السلام عليكم
امس عملت صيانة ال 30000 كيلو في فرع العبور - عربيتي لوجان اوتو 2014 الشكل القديم
ودي ملاحظاتي:
1- كانت في زحمة كبيرة في الفرع لدرجة ان البارك كان مليان وفي عربيات منتظرة في الشارع
2- انا معادي 10:30 رحت 10:15 وسلمت العربية 11:30 بسبب الزحمة
3- كانت عندي مشكلتين بجانب الصيانة الدورية: لمبة الاعطال نورت كذا مرة - وكان في صوت خبط بسيط في الملفات الناحية الشمال
4- استلمت الساعة 3:30 الحمد لله كالتالي:
* الصيانة الدورية: تغيير زيت + تغيير فلتر زيت + الكشوفات الدورية ودفعت 710 بالضريبة والمصنعية (وعلى فكرة مفيش تغيير فلتر بنزين عشان العربية مش فيها اصلا فلتر بنزين - المشكلة ان خدمة العملاء والموقع قالولي ان في فلتر بنزين وان التكلفة هتبقي 850 بالضريبة)
* لمبة الاعطال: غيرولي مكنة الاستوب (اللى مش عارف ايه هيا بالظبط) على الضمان
* صوت الخبط: بسبب ان المصفحة مكنتش مربوطة كويس فربطوا عليها ضمن تربيط العفشة

اتمنى اكون افدتكم.. والله الموفق