لوجان-سويفت-برسونا,,,ايهما افضل؟؟

**egyptian_eagle** · 29-07-2015 05:11 PM

السلام عليكم
انا مقبل علي شراء عربية جديدة ومحتار بين 3 عربيات لان هما دول اللي ممكن يناسبو الفئة السعرية اللي تناسبني:

-لوجان اوتو
-سوزوكي سويفت
-بروتون برسونا اوتو

-اللوجان,وهي المرشح الاول بالنسبالي, شكلها من برة رائع والاوبشنز بتاعتها ممتازة لكن ظهر فيها بع المشاكل والنا بتقول ان معظمها بيتحل مع التوكيل (والتوكيل عليه بعض التحفظات بردو)
-السويفت فيها اوبشنز جميلة وسعرها كويس والفيد باك بتاع ملاكها كويس,بس شكلها بالنبسبالي مستفز ومش حابب شكلها الخارجي خالص مع انها من جوة تحفة
-البرسونا احسن وافضل اداء والشكل متوسط لكن الصالون م اد كدة من ناحية الخامات و الشكل,وطبعا التوكيل سمعته سابقاه

اللوجان عجباني جدا واتمني ان حد يكذب اللي انا بسمعه عنها وان المشاكل دي تطلع حالات فردية

محتاج رايكو وهل فيه حاجة ف كلامي مش مظبوطة او فيه اختيار رابع ممكن يدخل المنافسة في نفس الفئة دي (بعيدا عن الاتراج والهيونداي i10)

**El Prince** · 29-07-2015 05:23 PM

صعب يا باشا تلاقى عربية تجمع بين كل المميزات و خصوصا فى الفئات السعرية بتاعتنا

نصيحه اعمل حساب للأكثر أهمية ثم المهم ثم الاقل أهمية فى العناصر اللى تهمك فى العربية

والله المستعان و الموفق للأفضل

**ehabhusseini** · 21-08-2015 02:32 PM

برسونا طبعا بدون تردد
ثبات .. تسارع...اداء .... تكييف ..

**tamer61** · 21-08-2015 05:42 PM

أنا في نفس الحيره بتاعتك مع العلم إن أنا معايا اللوجان الشكل القديم موديل 2010 .... البرسونا عربيه كويسه وفي كمان الستروين سي إليزيه .... كلهم في نفس فئة ورنج السعر بتاع اللوجان ..... والبيجو 301 كمان نسيتها.... أنا زيك مستبعد السياز ...... مش عارف أعمل إيه

**eng.m7md.ali** · 21-08-2015 09:21 PM

هو ليه كل الناس بتعيب علي توكيل البروتون وبتشكر في كل التوكيلات التانية بدون تجارب؟؟ لعلمكم مشكلة عز العرب هيا عدم توافر قطع الغيار وده في كل توكيلات مصر من بعد الثورة ... لكن ولا بيشرب شاي بالياسمين مع حماية المستهلك ولا بيقرطسوا الناس ولا بياخدوهم علي قد عقلهم ولا عربياتهم فيها عيوب وبيمشوا الناس بنفس العيوب القاتلة ولا عربياتهم مصدية :)