ما مدي صحة هذا الكلام؟

**FAR!D** · 28-07-2015 01:27 PM

المشاركة الأصلية كتبت بواسطة lonedoctor

شكرا على ذوقك واسلوبك الراقى
لو انت عايش فى السعودية من زمان هتعرف ان الرشاوى منتشرة فيها فى كل المجالات مش بس موضوع السيارات لدرجة انهم عملوا هيئة مخصوصة اسمها هيئة الفساد بتتابع كل ادارات الدولة والذمم المالية
احنا بنتناقش حبيبى وكل واحد بيقول رايه
don't be judgemental

اسف لو اسلوبي ضايقك
خلاصه الكلام موضوع قديم و اتعرف خلاص

**M.ABDOU** · 15-08-2015 01:00 AM

فى حاجه رسميه بالكلام ده ولا مجرد قصص على النت فقط

انا بسأل لان فى موقع اعرفه صاحبه مخلص جمركى وكل يوم ينزل صور وتفاصيل عربيات خلصها وهوا على فكره من السويس

فعلشان كده ممكن ممكن يكون الامر مش صحيح

**lonedoctor** · 15-08-2015 06:31 AM

المشاركة الأصلية كتبت بواسطة m.abdou

فى حاجه رسميه بالكلام ده ولا مجرد قصص على النت فقط

انا بسأل لان فى موقع اعرفه صاحبه مخلص جمركى وكل يوم ينزل صور وتفاصيل عربيات خلصها وهوا على فكره من السويس

فعلشان كده ممكن ممكن يكون الامر مش صحيح

وهذا هو سؤالى هل هذا الكلام صحيح ام مجرد اشاعات وخاصة الفيس بوك ملئ باشياء كتيرة عير صحيحة

**ahmedwagdy03** · 15-08-2015 12:13 PM

أنا مش حأفتى كتير فى الموضوع و أعمل فيها خبير . الكلام ده أول مرة أسمعه و ياريت كنت قرأت الموضوع ده من شهرين كنت تحققت منه قبل ما واحد صاحبى يشترى سيارته اللى ناوى ينزلها مصر .

المهم إحتمال يكون الموضوع صحيح و الغرض منه السيطرة على مافيا لعبة المالك الأول فى السعودية

أى حد ممكن يجيب سيارة مستعملة أو تقسيط ويخليها مالك أول بالرشاوى .

أرجو إن محدش يهاجم بدون علم لإن لى تجربتين فى الموضوع ده :

الأولى شخصية : لما إشتريت إلنترا سنة 2010 بالتقسيط من البنك العربى و دفعت 650ريال علشان لعبة المالك الأول ودى حاجة وكلاء السيارات بيضحكوا بيها على المصريين بحيث يعمل أول رخصه بإسمه و تانى يوم يغير الملكية بإسم البنك لحين سداد الأقساط ثم إعادة الملكية للمشترى .إكتشفت فى آخر لحظة فى مركز المعلومات بعد ما سلمت اللوحات إن مستحيل تدخل مصر لإنى كدة بقيت مالك أول و مالك ثالت ( الشرط مالك أول و وحيد) طبعا لو كنت بحثت شوية كان ممكن أخلص الموضوع بالفلوس .

الثانية : صديق لى إشترى كورولا من عبد اللطيف جميل و دفع ألف ريال زيادة علشان مالك أول و بطريقة ملتوية عرف يسلك العربية بالتلاعب فى برنت المرور

و يمكن علشان كدة نزلوا القرار ده و الله أعلم

**ahmedwagdy03** · 15-08-2015 12:19 PM

المشاركة الأصلية كتبت بواسطة yaserbasha2000

فعلا موضوع المالك الاول ده اتضرب و كتير جدا اخر 3 سنين عربيات بتنزل من الخليج و خصوصا السعوديه للتجار تترخص و تتباع في مستعمله في مصر

فالناس اللي ليها مصالح (تجار الجديد) لازم يحاربوا علشان يقفلوا الثغرات اللي الناس بتعدي منها

الموضوع ده حصل من 5 سنين و قت ما فجأه عربيات المعاقين ملت البلد و اثرت علي سوق السيارات فعدلوا في لوائح استيراد سيارات المعاقين علشان يوقفوا طوفان السيارات دي و قتها

إنت صح : واحدة من معارفنا واصلة قوى لقيناها فجأة راكبة حتة بى إم زيرو واخداها من مزاد من الجمرك على سيارات معاقين ب 90 ألف جنية سنة 2008 . و عرفنا ساعتها الموضوع منتشر جدا بس المزادات دى بتبقى لناس معينة ( المثلث الشهير فى مصر )

**Abo_Mazen** · 15-08-2015 12:41 PM

المشاركة الأصلية كتبت بواسطة ahmedwagdy03

إنت صح : واحدة من معارفنا واصلة قوى لقيناها فجأة راكبة حتة بى إم زيرو واخداها من مزاد من الجمرك على سيارات معاقين ب 90 ألف جنية سنة 2008 . و عرفنا ساعتها الموضوع منتشر جدا بس المزادات دى بتبقى لناس معينة ( المثلث الشهير فى مصر )

جامد قوي موضوع المثلث الشهير في مصر ..

**chef** · 15-08-2015 09:55 PM

المشاركة الأصلية كتبت بواسطة ahmedwagdy03

أنا مش حأفتى كتير فى الموضوع و أعمل فيها خبير . الكلام ده أول مرة أسمعه و ياريت كنت قرأت الموضوع ده من شهرين كنت تحققت منه قبل ما واحد صاحبى يشترى سيارته اللى ناوى ينزلها مصر .

المهم إحتمال يكون الموضوع صحيح و الغرض منه السيطرة على مافيا لعبة المالك الأول فى السعودية

أى حد ممكن يجيب سيارة مستعملة أو تقسيط ويخليها مالك أول بالرشاوى .

أرجو إن محدش يهاجم بدون علم لإن لى تجربتين فى الموضوع ده :

الأولى شخصية : لما إشتريت إلنترا سنة 2010 بالتقسيط من البنك العربى و دفعت 650ريال علشان لعبة المالك الأول ودى حاجة وكلاء السيارات بيضحكوا بيها على المصريين بحيث يعمل أول رخصه بإسمه و تانى يوم يغير الملكية بإسم البنك لحين سداد الأقساط ثم إعادة الملكية للمشترى .إكتشفت فى آخر لحظة فى مركز المعلومات بعد ما سلمت اللوحات إن مستحيل تدخل مصر لإنى كدة بقيت مالك أول و مالك ثالت ( الشرط مالك أول و وحيد) طبعا لو كنت بحثت شوية كان ممكن أخلص الموضوع بالفلوس .

الثانية : صديق لى إشترى كورولا من عبد اللطيف جميل و دفع ألف ريال زيادة علشان مالك أول و بطريقة ملتوية عرف يسلك العربية بالتلاعب فى برنت المرور

و يمكن علشان كدة نزلوا القرار ده و الله أعلم

لا عادى مادام انت اول مالك وكمان متنساش انك سجلتها فى السفارة واخدت معاك كمان برنت مرور فى نفس السنه يعنى مش تلاعب ورسمى مليون الميه .. ومش مهم انها ترجع للبنك او الجهه المموله تانى مرة وتستردها انت بعد كده كمالك تالت .. لا انك خلاص طلعت البرنت بمالك اول وسجلت كمان فى السفارة وكمان معاك البطاقه الجمركيه وكمان فاتورة الشراء اللى هى اعتمدت من القنصليه .. انا شايف كده انت ماشى صح ... ومالهمش دعوة فى الجمارك انك تالت او تانى ؟ المهم انت اول مالك ومعك مايثبت

**hemida007** · 16-08-2015 12:43 AM

انا قرات المشاركة الاصلية ع الفيس بوك من فترة وتم الرد في اكتر من كومنت من مغتربين انهم نزلوا سياراتهم بالاجراءات العادية من السعودية بعد هذا الموضوع
لو كان صحيح كان نزل بيه خبر في الجرائد ع الاقل المصريين اللي ف السعودية اكبر عدد جاليه مصرية يمكن ف العالم فصعب يطلع قرار خطير كده من غير ما كلنا نعرف
تحياتي

**ahmedwagdy03** · 16-08-2015 11:11 AM

المشاركة الأصلية كتبت بواسطة chef

لا عادى مادام انت اول مالك وكمان متنساش انك سجلتها فى السفارة واخدت معاك كمان برنت مرور فى نفس السنه يعنى مش تلاعب ورسمى مليون الميه .. ومش مهم انها ترجع للبنك او الجهه المموله تانى مرة وتستردها انت بعد كده كمالك تالت .. لا انك خلاص طلعت البرنت بمالك اول وسجلت كمان فى السفارة وكمان معاك البطاقه الجمركيه وكمان فاتورة الشراء اللى هى اعتمدت من القنصليه .. انا شايف كده انت ماشى صح ... ومالهمش دعوة فى الجمارك انك تالت او تانى ؟ المهم انت اول مالك ومعك مايثبت

اللى أنت متعرفوش إن برنت المرور صالح لمدة 15 يوم فقط و غير كدة لازم تنزل العربية خلال 15 يوم أو تطبع واحد جديد