تحذير ونصيحه وتنبيه للإسكندرانية ومرتادي منطقة المنشية

الإسكندرانية أكيد عارفين الحته اللي في الصوره دي واللي عليها دايره حمرا ..وأكيد برضه أي حد بينزل إسكندرية كتير ..الحته دي في منطقة المنشية عندنا في إسكندرية

لو حضرتك نازل المنشية لأ سبب بعربيتك وعاوز تركن ..هتلاقي في الحته دي سايس ..أول ما يشوفك ..هتلاقيه داخل عليك ويقولك ..تعالى ياباشا إركن هنا ..وهتلاقيه واقف معاك لغاية ما تركن عادي جدا ...وإنت نازل هيقولك حاسبني يا بيه ..هيتكلم معاك في خمسه جنيه ..هتقوله إنت مثلا ..لأ إثنين جنيه كفاية أو تلاتة جنيه ..هيقولك اللي تجيبه يا بيه ..لغاية هنا ومفيش مشكلة ..

المشكلة بقى إن في ضابط أغلب الأيام بينزل المنشية بالونش وبيقف في الحته دي بالذات ..وأول السايس ده ما يشوف الضابط ده بيخلع ..يقوم الضابط مكلبش كككككككككل العربيات اللي واقفه في الحته دي لغاية الشارع بتاع كونه ..الإسكندرانية طبعا عارفين كونه وبرضه مرتادي منطقة المنشيه ..طبعا ترجع حضرتك ..عيش بقى مع الضابط ...يكون السايس لم القرشين وجري ..على فكره أنا كذا مره أعدي ألاقي عربيات متكلبشه في الحته دي ..بس لما لاقيت السايس المره اللي فاتت قلت كده أكيد الوقفه في الحته دي بقت ميري ومفيهاش حاجه

نصيحه ..لو عايز تركن في بعد فندق إسكندرية وإنت رايح على باب عشرة في شارع النصر ذات نفسه بعد الميدان ..في حته هناك كويسه ...وفي سايس واقف من المحافظه نفسها ..وبياخد جوز جنيهات عادي جدا ..والونش معندوش مشكلة إنك تقف هناك عشان دي أصلا منطقة مخصصة لركن السيارات ..أنا مش عايز أقولك خليك في الباركنج اللي في المنشية ذات نفسه لإنك أكيد مش هتلاقيه فاضي ...

http://nileup.com/up/uploads/nilemotors_14381547391.jpg

معلومة مفيدة جدا.

و كمانفي جراجين بتوع الاتحاد الاشتراكي في ش سالم سالم قبل الميدان بس بالنهار صعب تلاقي ممان لان اغلب موظفين البنوك و المصالح الحكومية بيركنوا معاه بالشهر. اعمل حسابك لو لقيت عسكري عالباب بيقول مفيش مكان تعاكسه شوية لغاية ما تلاقي ممان. و غالبا حتسيب المفتاح. الجراجات مش مغطاة

. و في جراج مبني القطن اللي جنب الجندي المجهول. كنت بركن في زمان . مغطى بس الطلعة منه غبية شوية

و رأيي ماتروحش المنشية من الاساس :)

يابو مازن اسكندرية اليومين دول بثت صعبة جدا والدكر يلاقي حتة يركن عربيتة بصراحة الله يكون في عون كل اسكندراني وحتي مصطاف ....نزلت في العيد ورديت في نفس اليوم من الزحمة والحر والمنتزة اللي بقت جمصة ....المنتزة ولا المعمورة اجمل المناطق اللي الواحد كان بيروحها واتربي فيها وليا فيها اجمل ذكريات طفولتي ....حاليا اسكندرية بتتعرض لهجمة شرسة بس ربنا يسهلها علشان الناس تاكل عيش وتنبسط وصباح الفل ياباشا

اقتباس:

---

المشاركة الأصلية كتبت بواسطة kaza

يابو مازن اسكندرية اليومين دول بثت صعبة جدا والدكر يلاقي حتة يركن عربيتة بصراحة الله يكون في عون كل اسكندراني وحتي مصطاف ....نزلت في العيد ورديت في نفس اليوم من الزحمة والحر والمنتزة اللي بقت جمصة ....المنتزة ولا المعمورة اجمل المناطق اللي الواحد كان بيروحها واتربي فيها وليا فيها اجمل ذكريات طفولتي ....حاليا اسكندرية بتتعرض لهجمة شرسة بس ربنا يسهلها علشان الناس تاكل عيش وتنبسط وصباح الفل ياباشا

---

بس إيه رأيك في الزبالة اللي بقت ماليه البلد ؟؟..ولا الصناديق الكبيره بتاعة الزبالة اللي بتترمي في نص الطريق ومش مهم بقى تسد الطريق ولا الناس تولع

السايس بتاعكو راجل محترم
عندنا في المنصوره قبل المحافظه مكان غير مخصص للركن واقف فيه سايس يشاورلك وتركن وتمشي وييجي امين الشرطه يحط استيكر مخالفه على الزجاج ويسجله عندوا ويمشي
والله شفت السايس بيشيل الاستيكر وينظف الزجاج علشان الناس تركن عادي ومايعرفوش انهم لبسوا مخالفه

اقتباس:

---

المشاركة الأصلية كتبت بواسطة رامي مصطفى

السايس بتاعكو راجل محترم
عندنا في المنصوره قبل المحافظه مكان غير مخصص للركن واقف فيه سايس يشاورلك وتركن وتمشي وييجي امين الشرطه يحط استيكر مخالفه على الزجاج ويسجله عندوا ويمشي
والله شفت السايس بيشيل الاستيكر وينظف الزجاج علشان الناس تركن عادي ومايعرفوش انهم لبسوا مخالفه

---

ههههههههههههههههههههههههه ههههههههههههههههههههههههه هه ...أحيه ...ده إيه الجبرته دي ؟؟؟

بتضحك!!! والله دا ايللي بيحصل عندنا ههههه
طيب خد دي جيت اركن مره جنب مستشفى الطوارئ عندنا جالي سايس ارجع يا بيه وحضن و تمام جيت انزل قلت ياواد حاسبو دلوأتي علشان يظبط العربيه ويمسحها روحت مشواري وانا راجع جالي واحد تاني قالي الحساب يابيه!!!!!!!
قولتلوا انا حاسبت ايللي كان هنا من شويه قالي مين ده يابيه!!!! روحت وافق وفاتح الباب وقولتلوا بتناحه كده واحد هنا رفيع كده ووصفتوا ما اعرفش لما لقاني وقفت وفتحت الباب قال ده هايتخانق راح عمل عبده العبيط وقالي آآه ده ابني والله
ما اعرفش خاف ولا ايه مع انوا لو كان قالي بخ كنت هاسيبلوا العربيه واجري

اقتباس:

---

المشاركة الأصلية كتبت بواسطة رامي مصطفى

بتضحك!!! والله دا ايللي بيحصل عندنا ههههه
طيب خد دي جيت اركن مره جنب مستشفى الطوارئ عندنا جالي سايس ارجع يا بيه وحضن و تمام جيت انزل قلت ياواد حاسبو دلوأتي علشان يظبط العربيه ويمسحها روحت مشواري وانا راجع جالي واحد تاني قالي الحساب يابيه!!!!!!!
قولتلوا انا حاسبت ايللي كان هنا من شويه قالي مين ده يابيه!!!! روحت وافق وفاتح الباب وقولتلوا بتناحه كده واحد هنا رفيع كده ووصفتوا ما اعرفش لما لقاني وقفت وفتحت الباب قال ده هايتخانق راح عمل عبده العبيط وقالي آآه ده ابني والله
ما اعرفش خاف ولا ايه مع انوا لو كان قالي بخ كنت هاسيبلوا العربيه واجري

---

ما هم بيشتغلوا شيفتات ياخويا . ماتقلش دكاترة طوارئ

حضرتك قلت تديله. لكن غيره بيطلب و انت بتركن. و لما ترجع للعربية تلاقي واحد تاني و يطلب برضه و لما تقول له حاسبت الاولاني يقول لك و انا مالي !! انا حاجة و هو حاجة

دي عصابة عارفه هي بتعمل إيه ..

اقتباس:

---

المشاركة الأصلية كتبت بواسطة abo_mazen

الإسكندرانية أكيد عارفين الحته اللي في الصوره دي واللي عليها دايره حمرا ..وأكيد برضه أي حد بينزل إسكندرية كتير ..الحته دي في منطقة المنشية عندنا في إسكندرية

لو حضرتك نازل المنشية لأ سبب بعربيتك وعاوز تركن ..هتلاقي في الحته دي سايس ..أول ما يشوفك ..هتلاقيه داخل عليك ويقولك ..تعالى ياباشا إركن هنا ..وهتلاقيه واقف معاك لغاية ما تركن عادي جدا ...وإنت نازل هيقولك حاسبني يا بيه ..هيتكلم معاك في خمسه جنيه ..هتقوله إنت مثلا ..لأ إثنين جنيه كفاية أو تلاتة جنيه ..هيقولك اللي تجيبه يا بيه ..لغاية هنا ومفيش مشكلة ..

المشكلة بقى إن في ضابط أغلب الأيام بينزل المنشية بالونش وبيقف في الحته دي بالذات ..وأول السايس ده ما يشوف الضابط ده بيخلع ..يقوم الضابط مكلبش كككككككككل العربيات اللي واقفه في الحته دي لغاية الشارع بتاع كونه ..الإسكندرانية طبعا عارفين كونه وبرضه مرتادي منطقة المنشيه ..طبعا ترجع حضرتك ..عيش بقى مع الضابط ...يكون السايس لم القرشين وجري ..على فكره أنا كذا مره أعدي ألاقي عربيات متكلبشه في الحته دي ..بس لما لاقيت السايس المره اللي فاتت قلت كده أكيد الوقفه في الحته دي بقت ميري ومفيهاش حاجه

نصيحه ..لو عايز تركن في بعد فندق إسكندرية وإنت رايح على باب عشرة في شارع النصر ذات نفسه بعد الميدان ..في حته هناك كويسه ...وفي سايس واقف من المحافظه نفسها ..وبياخد جوز جنيهات عادي جدا ..والونش معندوش مشكلة إنك تقف هناك عشان دي أصلا منطقة مخصصة لركن السيارات ..أنا مش عايز أقولك خليك في الباركنج اللي في المنشية ذات نفسه لإنك أكيد مش هتلاقيه فاضي ...

http://nileup.com/up/uploads/nilemotors_14381547391.jpg

---

الصوره صغيره ومش واضح فيها المكان قوي.

لكن اتصور انها قبل البنزينه وانت داخل رايح على الزنقه وشارع فرنسا كده

صح كده ابو مازن؟

اقتباس:

---

المشاركة الأصلية كتبت بواسطة ibrahim sallam

الصوره صغيره ومش واضح فيها المكان قوي.

لكن اتصور انها قبل البنزينه وانت داخل رايح على الزنقه وشارع فرنسا كده

صح كده ابو مازن؟

---

وإنت داخل على سوق ليبيا ..لإن شارع فرنسا والزنقه هتبقى الناحيه التانيه من الصورة

اقتباس:

---

المشاركة الأصلية كتبت بواسطة abo_mazen

وإنت داخل على سوق ليبيا ..لإن شارع فرنسا والزنقه هتبقى الناحيه التانيه من الصورة

---

ايوه تمام يعني في المنطقه ديه ااقصد. ( نفس المكان)) .

المهم

في موقف تاني بيقف فيه الظابط والسيارات واقفه ومفيش اي مشكله

اللي ماسكين الموقف ده (( مجموعه من الصم والبكم))

اقتباس:

---

المشاركة الأصلية كتبت بواسطة ibrahim sallam

ايوه تمام يعني في المنطقه ديه ااقصد. ( نفس المكان)) .

المهم

في موقف تاني بيقف فيه الظابط والسيارات واقفه ومفيش اي مشكله

اللي ماسكين الموقف ده (( مجموعه من الصم والبكم))

---

ده فين مكانه ؟؟؟؟

اقتباس:

---

المشاركة الأصلية كتبت بواسطة abo_mazen

ده فين مكانه ؟؟؟؟

---

فين ابو ربيع اللي بعد عصير مكه (( عند جمعية الصم والبكم)).

في وش منهم الناحيه التانيه (( الشارع اللي يطلعك على البحر واخره الجندي المجهول)).

الماسكيين الموقف ده (( مجموعه من الصم والبكم)) وتقريبا بمعرفة المرور كمان.

اقتباس:

---

المشاركة الأصلية كتبت بواسطة ibrahim sallam

فين ابو ربيع اللي بعد عصير مكه (( عند جمعية الصم والبكم)).

في وش منهم الناحيه التانيه (( الشارع اللي يطلعك على البحر واخره الجندي المجهول)).

الماسكيين الموقف ده (( مجموعه من الصم والبكم)) وتقريبا بمعرفة المرور كمان.

---

الراجل يقصد اللي عند قهوة الخرس

اقتباس:

---

المشاركة الأصلية كتبت بواسطة mohalexeg

الراجل يقصد اللي عند قهوة الخرس

---

قصدك الرصيف اللي آخره جامعة سنجور ..طيب ما أنا جيت أركن في الحته دي قبل كده لقيت بتاع القهوه طالع بيقولي خلي بالك الضابط بيكلبش العربيات دي كلها ..وكان فعلا في عجل متكلبش في الحته دي ..بس الكلام ده كان في 2012 ...

هي عموما الحته دي لقطه والركنه فيها حلوة ..بس أنا يوم ما بعرف أركن في الحته دي بركن عند اليوتيرن اللي يعتبر في الحته دي برضه ..لما تبقى جاي من على البحر وسايب المحكمه في ضهرك وداخل على تمثال إبراهيم باشا ..هتلاقي يوتيرن كده ..يوم ما بعرف أركن بركن في الحته دي ..

اقتباس:

---

المشاركة الأصلية كتبت بواسطة Abo_Mazen

قصدك الرصيف اللي آخره جامعة سنجور ..طيب ما أنا جيت أركن في الحته دي قبل كده لقيت بتاع القهوه طالع بيقولي خلي بالك الضابط بيكلبش العربيات دي كلها ..وكان فعلا في عجل متكلبش في الحته دي ..بس الكلام ده كان في 2012 ...

هي عموما الحته دي لقطه والركنه فيها حلوة ..بس أنا يوم ما بعرف أركن في الحته دي بركن عند اليوتيرن اللي يعتبر في الحته دي برضه ..لما تبقى جاي من على البحر وسايب المحكمه في ضهرك وداخل على تمثال إبراهيم باشا ..هتلاقي يوتيرن كده ..يوم ما بعرف أركن بركن في الحته دي ..

---

الصور ديه انا مصورها بنفسي في الشتا اللي فات

ده الرصيف اللي ماسكه (( الصم والبكم)) وعربيتين واقفين اهم

http://www14.0zz0.com/2015/08/01/16/571607440.jpg


وبالاضافه للرصيف فيه كمان الملف ده بردو العربيات بتركن هناك والونش كمان بيقف هناك

والملف والرصيف اللي ماسكهم (( الصم والبكم))

وانا عملت علامه على عربيه واقفه بالملف

http://www14.0zz0.com/2015/08/01/16/421531213.jpg

اقتباس:

---

المشاركة الأصلية كتبت بواسطة ibrahim sallam

الصور ديه انا مصورها بنفسي في الشتا اللي فات

ده الرصيف اللي ماسكه (( الصم والبكم)) وعربيتين واقفين اهم

http://www14.0zz0.com/2015/08/01/16/571607440.jpg


وبالاضافه للرصيف فيه كمان الملف ده بردو العربيات بتركن هناك والونش كمان بيقف هناك

والملف والرصيف اللي ماسكهم (( الصم والبكم))

وانا عملت علامه على عربيه واقفه بالملف

http://www14.0zz0.com/2015/08/01/16/421531213.jpg

---

هو أنا بقى بتكلم عن الملف اللي إنت معلم على العربية اللي واقفه فيه ..أهو ده بقى بقف فيه عادي جدا ..لكن الرصيف اللي ظاهر في الصورة الأولانيه ده جيت أقف مره عليه بتاع القهوه جه قالي هتتكلبش يا باشا

ايه انسب مكان اركن فيه لو رايح مكتبة اسكندرية؟

اقتباس:

---

المشاركة الأصلية كتبت بواسطة anaslbda

ايه انسب مكان اركن فيه لو رايح مكتبة اسكندرية؟

---

في شارع سوتر ..عند كلية سياحه وفنادق

اقتباس:

---

المشاركة الأصلية كتبت بواسطة abo_mazen

هو أنا بقى بتكلم عن الملف اللي إنت معلم على العربية اللي واقفه فيه ..أهو ده بقى بقف فيه عادي جدا ..لكن الرصيف اللي ظاهر في الصورة الأولانيه ده جيت أقف مره عليه بتاع القهوه جه قالي هتتكلبش يا باشا

---

ضحك عليك:)

لو قلتله كنت هشرب واحد قهوه طب خلاص اشوف مكان تاني.

كان هيقولك المرور تبعنا ياباشا اتفضل.

اللي ماسك المكان ده مجموعه من ( الصم والبكم) وشباب كويس ومؤدب.

هو ممكن يكون قالك كده لما حس انك هتاخد مكان في الرصيف ( انت كنت الصبح))؟

اقتباس:

---

المشاركة الأصلية كتبت بواسطة ibrahim sallam

ضحك عليك:)

لو قلتله كنت هشرب واحد قهوه طب خلاص اشوف مكان تاني.

كان هيقولك المرور تبعنا ياباشا اتفضل.

اللي ماسك المكان ده مجموعه من ( الصم والبكم) وشباب كويس ومؤدب.

هو ممكن يكون قالك كده لما حس انك هتاخد مكان في الرصيف ( انت كنت الصبح))؟

---

لأ ..كنت بليل وكنا في رمضان بعد الفطار

اقتباس:

---

المشاركة الأصلية كتبت بواسطة abo_mazen

لأ ..كنت بليل وكنا في رمضان بعد الفطار

---

لا ياباشا اللي ماسك المكان ده هما اللي ماسكين الملف(( اللي بتقف فيه))