ايه اللى يحصل لو سير الدينامو اتقطع

ايه اللى يحصل لو سير الدينامو اتقطع

لمبة الدينامو هاتولع والعربية هاتمشي علي البطارية شوية وهاتبطل نهائي

العربيه ممكن تسخن منك كمان لو الطرمبه على سير الدينامو

التكييف بيفصل و لمبه البطاريه بتنور ولو البطاريه ضعيفه و طفيت العربيه مش هتدور

علي حسب العربية
لو سير الدينامو مستقل. البطارية حتنام وممكن تبوظ
لو سير مجموعة شايل الدينامو والتكييف والباور. فكل دا حيتوقف بالاضافة لان الطلمبة ممكن تكون موصلة بالسير دا وبالتالي مفيش تبريد.

في 90% من العربيات. ( إذا ما كانش 100% ).. سير الدينامو بيكون راكب عليه طلمبة المية كمان..

وبالتالي هتلاقي حرارة المية عليت ولمبة البطارية نورت.. ولو فضلت ماشي كده الموتور ممكن يجيب وش سلندر... ده طبعا غير شحن البطارية اللي هيفضى بعد ساعة أو ساعتين بالكتير.. ده لو العربية فضلت ماشية الساعتين دول .

على فكرة... تركيب الدينامو وطلمبة المية على سير واحد شيء كويس.. مش وحش أبدا... ﻷن الحاجتين دول ضروريين جدا للموتور .. ولو واحدة من الاتنين دول عطلوا... لازم تقف بالعربية وما تمشيش.

والأفضل في جميع الأحوال يكون معاك سير احتياطي للسير ده بالذات... ده لو ما كانش هو السير الوحيد في الموتور.


...