الموضوع: صوت ونه عاليه فى فيات 127

السلام عليكم :
على فكره دى اول مشاركه لى وان شاء الله مش الاخيره وربنا يفيدنا منكوا ان شاء الله وياريت اقدر انا كمان افيدكوا ... المهم
عندى اول عربيه جبتها فيات 127 عجبانى واهى قاضيه الغرض منها للبيت المهم بقالى شهرين تقريبا بسمع صوت ونه عاليه اوى مع بدايه السرعه مثلا من اول 40كم. يبداء صوت ونه بشع عالى يجيلى من التابلوه ونه عاليه جدا
المهم الصوت ده حتى لو الفتيس مور الصوت موجود ةانا اعتقد انه مش مرتبط بغيار معين لانى متعود عاده نيله بقرص على التالت شويه والتانى وايا كان الغيار بمجرد وصول لسرعه مثلا 40 اسمع الونه العاليه.
اخدتها للميكانيكى بتاع الفتيس خرجنا وجربناها فتيس مور الصوت موجود قالى ياباشا ده مش فتيس كدا هتلاقى بلي العجل الامامى وحش قلت اغير واخده الشمال لانى لقيت العجله فى سنه بوش فعلا وغيرتها ولاقيت البليه القديمه مش وحشه اوى المهم الصوت لسه مصدعنى.
قلت اسأل اهل الخبره الاول قبل مااغير البليه التانيه وبصراحه انا مش بثق فى الميكانيكى بتاعى لانه رغاى و كل شويه يقوللى بيع العربيه واكنى بحوش فلوس من وراها .
المهم ...اسف طبعا على الاطاله لكن اى اقتراحات اى سوابق للتجربه دى عندكوا ؟ ... مشكورييييين :)

الاخوه الاعزاء
تم الحل الحمد لله وكانت مشكلة بلى العجله اليمين الامامى وربنا ستر انه مش الفتيس
بس هروح اظبط زوايا.
مشكورييييييين جميعا