إزاي بتشتري عربية من دوبيزل أو كونتاكت كارز ؟!

أنا كنت بفكر أشتري عربية مستعملة ولما بدخل أشوف العربيات المعروضة
بيطلعلي عربيات كتير في البحث
طيب دلوقتي المفروض أشتري إزاي
1- هل أروح أشوف كل العربيات المعروضة دي وأرفعهم عشان أقدر أختار منهم اللي تعجبني في الأخر؟ ولا أشوف عربية ولا اتنين وخلاص ولو حاجة عجبتني أشتري على طول؟
2- فرق السعر على المواقع دي كام...يعني ممكن أفاصل في كام في العربيات رينج 80 ألف إلى 120 ألف؟
3- هي الأسعار دي حقيقية والناس بتبيع بيها فعلا..أنا بشوف أسعار غريبة..ولا لما بيبيع فعلا بيضطر ينزل في الثمن جامد لأنه مش بيلاقي حد يشتري بالثمن ده لأنه مغالي في سعرها جدا؟

أمثلة: الياريس مثلا 2008-2009 بيطلع حوالي 20 عربية أو أكتر
طيب لو الواحد فكر في لانوس واللانوس كتير أوي في السوق وكل الموديلات زي بعض فهتلاقي نفسك بتدور في رينج كبير من العربيات ممكن توصل ل 50 عربية مثلا وده انا بتكلم في محافظة واحدة طبعا لأن أكيد مش هتدور في محافظات تانية

ياريت أصحاب الخبرة اللي عرض عربيته واللي إشترى من المواقع دي يفيدني وأكون شاكر جدا

باشا ..العربيات دي بتاعة ناس ..وناس عاديه جدا ..في اللي عايز يبيع فعلا ..وفيه اللي بيهجص ومش عايز يبيع ولا هيعمل حاجه أصلا..وفي اللي عنده نيه يفاصل .وفي الغتت اللي عامل الإعلان ولا هيبيع ولا هيفاصل .وهتتصل بناس هترد عليك مره ومش هترد عليك تاني ..وهتلاقي نصابين ..سوق ياباشا سوق ..عادي يعني ..دوس كده وشوف ..بس ما تخلصش في حاجه غير لما تتأكد كويس قوييييييييييييييييييييييي يييييييي من ورقها

اقتباس:

---

المشاركة الأصلية كتبت بواسطة abo_mazen

باشا ..العربيات دي بتاعة ناس ..وناس عاديه جدا ..في اللي عايز يبيع فعلا ..وفيه اللي بيهجص ومش عايز يبيع ولا هيعمل حاجه أصلا..وفي اللي عنده نيه يفاصل .وفي الغتت اللي عامل الإعلان ولا هيبيع ولا هيفاصل .وهتتصل بناس هترد عليك مره ومش هترد عليك تاني ..وهتلاقي نصابين ..سوق ياباشا سوق ..عادي يعني ..دوس كده وشوف ..بس ما تخلصش في حاجه غير لما تتأكد كويس قوييييييييييييييييييييييي يييييييي من ورقها

---

كل ده..! ليه كدا بس أحبطتني..أنا عايز أشتري بالكتير في يومين..من كلامك مش هشتري ولا في شهر

اقتباس:

---

المشاركة الأصلية كتبت بواسطة swimmer25

كل ده..! ليه كدا بس أحبطتني..أنا عايز أشتري بالكتير في يومين..من كلامك مش هشتري ولا في شهر

---

هي أرزاق مش أكتر

انت لما تعجبك عربيه وتتصل بصاحبها غالبا بيبان عليه انه تاجر او صاحب العربيه اوعايز يبيع عادي من( توكيل او عقد بيع ) غالبا لو توكيل بيكون تاجر عشان ميغرمش مصاريف تسجيل عقد بيع مسجل بيخليها معاه شوية وبعد كده بيبع - وكمان من شخصيته من طريقة كلامه واسلوبة بيبان صنايعي تاجر (لامواخذة يابشمهندز) وان كان في تجار مش بيبان عليهم وطبعا لازم تكشف علي العربية كويس في مركز محترم او بنزينه مشهورة انها كويسه وغالبا نسبه الكشف بيكون يعني 70% عشان ساعات بعد لما تشتري العربيه بطلع حاجات مش بتبان في الكشف بس مش قوية اوي وربنا معاك

اقتباس:

---

المشاركة الأصلية كتبت بواسطة smghany

انت لما تعجبك عربيه وتتصل بصاحبها غالبا بيبان عليه انه تاجر او صاحب العربيه اوعايز يبيع عادي من( توكيل او عقد بيع ) غالبا لو توكيل بيكون تاجر عشان ميغرمش مصاريف تسجيل عقد بيع مسجل بيخليها معاه شوية وبعد كده بيبع - وكمان من شخصيته من طريقة كلامه واسلوبة بيبان صنايعي تاجر (لامواخذة يابشمهندز) وان كان في تجار مش بيبان عليهم وطبعا لازم تكشف علي العربية كويس في مركز محترم او بنزينه مشهورة انها كويسه وغالبا نسبه الكشف بيكون يعني 70% عشان ساعات بعد لما تشتري العربيه بطلع حاجات مش بتبان في الكشف بس مش قوية اوي وربنا معاك

---

شكرا للرجالة اللي ردت

فيه حد عايز يفيد بأي خبرات تاني...ده ولا أكني قاعد في الصحرا
مش معقول محدش إشترى أو باع في دوبيزل !!

بص ياباشا
كان فى عضو فاضل هنا زمان كاتب حاجة عجبتنى جدا
كان كاتبب انك تاخد رقم صاحب العربيه وتبحث بيه ف جوجل ولو النتيجة طلعت عربيات كتير تعرف انه تاجر لاكن لو عربية او اتنين ممكن يكون مش تاجر

انا لما بحب اجيب عربية
بحيب ورقة وقلم وبكتب بيانات العربيات اللى انا حاسس انها كويسة وبسعر كويس وكم قليل
واكلم الناس دى واحد واحد اعرف العربية مكانها فين ومرور ايه ورخصة اد ايه (علشان نقل الملكية مقرف جدا ولو عربية موديل عالى مكلف ف التكلفة دى هتزودها على تكلفة العربيه)
واسال اول مالك ولا لاء وفى كام توكيل لو مش اول مالك
وحاله العربية وبردو بسالو على مشاكلها من وحهه نظرة (بس طبعا مش باخد برأية اوى بس بساله علشان فى ناس بتستحرم وبتقول بعض المشاكل او يقع بالكلام وهو بيقولك )
وكام كم والسعر النهائى وحاول اجس نبضة انه هيفاصل ولا لاء
ولو استريحت فى كل الكلام دة اروح اعاينها الصبح (تحت ضوء الشمس) لازم لازم لازم اوعى تعاين عربية بليل
واتفرج عليها كل قطعة لوحديها كبوت لوحدة والباب لوحدة ورفرف هكذا
واشوف الصالون كويس اوى
واجرب كل الكماليات من تكييف وكاسيت هكذا
ابص على العربية وحدة واحدة يعنى ابعد عن العربية وابص عليها من بعيد حوالينها
هل فى اي حاجة مش مظبوطة مثلا لون رفرف غير لون باب مختلف درجة

وبص فى حاجة تانية بشوفها هى متقلش من تمن العربية بس بتبين حاجات مهمة
الزجاج بتاع العربية الاصلى ام لا
الزجاج الاصلى سعرة غالى جدا 3000 مثلا اما المضروب 300
الاصلى علية لوجو العربية
طيب لو متغير لو لقيت مثلا زجاج الامامى متغير
ممكن يكون طوبة وممكن يكون حادثة وفى يخلينى ادقق النظر حوالين الجهه دى
يعنى مثلا لو الازاز الامامى متغير هو و ازاز باب السائق لازم تدقق حوالين المنطقة دى احتمال كبير جدا يكون فى حادثة هنا واحتمال اخر يكون من زلطه كلام فاضى بس اسمك عملت اللى عليك

بس ملحوظة مهمة جدا لو صاحب العربية المالك الاول
واكتشفت ان الازاز متغير اسالة الاول انت غيرت الازاز دة ولا لاء لو قلك لاء اعرف انة كداب ولية بيكدب او لية توتر
لو زلطة هيقولك اية يعنى كنت ماشى على الطريق واتكسر عادى يعنى بتحصل كل ثانية على الطرق

وطبعا حاولوانتبتشترى العربية يكون ف بيت البائع واو تقابلة عند بيته وتتاكد انه بيته مش عارف ازاى
يعنى متشتريش العربية من واحد كدة ف الشارع

طبعا تتاكد من الورق

سلام

التجار منتشرين جدا وانا اعرف واحد مهندس(بيدرس هندسة) تاجر واسلوبة ذوق جدا ولا يشكك انه تاجر وعلية طريقة اقناع رهيبة جدا بشياكة وثقة....
بس حوار الرقم دا علي جوجل (اتهرش من التجار)

وفي ناس مش تجار ولا يوجد لديهم ضمير اطلاقا
...فالكشف طبعا مهم

:bravo:

اقتباس:

---

المشاركة الأصلية كتبت بواسطة A_AMR_86

بص ياباشا
كان فى عضو فاضل هنا زمان كاتب حاجة عجبتنى جدا
كان كاتبب انك تاخد رقم صاحب العربيه وتبحث بيه ف جوجل ولو النتيجة طلعت عربيات كتير تعرف انه تاجر لاكن لو عربية او اتنين ممكن يكون مش تاجر

انا لما بحب اجيب عربية
بحيب ورقة وقلم وبكتب بيانات العربيات اللى انا حاسس انها كويسة وبسعر كويس وكم قليل
واكلم الناس دى واحد واحد اعرف العربية مكانها فين ومرور ايه ورخصة اد ايه (علشان نقل الملكية مقرف جدا ولو عربية موديل عالى مكلف ف التكلفة دى هتزودها على تكلفة العربيه)
واسال اول مالك ولا لاء وفى كام توكيل لو مش اول مالك
وحاله العربية وبردو بسالو على مشاكلها من وحهه نظرة (بس طبعا مش باخد برأية اوى بس بساله علشان فى ناس بتستحرم وبتقول بعض المشاكل او يقع بالكلام وهو بيقولك )
وكام كم والسعر النهائى وحاول اجس نبضة انه هيفاصل ولا لاء
ولو استريحت فى كل الكلام دة اروح اعاينها الصبح (تحت ضوء الشمس) لازم لازم لازم اوعى تعاين عربية بليل
واتفرج عليها كل قطعة لوحديها كبوت لوحدة والباب لوحدة ورفرف هكذا
واشوف الصالون كويس اوى
واجرب كل الكماليات من تكييف وكاسيت هكذا
ابص على العربية وحدة واحدة يعنى ابعد عن العربية وابص عليها من بعيد حوالينها
هل فى اي حاجة مش مظبوطة مثلا لون رفرف غير لون باب مختلف درجة

وبص فى حاجة تانية بشوفها هى متقلش من تمن العربية بس بتبين حاجات مهمة
الزجاج بتاع العربية الاصلى ام لا
الزجاج الاصلى سعرة غالى جدا 3000 مثلا اما المضروب 300
الاصلى علية لوجو العربية
طيب لو متغير لو لقيت مثلا زجاج الامامى متغير
ممكن يكون طوبة وممكن يكون حادثة وفى يخلينى ادقق النظر حوالين الجهه دى
يعنى مثلا لو الازاز الامامى متغير هو و ازاز باب السائق لازم تدقق حوالين المنطقة دى احتمال كبير جدا يكون فى حادثة هنا واحتمال اخر يكون من زلطه كلام فاضى بس اسمك عملت اللى عليك

بس ملحوظة مهمة جدا لو صاحب العربية المالك الاول
واكتشفت ان الازاز متغير اسالة الاول انت غيرت الازاز دة ولا لاء لو قلك لاء اعرف انة كداب ولية بيكدب او لية توتر
لو زلطة هيقولك اية يعنى كنت ماشى على الطريق واتكسر عادى يعنى بتحصل كل ثانية على الطرق

وطبعا حاولوانتبتشترى العربية يكون ف بيت البائع واو تقابلة عند بيته وتتاكد انه بيته مش عارف ازاى
يعنى متشتريش العربية من واحد كدة ف الشارع

طبعا تتاكد من الورق

سلام

---

:bravo::bravo::bravo:

انت بتحدد نوع العربيه والكماليات والكيلومتر بيطلعلك نتايج تبدا تقارن بينهم وتكلم البايع وتستفسر منه مبديئا وبعدين تروح تبص عليها الاول لو عجبتك انت مبدئيا واستربحبت للراجل اللى بعلك تفحصها وتتوكل على الله ....مبروك مقدما

اقتباس:

---

المشاركة الأصلية كتبت بواسطة A_AMR_86

بص ياباشا
كان فى عضو فاضل هنا زمان كاتب حاجة عجبتنى جدا
كان كاتبب انك تاخد رقم صاحب العربيه وتبحث بيه ف جوجل ولو النتيجة طلعت عربيات كتير تعرف انه تاجر لاكن لو عربية او اتنين ممكن يكون مش تاجر

انا لما بحب اجيب عربية
بحيب ورقة وقلم وبكتب بيانات العربيات اللى انا حاسس انها كويسة وبسعر كويس وكم قليل
واكلم الناس دى واحد واحد اعرف العربية مكانها فين ومرور ايه ورخصة اد ايه (علشان نقل الملكية مقرف جدا ولو عربية موديل عالى مكلف ف التكلفة دى هتزودها على تكلفة العربيه)
واسال اول مالك ولا لاء وفى كام توكيل لو مش اول مالك
وحاله العربية وبردو بسالو على مشاكلها من وحهه نظرة (بس طبعا مش باخد برأية اوى بس بساله علشان فى ناس بتستحرم وبتقول بعض المشاكل او يقع بالكلام وهو بيقولك )
وكام كم والسعر النهائى وحاول اجس نبضة انه هيفاصل ولا لاء
ولو استريحت فى كل الكلام دة اروح اعاينها الصبح (تحت ضوء الشمس) لازم لازم لازم اوعى تعاين عربية بليل
واتفرج عليها كل قطعة لوحديها كبوت لوحدة والباب لوحدة ورفرف هكذا
واشوف الصالون كويس اوى
واجرب كل الكماليات من تكييف وكاسيت هكذا
ابص على العربية وحدة واحدة يعنى ابعد عن العربية وابص عليها من بعيد حوالينها
هل فى اي حاجة مش مظبوطة مثلا لون رفرف غير لون باب مختلف درجة

وبص فى حاجة تانية بشوفها هى متقلش من تمن العربية بس بتبين حاجات مهمة
الزجاج بتاع العربية الاصلى ام لا
الزجاج الاصلى سعرة غالى جدا 3000 مثلا اما المضروب 300
الاصلى علية لوجو العربية
طيب لو متغير لو لقيت مثلا زجاج الامامى متغير
ممكن يكون طوبة وممكن يكون حادثة وفى يخلينى ادقق النظر حوالين الجهه دى
يعنى مثلا لو الازاز الامامى متغير هو و ازاز باب السائق لازم تدقق حوالين المنطقة دى احتمال كبير جدا يكون فى حادثة هنا واحتمال اخر يكون من زلطه كلام فاضى بس اسمك عملت اللى عليك

بس ملحوظة مهمة جدا لو صاحب العربية المالك الاول
واكتشفت ان الازاز متغير اسالة الاول انت غيرت الازاز دة ولا لاء لو قلك لاء اعرف انة كداب ولية بيكدب او لية توتر
لو زلطة هيقولك اية يعنى كنت ماشى على الطريق واتكسر عادى يعنى بتحصل كل ثانية على الطرق

وطبعا حاولوانتبتشترى العربية يكون ف بيت البائع واو تقابلة عند بيته وتتاكد انه بيته مش عارف ازاى
يعنى متشتريش العربية من واحد كدة ف الشارع

طبعا تتاكد من الورق

سلام

---

السلام عليكم ورحمة الله وبركاته

انا حابب انقل تجربتى لحضرتك

انا وواحد صاحبى اشترينا عربيتين من خلال كونتاكت كارز

وطبعا فى الاول كنت عامل زى حضرتك مش عارف ازاى حشوف 50 عربية فيرنا من المعروض على الموقع

اولا كنت بهتم بالعربية اللى منشور صورتها اكتر من الاعلانات اللى من غير صورة لانها بتديك فرصة انك تشوف العربية وتحكم عليها (مبدئيا) اذا كانت متهانة ولا لأ

وكمان كنت لما بتكلم فى التليفون كنت بسأل على كام حاجة زى :

بسأل العربية بأسم حضرتك كان المعظم بيقولى توكيل فكنت بحطه (low priority ) أولوية منخفضة

كنت بسأله العربية تبع مرور ايه ؟ اول لما يقولى مرور خارج القاهرة (عشان انا من القاهرة) ان شالله يقولى من الجيزة كنت مابهتمش باللى بعد كدا واحاول انهى معاه (عشان مشاكل ومشاوير نقل الملكية) وان انت حتتشحطط فيها

وبعدين ابتدى اسأل هى العربية فبريكة ولا رشة ؟ عاملة كام كيلو وكنت بحاول اختار العربية اللى عامله كيلوات قليلة على قد ما اقدر

وباخد فى الاعتبار اسلوب الراجل معايا وبحس اذا كان تاجر ولا لأ

وكنت بحاول ابعد عن اللى يقولى العربية موجودة فى معرض .. انا بحب اشترى من صاحبها الاصلى وابقى واجها لوجه معاه

النتيجة ان اشتريت عربيتين واحدة من ظابط قوات مسلحة وكان راجل محترم جداااااا بعد مابصيت على العربية وعجبتنى لقيتوا بيقولى العربية ديه فيها تلات عيوب من ضمنيها زجاج الامامى كان مشروخ ولحمه واللحام كان مش باين ولا كنت واخد بالى منه بجد كان انسان امين وعشان خاطر امنته ديه كانت سبب فى انى اكون مطمن ان اشترى منه زائد ان العربية كانت مسجلة بعقد فى مرور القوات المسلحة فدا كان مخلينى مطمن جداااااااااااا فى مسألة الورقيات

على فكرة ناس بعد ما اشتريت العربية قالولى انت اشترتيها غالية شوية (الفين او تلاتة زيادة) بس حتى لو دا حقيقى فانا اشترىت نفسى بعربية كويسة جدا زائد اوراف مطمنلها وكمان من واحد امين


والعربية التانية كانت لواحد صاحبى . الراجل صاحبها كان بيحلف لصاحبى انه ماغيرش فى العربية ديه غير لمبة الصالون رغم انها كانت عاملة حوالى 26000 كم

المهم نصحيتى ليك انك تحاول تشترى من صاحبها الاصلى ويكون صاحبها دا اول اوتانى مالك (من الاخر تكون عربية اسرة )

وماتكونش عامله كيلوات كتيرة (ماتكونش متهانة) ودا مايمنعنش طبعا انك تكشف عليها فى بنزينة او تاخد معاك حد فاهم

لان كل اللى الحاجات اللى قولتهالك عبارة عن مقدمات كويسة زى مابيقولوا كدا الجواب بيبان من عنوانه

فإذا كنت مطمن من المقدمات ابتدى اروح اشوفها واكشف عليها وهكذا

واستخير وربنا يكرمك ان شاء الله

المواقـــــع دي يا اخــــــــي العزيـــــــز ماتخوشهـــــاش الا ازا كــــنت مزنـــــوق مزنـــــوق وفعربيات شعبيه زي الفيرنا واللانوس والنوبيــــرا خاصتن الدوبيزل ، اما العربيـــات اللي رنجها عالي فعاوزه متابعه دقيقه زي الانسر شارك كورلا الموديلات الجديده والاوروبي ، انا ماخوشهاش الا مثلاً بدور على فيرنا موديلات متوسطه يعني بتكون في رنج كويس وبتلاقي صاحبها عاوز يبيع حتى لو كان تاجر لان اسعارها معروفه وزباينها معروفين اه بتلاقي ناس غنيه بتشتري العربيات الشعبيه بس التاجر والنصاب واللي بيخاف ربو ميقدروش يلعبو في اسعارها عشانها منتشره ومعروفه حتى البقـــال بيعــــرف سعرهـــا ههههههه اما غير كدا عربيات غاليـــه فلا عاوزه معرفه وناس ليها خبره تخش معاك وتساعدك اذا مرشوشه متبدل ليها نص ولا ربع لانها عربيات غاليــــه

اشتريت عربيتي الفيرنا من كونتاكت كارز
كان صاحبها كاتب كل التفاصيل
واتصلت اتفاهمت معاه ع السعر ومعاد اللقاء
تاني يوم رحت فحصت السيارة والرخصة كانت بإسمه واخذت المفتاحين وكان عامل ملف صيانات العربية وكانت بيعة سهلة ومريحة .. وطبعا اشتريت بعقد بيع مسجل

اقتباس:

---

المشاركة الأصلية كتبت بواسطة د.محمود صلاح

اشتريت عربيتي الفيرنا من كونتاكت كارز
كان صاحبها كاتب كل التفاصيل
واتصلت اتفاهمت معاه ع السعر ومعاد اللقاء
تاني يوم رحت فحصت السيارة والرخصة كانت بإسمه واخذت المفتاحين وكان عامل ملف صيانات العربية وكانت بيعة سهلة ومريحة .. وطبعا اشتريت بعقد بيع مسجل

---

يعني إيه تشتري بعقد مسجل..يعني تنقل ملكية؟