الموضوع: سيارة عائلية 7 راكب.....أيه الأفضل؟

أنا بقالي فترة بدور على عربية تكون واسعة وفي حدود المبلغ ده ووصلت للآتي:

بالنسبة للجديد:
1- سوزوكي ارتيجا .. عربية معقولة شكلا وسعرا ولكن المضمون تعبان جدا .. مش حاسس انها زيرو وزي متكون عربية قديمة واتشدت :) الخامات ضعيفة نسبيا وحجمها من جوة مخنوق ... فعلا عربية هندي

2- تويوتا أفانزا .. متفرقش كتير عن السوزوكي وإن كانت أفضل في الخامات بس حسيت انها أضيق من جوة


بالنسبة للمستعمل، اتفرجت على أكتر من عربية وأكتر من نوع
1- ستروين جراند بيكاسو c4 ,, عربية هايلة بكل المقاييس .. وانبهرت بشكلها ومساحتها وإمكانياتها .. كانت موديل 2012 ولكن بعد ما سألت عرفت إن قبل 2014 العربيات دي بتشتغل ببنزين 95

2- كيا كارينز .. عربية كويسة بست حسيت إن سعرها مبالغ فيه

3- ديهاتسو جراند تريوس .. مرتحتلهاش نفسيا وخاصة بعد قراءة مواضيع عن عدم ثباتها وصوتها العالي


وباختصار حاسس ان حرام ادفع مبلغ زي ده في عربية مستعملة

المشاركة الأصلية كتبت بواسطة tito29

أيه الأختيارات المتاحة لهذا ؟ مع العلم بأن الميزانية مش أكتر من 150 ألف و مش لازم تبقي زيرو
يعني مستعمل بحالة جيدة مافيش مشاكل و برضه لو فور باي فور شغال
و لو الموتور كبير 8 سلندر برضه مش مشكلة لأنها حاتبقي العربية نمرة 2 يعني مش الأساسية و هي فقط لما أنا و الأولاد نتجمع في خروجة واحدة أو مصيف مثلا
ياتري أيه أختيارتكم و ياسلام لو عن تجربة......
يعني أنا مثلا معجب جدا بالكرايسلر التاون أند كانتري بس كلام الناس عليها يخوف جدا
و برضه الهيونداي الأتش وان جميلة جدا بس كل ما تبقي ماشي حد يشاور لك ما انت راكب ميكروباص ده غير غلاسة المرور علشان الترخيص حايبقي أتوبيس خاص (مش ملاكي)

منتظر أرائكم في المشكلة دي..............

لوجان 7 راكب بموتور 1600 عربيه جميله وافضل من التويوتا و اوسع و سعرها جميل بس تكون اوروبي الصنع

المشاركة الأصلية كتبت بواسطة goldenegyption

أنا بقالي فترة بدور على عربية تكون واسعة وفي حدود المبلغ ده ووصلت للآتي:

بالنسبة للجديد:
1- سوزوكي ارتيجا .. عربية معقولة شكلا وسعرا ولكن المضمون تعبان جدا .. مش حاسس انها زيرو وزي متكون عربية قديمة واتشدت :) الخامات ضعيفة نسبيا وحجمها من جوة مخنوق ... فعلا عربية هندي

2- تويوتا أفانزا .. متفرقش كتير عن السوزوكي وإن كانت أفضل في الخامات بس حسيت انها أضيق من جوة


بالنسبة للمستعمل، اتفرجت على أكتر من عربية وأكتر من نوع
1- ستروين جراند بيكاسو c4 ,, عربية هايلة بكل المقاييس .. وانبهرت بشكلها ومساحتها وإمكانياتها .. كانت موديل 2012 ولكن بعد ما سألت عرفت إن قبل 2014 العربيات دي بتشتغل ببنزين 95

2- كيا كارينز .. عربية كويسة بست حسيت إن سعرها مبالغ فيه

3- ديهاتسو جراند تريوس .. مرتحتلهاش نفسيا وخاصة بعد قراءة مواضيع عن عدم ثباتها وصوتها العالي


وباختصار حاسس ان حرام ادفع مبلغ زي ده في عربية مستعملة

أتفق معاك تماما في ما أفدت به بخصوص السوزوكي و التيوتا
و برضه أتفق معاك أن الستروين رائعة جدا جدا بس مالهاش أي حظ في مصر و الدايهاتسو أنا حسيت أن خاماتها ضعيفة شوية و بصراحة كده تحس أنهم طولوها شوية لأغراض تسهيل البيع بدون دراسة هندسية لتناسق الشكل

أما بالنسبة للمستعمل فحسب معلوماتي أن هذه الفئة من العربيات عادة يستعملها ناس محترمين يعني بنسبة كبيرة حاتكون عربية محافظ عليها جيدا و معمول ليها صيانة كويسة و أكيد برضه مش العربية الوحيدة عند مالكها الأول.

عموما أنا بأتفرج علي كرايسلر تاون أند كانتري موديل 2007 و حالتها رائعة بس السعر شوية عالي مع أن دي المفروض أنها عربيات الطلب عليها ضعيف جدا.
و برضه شوفت فورد أكسبيدشن و بصراحة عربية خرافية بكل معني الكلمة بس موديلها قديم شوية كان 98 و أختها الأصغر شوية أللي هي الأكسبلورر ممكن تكون أختيار أكثر حكمة لأن موتورها 4000 سي سي بس. ألأكسبيدشن موتورها 8 سلندر و فوق ال5000 سي سي يعني أكيد حوت بنزين.

و خلينا نشوف حانوصل لأيه...... و ربنا يسهل الحال....