مساعده سريعة في شراء ميجان ٢ ٢٠٠٦ الاسكندريه

**ahmedegypt55** · 25-07-2015 07:37 PM

يا جماعه .. الا ان يشاء الله نويت أشتري الميجان .. ومعروض عليا واحد٢٠٠٦ ميجان ٢ وارد السعودية بشكل ٢٠٠٧ .. بس صاحبها مغيرلها موموتور ماكينة رينو ٢٠١٤ استيراد ومغيرها فرش الابواب بجلد وكمان الشنطه جلد ومغيرلها عفشة جديد وفوانيس خلفية وحاطت استيكر علي. السقف .. كانه فتحه يعني !!!!

المهم هو عايز فيها ٦١٠٠٠٠ بس طبعا كتير .. وحكشف الاول في التوكيل اكيد .. وشكله كان بيعمل صيانتها عند ميكانيكي مشهور بالرينو مش في التوكيل .. اه ... اخر قراءه للموتور القديم كانت تقريبا ٢٠٠ الف كيلوا .. برجاء الافاده هل الحاله كدا كويسه ولا لأ ؟؟

والمفروض تخلص علي كام ؟؟؟ ضروري يا جماعه علشان حكشف عليها الا ان يشاء الله بكرا .. وناوي بعد المشيئه اكتب كل التجربة بالصور والفيديوهات بعد الشراء وتتبع لكل المشاكل اللي الناس قالت عليها :)

**ahmedegypt55** · 25-07-2015 10:53 PM

يا جماعة فين ملاك الميجان.. اخوكم مزنووووووق :)

**ahmedegypt55** · 26-07-2015 12:10 AM

فين الردود يا ميجاوية .. اتعودنا علي احلي دعم :(

**eng_amg** · 26-07-2015 01:39 AM

رأيي العربية متغير موتور يبقى متهانة حتى لو مجددة.
ممكن لو تويوتا او لانسر اقولك خدها. لكن ميجان بنت ناس قوي. وطالما اتهانت يبقى بلاش منها.

**A7medelfe2y** · 26-07-2015 08:48 AM

المشاركة الأصلية كتبت بواسطة eng_amg

رأيي العربية متغير موتور يبقى متهانة حتى لو مجددة.
ممكن لو تويوتا او لانسر اقولك خدها. لكن ميجان بنت ناس قوي. وطالما اتهانت يبقى بلاش منها.

جبت الخلاصه حضرتك
بس لو قررت خلاص انك تشتري استنا راي ملاكها يفيدوك
وخلي بالك العربيه دي لو مش سليمه هتكرهك في العربيات

**على مهران** · 26-07-2015 10:43 AM

متخليش الشكل العام يغريك لان ممكن العربية تكون زى الفل من برة واول ما تشتريها تلاقى كل الاعطال عماله تظهرلك ورا بعض خليك فى عربية تكون فابريكه بحلتها احسن من اللى متغيرله ماتور ولا اى حاجه تانية
وربنا يوفقك ان شاء الله

**fepsceasar** · 26-07-2015 11:07 AM

انا شايف ما فيش حاجة تعيب العربية ..بس ازاى موتور 2014
لو موتور ميجان 2 ما فيش مشكلة والسعر مش غالى ولا حاجة
اكشف على العربية كويس ..والله اعلم

**ahmedegypt55** · 26-07-2015 07:19 PM

الف شكر يا جماعه .. فعلا لو فبريكه يبقي احسن ... بس البديل اللي موجود اصلا ١٥٠ الي ١٦٠ الف كيلو .. يعني فبريكه بس الموتور مفحوت ..

يعني الموضوع مستاهل اخدها التوكيل واغرم ٥٠٠ جنيه ؟؟ لو موضوع تسقيط ماكينة ميجان او لا ... كل الرينو تقريبا موتور واحد في الفلوينس زي الميجان ... فكدا لو ميعبهاش هل حيبقي ميزة كأني اخد عربيه كسر زيرو .. وبعدين موضوع تغيير فرش البيبان ده مش عارف ... عموما مستني بقيت ردودكم

**hilal** · 26-07-2015 08:14 PM

قد لا يعجب رأيي كثير من ملاك الميجان
ابعد عن موديل 2005 و2006 بالذات في ميجان 2
عن تجربة هتبهدلك زي ما بهدلتني وبعتها بالخسارة عشان ارتاح

**ahmedegypt55** · 27-07-2015 04:58 PM

شكرا علي الردود القيمه يا جماعه .. بس حابب اقول ان عربيات كتيرة مظلومة بسبب الدكاترة اللي بعوكوا فيها ومسميين نفسهم صنايعية .. الميجان اكتر عربيه اتبهدلت في الموضوع ده

ياريت لو عندكم ردود مفيده في الموضوع اكتب وفيدني