المشاركة الأصلية كتبت بواسطة dreamo
شوف يا باشا
الموضوع كالأتي .. وأغلب الشركات العملاقه عالنت بتستخدم الطرق دي
زي جوجل ( ده كارثه لوحده في تحديد الهويه )
اولاً الواتس اب يتبع الفيس بوك .. هنكلم عنها شويه
حضرتك تليفونك مش سمارت ولا بتستخدم واتس اب .. لكن رقمك متسجل على تليفونات ناس يعرفوك
وبيستخدموا واتس اب .
الناس دي اي حد منهم بيستخدم فيس بوك .. واغلبهم مسجل تليفونه عالفيس كوسيلة حمايه لحسابه
الفيس بيلقط ارقام الناس اللي متسجله على تليفونه لما بيستخدم الواتس اب .. ويحتفظ بيها في الفيس لتحديد هوية مستخدمين اخرين
ولما انت تيجي تستخدم رقم تليفونك عالفيس حتى لو مش بتستخدم واتس اب
الفيس على طول بيلاقي رقمك متسجل على تليفون شخص تاني من اللي يعرفوك ..
فبيجبهولك كشخص قد تعرفه .. او أصدقاء مرشحين
ولو انت والشخص ده بتسجلوا دخول من نفس المنطقه .. بيجبلك اشخاص تانيين مرتبطين بالشخص الاولاني
في نفس المنطقه .. ووارد اوي تكون تعرفهم او بتشوفهم صدفه في منطقتك
كل الرغي اللي فات ده في جزئية الواتس اب وعلاقته بالفيس وارقام التليفونات
في خوارزيمات تانيه كتير بتستخدم بجانب الطريقه دي لتحديد الهويه
الواتس اب وارقام التليفونات .. والمنطقه وال ip والإهتمامات
( إهتماماتك بتتعرف من أسلوب تصفحك مش من الحاجات اللي بتكتبها في بروفايلك اللي ممكن تكون عكس الواقع )
كمان الكوكيز على المتصفح وممكن متصفحات اخرى على الجهاز
كل الحجات دي وحجات تانيه بيتم تحليلها والربط بينها كلها او بعضها بالإشتراك مع تحليلات مستخدمين اخرين
وعلاقتهم بأي جزئيه خاصه بيك .. الخ الخ .
كل ده في الفيس بوك ولا شىء جنب جوجل
تجربة بسيطه لجوجل
جرب بحث جوجل .. هتلاقي في ادوات البحث .. المنطقه والمدينه بتاعتك
المدهش في الموضوع انه جايبلك اسم المنطقه اللي هي ممكن تكون كفر او عزبه داخل قريه والقريه داخل مركز والمركز داخل مدينه والمدينه داخل محافظه
يعني فاضله تكه ويقولك اسم الشارع بتاعك ورقم بيتك
مع العلم ان مفيش gps عالكمبيوتر والاتصال عن طريق dsl مش فلاشه او موبايل .
ومع العلم ان ال ip بيقدر يحدد الدوله والمحافظه .. واقصى حاجه المدينه
لكن يوصل لمنطقه جوه قريه جوه مركز جوه مدينه .. دي اللي يجنن بجد
لأن ده مش متاح غير لشركة الإنترنت اللي معاك إشتراكها فقط .
وكان في مره مدير ف جوجل قال ان جوجل عندها 253 وسيله لتحديد الهويه ( تستخدم كلها كلوغاريتمات لتحديد الهويه ) .
إستمتع :)