ارجو الافادة

**msm0666** · 26-07-2015 11:36 AM

دلوقتى يا جماعة انا عملت حادثة بالنيو لوجان اتوماتيك 2015 تانى يوم العيد وكنت فى الساحل ومكنش التوكيل فاتح والحل الوحيد انى انزل العربيه على كساحة والدنيا هنا غاليه جدا فجبت سمكرى عملى زرجينه واستعدلى صدادة الحوادث الى كانت كابسة على السربنتينه والمروحة والرادياتير والميكانيكى فك ال 3 حاجات دول ولحمت الرداياتير لحام سريع مع انه الامونيا وركبنا الحاجات ده تانى بعد ما سالت على ال 3 قطع دول فى التوكيل وقالى ب 7600 يعنى لو روحت التوكيل هدخل فى 10 الاف جنيه من غير سمكرة والعربيه ماشيه تمام ومفيش مشكلة
دلوقتى انا حيران لان العربيه لسه الضمان بتاعها مخلصش اروح التوكيل واخليهم يشفوها مع انى عارف انهم مش بيصلحوا وهيغيروا على طول ولا حد يدلنى على ميكانيكى فى صقر قريش يفك العربيه ويلحم الرادياتير لحام اتمونيا ويصلحلى السربنتينه ويشحن التكييف وخلاص
لو حد يعرف ميكانيكى فى صقر قريش اشتغل فى النيو لوجان اتوماتيك ياريت يدلنى عليه ولو حد يعرف السربنتينه والرادياتير بتوع اللوجان القديمه تمشى عليها ولا لا ياريت يقولى وشكرا واسف على الاطالة

**msm0666** · 26-07-2015 01:07 PM

39 مشاهد ولا حد راضى يساعد . ربنا يجنبكم الزنقة ويكفيكم الحوادث

**dmse** · 26-07-2015 03:44 PM

اولا انت 2015 يعنى لازم تروح التوكيل تبص على العربيه حتى لو مش هاتصلح هناك وتعرف ايه الحاجات الى لو عملتها بره تخرجك من الضمان وتكسف على عربيتك وتشوف اذا كان فيها حاجة انت بتقول عملت زرجينة شوف لتكون فيها حاجة مخزنة او اى حاجة تانية ممكن ماتكونش باينة عشان حرام انت لسه زيرو

**mkaram84** · 27-07-2015 11:02 AM

قدر الله وما شاء فعل..
الحمد لله انك والاسرة الكريمة بخير وعافية

أنا رأيي انك تتأكد من التوكيل بالتليفون انك لو ركبت القطع دي خارجه مش هيأثر على الضمان
انا كنت عملت حادثة بعربيتي لوجان اوتو 2014 بعد ما اشترتها بشهرين ورحت على التوكيل وسألت كام ورشة لحد ما استقريت على ورشة نايل موتورز في النهاية
شوف الموضوع ده: http://www.nilemotors.net/Nile/402378-a.html

بالنسبة لاستفسارك عن الميكانيكية وقطع الغيار.. مش هاعرف افيدك للاسف.. اتمني الشباب يفيدوك ان شاء الله..
وربنا يعوض عليك..
والله الموفق