شباب المنتدي الاعزب فوق الثلاثين رجاء الدخول
دلوقت يا شباب بما انك عديت الثلاثين سنه و متجوزتش و لا خطبت و لا ارتبطت و لا الكلام ده
ايه سبب انك عازب لحد دلوقت
هل هو نصيب و لا ظروف ماديه و لا مغاله في طلبات اهل البنات ولا مفيش حد مناسب
طب اللي بيلاقي حد مناسب و ظروفه منيله و بيتجوز بدري ده نسميه ايه و بلاش نتكلم عن اللي بابي و مامي بيجوزوه
طيب هل انت متوقع لما تيجي تتجوز الناس هتتعامل معاك زي ما بتتعامل مع حد في العشرينات و لا هيبقي شايفين ان الطلبات لازم تزيد لأنك مبقتش شاب في مقتبل حياتك علي العكس المفروض تبقي جاهز من كله
طيب لو انت امكانياتك زي امكانيات شاب في مقتبل حياته يجوزوك بنتهم لي0
طيب لما هتيجي تتجوز انت شايف ان فاتك كتير و لا متأقلم و متعايش و شايف ا ن محصلش حاجه
الموضوع ده طرء في دماغي النهارده بما اني 34 و لسه زي ما انا
جيت حسبتها بحسبه بسيطه و لقيت اني لو اتجوزت بكره و خلفت بعد سنه هلاقي نفسي عندي 50 سنه و ابني 15 سنه فرق كبير جدا بقيت راجل عجوز و هو لسه علي اعتاب المراهقه
طيب دوافعك للجواز بعد ما وصلت للسن ده هي ايه جسديه و لا عائليه و نفسيه و لا الاثنين
اتمني التفاعل و الرد من الي في نفس الموقف