حد يعرف حاجة عن لادا جرانيتا

**SroMolla** · 31-07-2015 12:32 AM

السلام عليكم و رحمة الله و بركاته
الاخوة الافاضل معايا عربية , و بفكر ابعها و بتمنها ادفع مقم لعربية لادا جرانيتا الجديدة
فهل من افادة ,,
مميزاتها و عيوبها
صيانتها , قطع غيارها و خلافه
هل التوكيل ممكن ينزلها قسط فعلا ؟

**وحيد غالى** · 31-07-2015 10:52 AM

الخامات بتاعتها رديئة. يعتبر مفيش ضمان. خليك فى المضمون و ادفع كام ألف زيادة و اشترى لوجان.

**medo_31** · 31-07-2015 03:47 PM

فيه ناس اشترتها وبيشكروا فيها

**Yehya Badr** · 31-07-2015 05:34 PM

أنا شوفت العربية بنفسي و ملاحظاتي

1) العربية صاجها حفيف زيها زى أى عربية في السوق
2) مستوي الخامات و التقفيل متواضه جدا
3) العربية مش عالية عن الأرض و جنط 14

إما عن الوكيل فمعروف أنه توكيل سيء !! و كان لي تجربة معاه في 2004 مع لادا نيو سمارا بعد اقل من 3 سنين بطل يستورد قطع العيار و اللي يقلقلك من العرية موضوع ضمان 30 ألف كم أو سنتين يعني يالبلدي أن عارف مقدما أنك حتعاني !!!

أنا أنصحك لو عربيتك القديمة كويسة خليها و لو حتغير جيب لانوس أو فيرنا أو زود و هات لوجان كلهم أحسن من الجرانتا !!!

**medo_31** · 31-07-2015 08:28 PM

بالنسبة للضمان بقا 3 سنين او 50 الف كيلو وده على موقع الشركة على الفيس بوك
https://www.facebook.com/AlAmalGroup?fref=ts
الصاج قالوا محمل وتمام وانها عالية عن الارض , لكن برضه محتاجة وقت علشان نقدر نقيمها صح

**Abo_Mazen** · 31-07-2015 08:53 PM

أنا شفتها النهارده ماشية على الأرض ..عربية من أول وهلة كويسة ..هي روسي روسي يعني ..يعني مش تركي ولا جنوب أفريقي ..

بس بصراحه ..شركة الأمل تخلي أي حاجه تفشل ..حتى لو عجلة أطفال ..لو شركة الأمل اللي مستورداها هتفشل والأطفال هيبطلوا يركبوا عجل بسبب الشركة دي

**SroMolla** · 31-07-2015 09:18 PM

الكلام للان مقلق ,,
لكن اعتقد سعرها هايرفع الطلب عليها و بالتالى الشركة ممكن تظبط نفسها ؟
بانتظار مزيد من الاراء

**mirra** · 01-08-2015 02:01 PM

انا النهارده اتفرجت على اللادا جرانتا مانيوال فى المصريه للسيارات فرع طنطا و من ملاحظاتى ان السياره مصنوعه من خامات محمله و قويه و ده باين اوى فى الصاج و خامات التابلوه اللى رغم انها مش قيمه اوى الا انها افضل بكتير من خامات تابلوه الفيرنا و اللانوس مثلا....كمان لاحظت وجود تصفيح قوى تحت الموتور و الماكينه و ملحقات المحرك مترتبه بشكل محترم و الخامات جيده و قويه..لاحظت ان الكبوت مبطن من الداخل و دى حاجه كويسه..وضعيه الجلوس و عجله القياده مريحه و الشنطه واسعه جدااا...المصريه بتبيعها ب 75.5الف و ده اول كلامهم يعنى ارخص من التوكيل....العربيه صفقه رابحه بكل المقاييس بس ربنا يستر و التوكيل ما يوقعاش فى السوق .

**Abo_Mazen** · 01-08-2015 02:09 PM

المشاركة الأصلية كتبت بواسطة mirra

انا النهارده اتفرجت على اللادا جرانتا مانيوال فى المصريه للسيارات فرع طنطا و من ملاحظاتى ان السياره مصنوعه من خامات محمله و قويه و ده باين اوى فى الصاج و خامات التابلوه اللى رغم انها مش قيمه اوى الا انها افضل بكتير من خامات تابلوه الفيرنا و اللانوس مثلا....كمان لاحظت وجود تصفيح قوى تحت الموتور و الماكينه و ملحقات المحرك مترتبه بشكل محترم و الخامات جيده و قويه..لاحظت ان الكبوت مبطن من الداخل و دى حاجه كويسه..وضعيه الجلوس و عجله القياده مريحه و الشنطه واسعه جدااا...المصريه بتبيعها ب 75.5الف و ده اول كلامهم يعنى ارخص من التوكيل....العربيه صفقه رابحه بكل المقاييس بس ربنا يستر و التوكيل ما يوقعاش فى السوق .

وأرجع وأقول تاني ..بلاش اللادا من وش شركة الأمل

**Bassem Youssef** · 01-08-2015 11:31 PM

و الله انا كنت داخل عشان اعمل موضوع مشابه

لسه العربيه لم تنتشر بالشكل الكافي عشان نحكم عليها

علي ما اعتقد انها مش هتبقي بسوء ال 2107 من حيث تقل الدريكسيون مثلا

و لا هتبقي بسوء الفيرنا من حيث التقفيل مثلا

انا شايف انها المفروض ترخص 10 الاف جنيه و لا حاجه عشان تعمل مبيعات كويسه