رابيد هاتشباك هاي لاين ولا أوكتافيا سيدان أول فئه

**عبدالرحمن فريد** · 28-07-2015 02:23 AM

السلام عليكم،، أنا في حيره حاليا و مش عارف أجيب رابيد هاتشباك هاي لاين ولا أوكتافيا سيدان أول فئه،، دول الخيارات المتاحه بلنسبه ليا بعد مقارنات كتيره مع عربيات تنيه،، شكرا

**megaarts** · 28-07-2015 09:56 AM

عن نفسي افضل الاوكتافيا برغم انها هتبقي فاضيه تقريبا بس هي اكبر وافخم وارشحلك الكورولا بنفس السعر وفيها كل الكماليات ولو انت حابب استايل الرابيد في عربيه لسه نازله من كام يوم اسمها كيا سييد |sw

**AHMEDJUDDY** · 28-07-2015 10:48 AM

اوكتافيا a7 أول فئه طبعا . بدون تفكير لو هما دول الخيارين الوحيدين

**goyamasta** · 28-07-2015 12:21 PM

المشاركة الأصلية كتبت بواسطة AHMEDJUDDY

اوكتافيا a7 أول فئه طبعا . بدون تفكير لو هما دول الخيارين الوحيدين

ليه بقى؟

**mario_9111** · 28-07-2015 09:19 PM

انا في رائ لو الكورولا لو عاجباك تكون أفضل وطبعا لو خليجي تكون احسن ولو وسع العربيه مش مهم بالنسبة لك هات الأولين الاعلي

**atef_5005** · 28-07-2015 10:41 PM

اوكتافيا اول فئه مع انها فاضيه بس افضل من الرابيد

**goyamasta** · 29-07-2015 12:37 AM

اوكتافيا اول فئة فاااااااضية تمااااماً. بجد خسارة فيها الفلوس. و بعدين على فكرة الاوكتافيا الجديدة ناس كتييير اشتكوا من ان عزلها للصوت مش كويس وانها لا تقارن بالفانتازيا، يعنى مش العربية اللقطة. رأيي الشخصى الاوكتافيا فئة اولى تتفوق على رابيد فى الوسع فقط سواء الصالون او الشنطة. غير كدة رابيد سبيس باك هاى لاين افضل بالتأكيد. موتور ١٦٠٠ ١٠٥ حصان على حجم الرابيد هيكون ممتاز. معاك كل انظمة الامان من اول ال abs لحد ال esc، معاك اوشنز حلوة و كتير، معاك فتحة سقف بانوراما. لو الاختيار بين الاتنين دول، انا رايي الرابيد هتكون الخيار الامثل. و على فكرة بلاش تستهون بالاوشنز نهاااائي علشان بتغير العربية تماااااااامااااا. و مفيش اى داعى انى ادفع ١٩٠ الف فى عربية فاضية و بالإسم بس اوكتافيا و يا ريتها زى القديمة حتى.

**AlphaCharlie** · 29-07-2015 12:50 AM

اوكتافيا...

**megaarts** · 29-07-2015 10:49 AM

طبا الاوبشنز مهمه بس 190 الف بصراحة كتير اوي علي عربيه زي الرابيد يعني 190 الف ممكن يركب بيهم بيجو 2008 وهتبقي فيها كل الاوبشنز و البانوراما و كمال عاليه نسبيا عن الارض