الموضوع: لانسر شارك ولا اكسنت rb

المشاركة الأصلية كتبت بواسطة ahmedateek

طب لية ماتشوفش نيسان سنترا انا جبتها عربية جميلة ياباني بنكهة تايلاندي تقفيل ممتاز وعزل فوق الممتاز وامان رائع حتي في الفئة الاؤلي ٢ ايرباج abs وثبات رائع علي السرعات العالية وواسعة وشنطتها الاكبر في فئتها وفتيس cvt نفس الي في الفلوانس ينقصها شوية كماليات بس الراحة والامان عندي الاساس والكماليات مقدور عليها بتتركب وبسعر ١٤٢ للفئة الاولي ١٦٢ للفئة الاعلي

شكرا يا استاذ احمد للرد بس على حد علمى السنترا اول فئة بتلعب فى اوائل الخمسينات و حتى لو اربعينات فنا مش هئدر ازود الميزنية , اليومين دول بعد ما عملت الموضوع الشرك زاديت الف و فى بعض المعرض 2 و متلئيهاش كل الالوان على شان ال2016 نذلت ب140 اول فئة و دة شكلة هيخلينى اشلهة من حسباتى اصلا :d

المشاركة الأصلية كتبت بواسطة Shark-M66

ماركبتش الالنترا لأني مش حابب شكلها.. "معلش سامحوني".

الشارك صوتها بالنسبالي ميزه مش عيب.. عيبها الوحيد في رأيي شنطتها "ارتفاعها قليل شويه" وانا مش كل يوم بسافر ومقاسات شنط السفر معظمها بيجي بسهوله.

اول فئه بفتحة سقف اسمها m66 ودي في التوكيل ب 147000 الف تخلص من اي معرض ب 152000 مش اكتر بجنيه.
انما الخليجي ماليش فيه و ماركزتش معاه.

موتورها الجديد بسم الله ما شاء الله وحش متسلسل جوه حوض العربيه.

ملاحظتي كانت علي الفتيس,.. بس بعد اول صيانه ولا بحس بنقلاتها والتسارع زي الفل بالرغم من اني من سكان القاهره الكبرى والتسارع مش فارق معايا ببصله لا في حركة مرور ولا شوارع بس لو حبيت تشد و طريقك يسمح مش هتكسفك.

نقطه اخيره.. التوكيل الجديد واخدها تحدي وان شاء الله هيرجع للعربيه دي قيمتها اللي اتهانت زمان و هتبقى سمعتها زي سمعتها في الخليج.. وشخصيا متوقع تدخل فئه اعلي علي اخر السنه.

شكرا لرد حضريتك بس الاسعار اختلفت تماما فى موديلات 2016 https://www.facebook.com/Mitsubishi....%3A%22R9%22%7D

و حط اوفر بريس 5 لو استلام فورى من الموزعين , انا دلوقتى بدور على بواقى 2015 و لو ملقتش يبقى ال RB انشاء اللة

المشاركة الأصلية كتبت بواسطة toty_305

-باشا عندنا الاتنين ...عايز حاجة حمارة شغل وثابتة و خشنة و تقيلة و مش موفرة في البنزين يبقى شارك.
-عايز عربية مش ثابتة لكن موفرة و ناعمة و مصاريف تشغيلها اقل يبقى rb وش
-عايز شنطة يبقى rb ...الشارك ضايعة شنطة بلية.

الف شكر با باشا على الرد و النصيحة , و حتيت نشفة و تقيلة و فتحت السقف قلى فى ال rb هما قلى خلونى اعمل المقرنة دى :D

المشاركة الأصلية كتبت بواسطة shark-m66

ماركبتش الالنترا لأني مش حابب شكلها.. "معلش سامحوني".

الشارك صوتها بالنسبالي ميزه مش عيب.. عيبها الوحيد في رأيي شنطتها "ارتفاعها قليل شويه" وانا مش كل يوم بسافر ومقاسات شنط السفر معظمها بيجي بسهوله.

اول فئه بفتحة سقف اسمها m66 ودي في التوكيل ب 147000 الف تخلص من اي معرض ب 152000 مش اكتر بجنيه.
انما الخليجي ماليش فيه و ماركزتش معاه.

موتورها الجديد بسم الله ما شاء الله وحش متسلسل جوه حوض العربيه.

ملاحظتي كانت علي الفتيس,.. بس بعد اول صيانه ولا بحس بنقلاتها والتسارع زي الفل بالرغم من اني من سكان القاهره الكبرى والتسارع مش فارق معايا ببصله لا في حركة مرور ولا شوارع بس لو حبيت تشد و طريقك يسمح مش هتكسفك.

نقطه اخيره.. التوكيل الجديد واخدها تحدي وان شاء الله هيرجع للعربيه دي قيمتها اللي اتهانت زمان و هتبقى سمعتها زي سمعتها في الخليج.. وشخصيا متوقع تدخل فئه اعلي علي اخر السنه.

ليه الخليجى ملكش فيه. هو فيه مشكله . لانى ناوى اشترى شارك شايف انه الخليجى فيه اوبشن اعلى

في اكسنت وده بدون مواصفات بلاش تشتريها
و في اكسنت RB ده فيها مواصفات امان تبدا 140 الف جينة
و اذا اختياري بين ال RB و الشارك هاختار الRB
قوة المتورة في RB تساوي 125 حصان وشارك 117 حصان
العفشة تقريبا واحده و الحد الأقصى ليهم 180 كم/س
الإرتفاع عن الأرض rb عند 147 سم وشارك 139 سم
مقاس الجنط rb مش رياضي حجم 14 بوصة شارك 16 بوصة رياضي

انا افضل القوة في المتور 125 حصان يعني تكيف و كهرباء وانت مستريح علي الاخر
وده رابط مقارنة بين rb الفئة الاولة140,490 جنية و الشارك الفئة الثانية 142,000 جنية
مقارنة السيارات الجديدة - ContactCars.com,

في رأيي لو هتشتري كاش يبقي خليك في المستعمل أحسن قدامك اختيارات كتير زي كوروللا 2010 مثلا لكن هاتقارن بين الأكسنت rb و الشارك :
أولا بالنسبة للوكيل فغبور أحسن من دايموند بتوع اللانسر
بالنسبة للحجم فالشارك أكبر و أوسع
العفشة أنعم نظريا في الشارك لأنها (multi link ) ( بس ما جربتهاش ) لكن الأكسنت جنط 14 هيكون أنعم من جنط الشارك ال 16
الشنطة أكبر في الأكسنت
العزل أحسن في الأكسنت
ارتفاع الشارك أعلي ب 3 مم عن الأرض
ثبات الشارك أعلي
الأكسنت فيها usb aux و طارة مالتي و فتحة سقف
الأكسنت محركها أقوي
شوف أنهي أنسب لاحتياجاتك و توكل علي الله