مشكلة و استفسار مع اوتو ايجيبت و حماية المستهلك

**M.mahmoed** · 29-07-2015 05:09 PM

السلام عليكم ورحمة الله وبركاته

دلوقتي انا كان معايا مشكلة مع نسيان و صعدت لحماية المستهلك
و حماية المستهلك ألزمت نسيان انها تعملي 3 صيانات مجانا شاملة قطع الغيار و الزيوت و المصناعيات
لحد كدة تمام، النهردة روحت اعمل الصيانة التالتة و قالولي العربية محتاجه تغير طنابير و تيل فرامل و دول هتدفع تمنهم لان دول قطع غيار استهلاكية مش شاملة القرار بتاع حماية المستهلك
قولتلهم ازاي القرار بيقول ان ليا 3 صيانات مجانا شاملة قطع الغيار و الزيوت و المصناعيات و محددش حاجات معينة مش تبقي مجانا
المهم موصلناش لحل و معرفش كلامهم صح ولا لا
حد عنده معلومة؟

**salam100100** · 29-07-2015 05:26 PM

حضرتك ممكن تدينا معلومات كتر عن:
المشكله كانت ايه؟
قرار حمايه المستهلك بيغطى ايه؟
اشمعنا ثلاث مرات؟ هل القرار دا بميعاد محدد للتطبيق مثلا
العربيه موديل وكم
ايه الاوراق المتاحه معاك اللى تقدر تهاجم بيها؟

انا بسأل عشان الموضوع دا مهم لناس كتير
وشكرا لحضرتك

**M.mahmoed** · 29-07-2015 05:40 PM

المشكلة كانت اني اشتريت عربية زيرو و كان فيه عيب صناعة في قطمة الدريكسيون عايزة تتغير و طلعوا عيني لمدة 6 شهور من غير تغيير حاجه
فطلعت علي حماية المستهلك و عملت شكوي
و عملوا لجنة و حددوا بعدها ان نسيان تعملي 3 صيانات مجانا علشان المماطلة لمدة 9 شهور معايا