ياريت احد المهتمين بالسيارتين وعنده معلومات كافيه عندهم يكتب لنا مقارنه تفصيليه عنهم واهم فئه في السيارتين

**تامر.محمد** · 24-07-2015 02:25 PM

مفيش يا باشا مقارنة

دي عربية من فئة و دي عربية من فئة تانية

واحدة اقتصادية , تجيبها لما تكون عايز عربية توصلك بمصاريف و صيانة مش كبيرة
و واحدة مهتمة بالفخامة و الاوبشن و التكنولوجيا

و طبعا هتلاقي الميجان2 المتاحة حاليا كلها قديمة , احدث واحدة ماشية بقى لها 6 سنين
و اللوجان هتلاقي فيها و فيها

**adel_edrees** · 24-07-2015 11:51 PM

أقو للك على حاجة من الأخر فك عجلة ميجان خلفية و شوف العفشة بتاعتها عاملة أزاى و فك عجلة لوجان خلفية وشوف العفشة عاملة أزاى حتجيب جاز و ترشه على اللوجان و تولع فيها
و برضه من ألأخر مشكلة الميجان أنها صاحبة تكنولوجيا متقدمة جدا و عربية بنت ناس قوى فلو أهانتها لاتنسى الأهانة و حتردها لك أضعاف مضاعفة أركب دى و أنزل على طول و أركب التانية الفارق بصورة رهيبة لصالح الميجان من أفضل موديلاتها و أغلاها موديل 2009 و 2010 فى بعض الموديلات الأولى كان فيها مشاكل
العربية الميجان ماتشتريهاش مستعملة لو كانت ببلاش لأنها عربية الأكابر لأن اللى باعها أكيد بيبقى فيها مشكلة لكن اللى معاه من الأول و محافظ على صيانتها و محافظ عليها لا يمكن يفرط فيها أبدا