اثناء تصفحى لمواقع اخبار السيارات على الانترنت لفت نظرى وجود صور جديدة للمازدا 3 موديل 2010 لم تنشر فى المنتدى فحبيت انقلها هنا مع بعض الشرح وتوضيح الفروقات ما بين الاخت القديمة والاخت الجديدة

اول حاجة تلفت نظرك ان المازدا 3 الجديدة هتبقى اطول واعرض من المازدا 3 الحاليه

وده اكييد هيعود بالنفع على الضيق النسبي للكنبه اللى ورا




ده صورة للواجهة الاماميه الهجوميه جدا ، وواضح جدا تاثرها ب Rx-8 كوبيه (السيارة الرياضيه من مازدا)

وتقريبا نفس شكل الفوانيس والاكصدام الامامي للمازدا 6 وده تقريبا تاكيد لفلسفة مازدا اللى هى زوم - زوم




وده صورة جانبيه للسيارة والمؤخره واضحه برده فى نفس الصورة

نقدر نقول انهم قدروا يحافظوا على روح وشكل مازدا 3 حالى وده واضح جدا فى الانحناءة الخلفيه للسقف والزجاج الخلفى

مع الاحتفاظ بالمؤخره الجميله جدا للمازدا 3 طبعا مع بعض التعديلات اللى اضافت جدا للمازدا 3 الجديدة




وده صورة داخليه اتخدت للموديل التجريبى

واضح من الصورة الحفاظ على شكل تابلوه المازدا 3 الحالى مع بعض التغييرات الجوهريه المتمثله فى الاتى

تغيير شكل الساوند سيستم ونقل شاشات البيانات من وسط التابلوه لتاخد حيزا كبيرا فى التابلوه من فوق ( وده حركه جميله جدا) لان من شانها زيادة تركيز السائق ويقدر يقرا المعلومات منها بكل سهوله

وطبعا اضافوا فيها شاشه الكترونيه فى التابلوه تقريبا زى الانسر شارك تقريبا.

الحقيقة شكلها وهمى وتحفه وده فعلا العربيه الجديدة اللى لو نزلت هنقول انها احلى من الموديل الحالى وليس العكس ككثير من السيارات الجديدة اللى بتنزل بيبقى الشكل القديم احلى من الجديد

السيارة هيتم عرضهل رسيما فى معرض لوس انجلوس فى امريكا بعد بكره يوم 19/11/2008.