ايه اللى يحصل لو سير الدينامو اتقطع

**juba8** · 01-08-2015 12:24 AM

**Sameh samy** · 01-08-2015 12:38 AM

لمبة الدينامو هاتولع والعربية هاتمشي علي البطارية شوية وهاتبطل نهائي

**besso** · 01-08-2015 12:43 AM

العربيه ممكن تسخن منك كمان لو الطرمبه على سير الدينامو

**Adnfalcon** · 01-08-2015 01:12 AM

التكييف بيفصل و لمبه البطاريه بتنور ولو البطاريه ضعيفه و طفيت العربيه مش هتدور

**AlphaCharlie** · 01-08-2015 01:25 AM

علي حسب العربية
لو سير الدينامو مستقل. البطارية حتنام وممكن تبوظ
لو سير مجموعة شايل الدينامو والتكييف والباور. فكل دا حيتوقف بالاضافة لان الطلمبة ممكن تكون موصلة بالسير دا وبالتالي مفيش تبريد.

**borio1704** · 01-08-2015 03:09 AM

في 90% من العربيات. ( إذا ما كانش 100% ).. سير الدينامو بيكون راكب عليه طلمبة المية كمان..

وبالتالي هتلاقي حرارة المية عليت ولمبة البطارية نورت.. ولو فضلت ماشي كده الموتور ممكن يجيب وش سلندر... ده طبعا غير شحن البطارية اللي هيفضى بعد ساعة أو ساعتين بالكتير.. ده لو العربية فضلت ماشية الساعتين دول .

على فكرة... تركيب الدينامو وطلمبة المية على سير واحد شيء كويس.. مش وحش أبدا... ﻷن الحاجتين دول ضروريين جدا للموتور .. ولو واحدة من الاتنين دول عطلوا... لازم تقف بالعربية وما تمشيش.

والأفضل في جميع الأحوال يكون معاك سير احتياطي للسير ده بالذات... ده لو ما كانش هو السير الوحيد في الموتور.

...