السلام عليكم الصراحة كنت عاوز نادى اروح اتعلم فيه فنون قتالية او دفاع عن النفس ف الاسكندرية ويكون ينفع للكبار سن ال30 ياريت تفيدونى
السلام عليكم الصراحة كنت عاوز نادى اروح اتعلم فيه فنون قتالية او دفاع عن النفس ف الاسكندرية ويكون ينفع للكبار سن ال30 ياريت تفيدونى
مافيش حد يعرف؟
:) اشرب بريل وصحى الدكر ما احنا فى غابة
ههههههههههههههههههههههههه ههه بريل كدة حتعمل كرش مش دكر
الراجل داخل يسأل والناس داخله تسف عليه... طب ليه كده؟
خليه يهزر بس المشكلة اننا نعرف حاجة مفيدة بس واضح ان مافيش
اقوى شخص بدنيا مهما عمل فطلقه واحده او غزة سكينه تخليه ولا حاجه فالاحسن ابعد عن اماكن شبهات وبلطجيه وخلاص ده رايي
متشكر لردك بس اعتقد ان مش شرط الاماكن ديه، الواحد معرض لها فى اى وقت واى مكان للاسف دلوقتى وفى اى بلد
ف لامانع من معرفة بعض الفنون القتالية
هو حضرتك رياضي اصلا؟
مارست رياضات ايه من قبل؟
لا انا بقالى اكتر من سنتين بلعب كارديو ورفع اوزان فقط وكنت قبلها واخد اربع شهور سباحة، عشان كدة عاوز اعرف حاجة للدفاع عن النفس لا تطلب مهارات سابقة
اي رياضة للدفاع عن النفس زي (كاراتيه - كونج فو - تايكوندو - جودو ...) محتاجة مهارات سابقة وليونة في الأوتار والعضلات. ومن سن حيث وحيكون صعب جدا تعلمها علي كبر.اقتباس:
المشاركة الأصلية كتبت بواسطة inceptor
الوحيدة إلي ممكن تتعلمها في السن دا هي "الأيكيدو" لأنها تحتاج :
تمارين لياقة بسيطة
فكرة تشريحية عن عظام وأوتار وعضلات الجسم
وطبعا لو الواحد عنده مهارة سابقة في لعبة قتالية حيكون رائع, بس مش لازم.
اولا متشكر ليك جدا AlphaCharlie
تانى حاجة ماشى اى مهارة دفاع عن النفس انا موافق عليها بس فين ف اسكندرية؟
للأسف أنا لست من الأسكندرية ولكن ممكن تدور علي الإنترنتاقتباس:
المشاركة الأصلية كتبت بواسطة inceptor
شكرا لك اخى الكريم بس للاسف مافيش حاجة بس متشكر ليك ومتابعتك
انا فاكر اصحابى كانوا بيتعلموا اللعبة اللى هى ضرب بالارجل دى فى نادى فى التجمع الخامس.اقتباس:
المشاركة الأصلية كتبت بواسطة inceptor
ممكن تسأل عليها بالاسم kick
ملاكمة
أظن إنك حتتعلم فيه القضاء على الخصم من لكمة واحدة إن شاء الله
وتعتبر رياضة منتشرة في كثير من النوادي الرياضية
ياباشا سيبك من الناس اللى دخله تهزر دى وبردوا فى اعضاء بيقولوا معلومات خاطئة 100%
مفيش حاجة اسمها صعب الرياضة على كبر او محتاج مهارات سابقة او خبرة سابقة كل ده كلام فاضى فقط ابدا وانت هتتطور واحده واحده
وبالنسبة للرياضة افضل رياضة قتالية موجوده هى المواى تاى اعنف رياضة وهى اللى ثبتت وجودها فى قتال الشوارع هى والكيك بوكسنج ولاكن المواى تاى افضل لانها تعتمد على كل جسمك عكس الكيك بوكسنج تعتمد على الايدى والارجل فقط ام المواى تاى فبتعمد على الايدى والارجل والكوع والركبة والراس ايضا
اماكن التعليم فى الاسكندرية فى مدربين كتير فى اسكندرية ممكن بتحث على النت او ممكن اديك رقم تليفون مدرب كنت بتدرب عنده ولاكن قطعت فترة
وبرضه عندك الوينج تشون بس مدربينها قليلين
اقتباس:
المشاركة الأصلية كتبت بواسطة lolnk
بالنسبة لتعلم بعض الرياضات علي كبر... نصيحة ...
التدريب من الصغر بالنسبة للألعاب القتالية لا يمكن التعويض عنه في الكبر.. وحقول ليه..
أنا بدأت ألعب كراتيه وكونج فو من سن 5 سنوات حتى عمر 21 سنة. بالإضافة للسباحة والحمد لله حاصل علي الحزام الأسود 1 دان كاراتيه، وحصلت علي المركز الثالث علي محافظة الجيزة في الكونج فو سنة 1995
بعد سن 21 سنة لعبت كمال أجسام وقفز بالمظلات. ملاحظة *(القفز بالمظلات رياضة عنيفة جداااااااا)*
ملاحظتي بالنسبة لمن لا يمارسون الرياضات القتالية لمن هم في عمري منذ الصغر حتي الآن كالتالي..
- لا توجد نسبة في تحمل الألم - بمعنى أن مثلا هزاري مع بعض أشخاص هزار عنيف أو تحمل السير والعمل البدني الشاق مدة كبيرة.
- لا توجد نسبة في تحمل الإصابات - بمعنى إني جربت كسور مرتين وشرخوخ في العظام مرتين وتهتك أربطة أكثر من مرة هذا غير الجروح القطعية والكدمات الشديدة وكانت الحياة عادي وأرجع أكمل تاني.
- إكتساب تكنيك القتال وخصوصا الكاراتيه محتاج تدريب مدة كبيرة ومن قضى وقت في الكراتيه يعلم أن فن الكاتا أصعب من الكوميتيه رغم أن الكاتا إستعراض والكوميتيه إشتباك فعلي. لأن الكاتا يعتمد علي أداء التكنيك بشكل إحترافي جدا وأي خطأ محسوب.
- مرونة الأوتار أيضا لا تكتسب إلا من الصغر وهي مطلوبة جدا للهجوم بالأرجل بفاعلية وقوة كبيرة. ورغم إني شارفت علي الأربعين من عمري إلا إني مازلت أتمتع بهذه المرونة والحمد لله.
لكن ليس معنى هذا هو عدم التجربة والمحاولة. ولكن إختار الرياضة إلي ممكن تكون مناسبة.
- الكراتيه والتايكوندو وبعض أساليب الكومج فو تحتاج مرونة وتدريب من الصغر وتكنيك عالي جدا
- الكيك بوكس لا يحتاج لهذا القدر. وإذا كان توافرها جيد جدا ولكن يمكن البدأ به والتجربة...
- الأيكيدو رائع لأنه يحتاج إلي طبيب عظام أكثر منه مقاتل :36_2_33:
عموما لازم تجرب ومش مهم ميعجبكش الحال وتغير الرياضة لكن جرب بالتأكيد.
لو سمحت انا سني 30 سنة ومن اسكندرية وعايز اتدرب لعبة قتالية للدفاع عن النفس ومتفرغ تماما ممكن ترشحلي مدرب او نادي ليا وشكرا انا مش قادر ابعتلك رسالة خاصة عشان انا جديد
اقتباس:
المشاركة الأصلية كتبت بواسطة lolnk
افضل الرياضات القتاليه للدفاع عن النفس ومفيده مش كلام وهجص
1- السيستيما
2- الوينج تشونج
3- كينبو كاراتيه
4-المواى تاى
من افضل مدربين مصر هو كابتن تامر طلعت رئيس جمعيه الفنون القتاليه فى مصر وهو ماستر فى اكتر من لعبه بشهادات ودورات تدربيه من خبراء اجانب يقدر يفيدك فى الاستايل الى هنياسبك لانى كنت بتدرب معاه 3 سنين واخدت منه دبلومات كتير
والعقيد حاتم صابر قائد القوات الخاصه لمكافحه الارهاب فى الجيش ومدرب الفرقه 777 - 999
عامل دوره تدربييه قويه جدا فيها اكتر من استايل قتالى بس للاسف هو فى القاهره فندق انتركونيتنال ستى ستارز
بالنسبه لاسكندريه يفيدك كابتن تامر اكتر حد لانه بيدرب ناس كتير فى المحافظات وهيقولك تروح فين
كابتن جواد ادهم........ مدرب أيكيدو في أدهم كومباوند في كينج مريوط
لو سمحت يا دكتور كريم ممكن حد في وسط اسكندرية عشان كينج مريوط بعيده جدا انا عمري ما روحتها حتي معلش متقل عليكو
اقتباس:
المشاركة الأصلية كتبت بواسطة dr.karim emam