عرض للطباعة
الحمد لله نزلت الصبح لقيت الإكصدامين اللي قدام واللي ورا متبهدلين من اللي الأساتذة الأفاضل اللي بيركنه والإكصدام اللي قدام لقيته مخلوع من الجنب رديته بإيدي رجع لكن مش ماسك في الكليبسات
ده غير بعض الخرابيش والتجريحات
ده بيخليني أسأل يا ترى سعر الإكصدام الأمامي والخلفي بالتركيب كام في التوكيل؟؟؟؟
أتصلت بالتوكيل وللأسف عرفت إن سعر الإكصدام الأمامي شامل الضريبة 3300 من غير التركيب
بعض قطع الغيار:
http://www.nilemotors.net/Nile/414352-a.html
أنا لقيت كارثة والله هتخليني أبيع العربية دي وهي إن تمن جوز الكبالن بتركيبهم في التوكيل هدفع قرب 14000جنيه
واللي مش مصدق يتصل بيهم ويسأل معني أتمنى إني أكون كداب بس للأسف دي الحقيقة وربنا يستر
تمن الواحد 5750 ويمكن زاد كمان يعني الإتنين ما أنت لو غيرت واحد لازم تغير التاني يبقوا 11500
زود ضريبة 1150 وزد كمان مصنعية مش هتقل عن 800
يبقى الإجمال تقريبا 13450
للأسف أنا هبيع العربية هي عاملة 4000 ك في الضمان بقالها معايا 3 شهور والفرش لسة بالبلاستيك بتاعه الفئة تانية وكيل ياريت لو حد عايزها يحطلي أحسن سعر
معلش نسيت اللون نبيتي مرور النزهة رخصة 3 سنين إلا 3 شهور
ربنا معاك والله قلبى عندك بس فى الاكصدامات التايوانى نزلت الواحد ب٣٥٠ جنيه فى اكتر من واحد اعرفه ركبهم بنفس السعر ده
يا فندم إهدأ شوية وفكر..اقتباس:
المشاركة الأصلية كتبت بواسطة hossam102000
1) انهي كبالن ارخص من اللانسر وارخص اد ايه؟
2) عمر كبالن اللانسر كام سنة؟ ( انا شخصيا عربيتي موديل 2006 وعربية تانيا 2008 والكبالن تمام )
3) كوبلن واحد مازدا (( استيراد)) 5000 جنيه
حضرتك مش بتتكلم عن كبالن 128 بتتغير كل 6 اشهر.
وبعدين في حاجات بتتغير اصلية وحاجات مش اصلية.
يعني الفوانيس والاكصدامات اكتر حاجة بتتكسر . فالتايواني والكوري شغال. فانوس 300 ج وايضا الاكصدام 350 ج
ياريت تعيد تفكير خسارة كبيرة ... وربنا يوفقك.
ياريت والله طيب فين أماكن بيعهم لإن كذا مرة حد يسأل هنا عن قطع غيار لشارك فين غير التوكيل ومحدش بيرد
طيب والإكصدام التيواني للشارك بيفرق إيه عن الأصلي؟؟
وياريت بردو لو هتقل على حضرتك تقولي مين أحسن حد ممكن يركبهولي مظبوط
الفرق بين التايواني والاصلي في الخامة فقط..
يعني عمر الاكصدام الاصلي طويل حتى لو تم خبطه خبطات بسيطة اكثر من مرة.
لكن التايواني حيتكسر بسرعة لان خامته اصلب شوية.
بس مش مهم. لان الفرق تقريبا 10 اضعاف.
وممكن تركب الاصلي ويتكسر منك تاني يوم :)
وبالنسبة للتركيب اي سمكري يركبه
يا جماعة الخير
ممكن اعرف كفر الموتور و غطاء الكبوت عازل الصوت و الحرارة
ممكن اجيبه منين و بكام و له فوائد و لا لا