الموضوع: زيت فتيس- لانسر شارك

السلام عليكم :-

دلوقتي يا جماعه انا بفكر في الصيانه الي جايه احط زيت غير توتال زي ميجيوين او ليكي مولي او كاسترول ده بالنسبة للمحرك ، بالنسبة لزيت الفتيس هل ممكن اغيره كمان باي نوع من الزيوت دي خاص بالفتيس ؟؟ لان الي اعرفه نوع زيت الفتيس الي بيتحط في التوكيل بيكون توتال زيه زي نوع زيت المحرك ،

فدلوقتي لو هحط اي نوع زيت اخر للفتيس تنصحوني بايه ؟ وايه رقم لزوجته ومواصفات الزيت ده ؟

المشاركة الأصلية كتبت بواسطة seri0us

بالنسبة للمحرك انا بحط ليكوي مولي و حاجة ممتازة و مهدية صوت المحرك .. بالنسبة للفتيس كنت جبت بتاع دايموند و نزلته بعد 5000 كم .. ماعجبنيش نهائي و مش ده اداء الفتيس اللي انا عارفه .. فجبت ليكوي مولي top 1200 العبوة 5 لتر مظبوطة على الفتيس ب 400 ج .. و المنتج ده هو اللي مطابق للي بيوصي بيه ميتسوبيشي .. اما ليكوي top 1100 كويس بس مش مكتوب عليه نوعية فتيس الشارك رغم انه ارخص بس قلت خليني في المضمون اللي هو 1200 و على الاقل مكتوب عليه موافق لسيارات ميتسوبيشي اللي لزوجتها كذا و كذا .. و سيارات هيونداي اللي لزوجتها كذا وكذا. . الخ .. بس طبعا بالانجلش :)

انا فعلا ناوي ان شاء الله احط في تغيير الزيت الي جاية ليكوي مولي او ميجوين او كاسترول المهم اني ابعد عن توتال او موبيل ,

ثانيا بالنسبة لزيت الفتيس فانا بحط زيت توتال الي بيحطه التوكيل وطبعا مش عارف اذا كان ده حلو ولا وحش لكن مش عندي مانع اني اغيره لحاجة احسن , طيب من بعد اذنك انا عندي سؤالين :

هل ليكوي مولي top 1200 العبوة 5 لتر حضرتك حسيت بفرق في اداء الفتيس او العربيه ؟ وهل لزوجته مطابقة مطابقة للزوجة زيت الشارك علما بان انا معايا شارك 2009 خليجي ؟

زيت الفتيس بيتغير كل قد ايه ؟ يعني انا تقريبا غيرته ع 40 الف والصيانه الي جايه 80 الف وفيه ناس قالتلي ان نغيير زيت الفتيس كل شوية مش كويس وخطر !! ؟