عيز أغير الأسطوانة و الدسك للBYD f3-r

**bateka555** · 17-11-2008 01:41 PM

ياريت لو حد يعرف الإسطوانة و الدسك (طقم الدبرياج يعنى )ممكن أجيبو من متسوبيشى ولا يختلف عن العربية الBYD f3-r أنا على العموم سألت فى التوكيل قالولى ب900 جنية الطقم بس صينى ففكرت لو ينفع يركب عندى بتاع الانسر بس مش عارف ياريت لو حد يعرف يفدنى
جزاكم اللة عنى خير وشكراً

**aratux** · 17-11-2008 02:31 PM

معلش سؤال مالوش علاقة بموضوعك
بقالها قد إيه العربية دى؟

**bateka555** · 17-11-2008 02:59 PM

حوالى سنة و شهرين

**ابوشريف** · 17-11-2008 03:43 PM

ممكن نعرف عربيتك عملت كام ألف كيلومتر ....؟

**أبومعاذ** · 18-11-2008 01:18 PM

ينهار؟!!!! عربية بقالها سنة و جابت طقم دبرياج؟!!!!!

**Rsarabia** · 18-11-2008 10:11 PM

ممكن حضرتك تعرفنا العداد كام كيلو ؟؟

**mahmoudzaied** · 18-11-2008 11:12 PM

يا ريت تقول العربية ماشية كام كيلو فى سنة وشهرين؟
اعتقد انها مش هتعدى 30 الف كيلو

وممكن تقولنا انت سواقتك عاملة ازاى ؟
يغنى بتفرك وتخمس ولا سواقة هادية؟
لو طلعت سواقة هادية يبقى الصينى ده ............. بلاش بقى

**muslem** · 18-11-2008 11:33 PM

شوف يا اخى المفروض انك تغير الاسطوانة والديسك بتويوتا كرولا لان دى ميزة الBYD F3انك تغير حاجاتها بيابانى بدل حاجتها الصيني الا اذا كان الاسطوانو الديسك تبع المتور
فعلى طول توكل على الله و غيرهم باسطوانة يابانى اذا كان الاسطوانة و الديسك تبع المتور الميتسوبيشي القطع اللى ممكن تغيرها من ميتسوبيشي المفروض هى المتور فقط على حسب علمى و باقي العربية كلها تويوتا كرولا و ده كلام التوكيل على فكرة برضوة غيران مواصفتها هى نفس مواصفات تويوتا كرولا من عفشة و غيره بعيدا عن المتور الا الفوانيس طبعاهى اللى لازم تكون صيني :D

**bateka555** · 19-11-2008 01:34 PM

العربية عاملة 33500 كم وسواقتى أو كتيرة هادية (بس فية أوقات بشد مع عربيات أخرى و بحرق على الغيارات )والى قلى أغير التقم التوكيل قلى يعنى إمشى بالطقم دة شوية و بعدين غيرة بس مش عارف دية إشتغالة ولا إية بس سحب لعربية قل جداً .
وشكراً للمساعدة