الموضوع: حل مشكله ضعف اداء رشاشات ومساحات الزجاج الامامي

طبعا المشكله دي كانت مضيقاني جدا

ونضفت الرشاشات كزا مره وفكيت متور قربه المياه ونضفت الفلتر اللي عليه

كل ده والنتيجه سيئه لان التحسن لا يتعدي 20 في الميه وخلال 3 او 4 ايام بالكتير كان كل حاجه تسوء تاني

جربت اغير راسين الرشاش استيراد ب 50 جنيه دون اي جدوي

من الاخر كده بالصدفه لقيت ان الرشاشات دي بتتباع جديده عند امريكان ستارز في شارع شامبليون

جبتهم ب 40 جنيه وجبت طقم مساحات عاديه ب 20 جنيه ومليت قربه المياه مياه مخلوطه مع جلاس زجاج

وهوب فك وركب وعيش التجربه

والله الرشاش بقي بيرزع المياه في الزجاج الامامي زي الصاروخ والحمد لله

والزجاج لما برش المياه مع المساحات الجديده بينضف ويبقي نقي جدا جدا جدا خاصه مع الجلاس والمساحات الكبيره مقاس 20

بلاش تضيع وقتك في تنظيف رشاشات قديمه علي الفاضي

بس اهم حاجه مياه مخلوطه بجلاس زجاج علشان الرشاشات ما تتمليش رواسب تاني

انا مش عارف بصراحه

بس اكيد حاجات زي دي خاصه في العربيات الكوري والياباني اكيد موجوده ومتوفره

المشكله عندنا احنا في الالماني ان الحاجات الرفايع دي صعب نلاقيها