عرض للطباعة
بقالي كتير مدخلتش المنتدي ودخلت لقيتو صحرا كل اللي بيسال في معلومة محدش تقريبا بيرد علية تلاقية كل موضوع جديد علية مشاهدات بس واجدع موضوع تلاقي فية مشاركات 7 مثلا وغالبا في المنتدي الاجتماعي انما لو حد بيسال عن معلومة في عربية متلاقيش ردود غريبة اوي انا فعلا مدخلتش من ست شهور تقريبا وبصراحة مكنتش متوقع النوم دة
انا علاقتي بالمنتدي بدات من شهور بسيطة بس. فمش حقدر الاحظ كلام حضرتك. لكن اتهيالي دي ظاهرة عامة في المنتديات كلها. بس انتشار الفيس و التويتر.
قارن التجاوب مع اي سؤال هنا و لو هو نفسه اتحط عالفيس
انا فاكر واحد كان داخل هنا يسأل عن حاجة و بعد شوية دخل قال معقولة مشاهدات كتير و مفيش رد. احد الزملا الافاضل قال له احنا هنا مش في الفيس. هي دي الحقيقة
و الأيام دول ...
معاك حق يا استاذ سامح فعلا المنتدي مبقاش فية تعاون خالص
و فعلا الفيس احسن بكثير من المنتدي بس فية منتديات تانية فيها تعاون اكثر من كدة
الفيس تحسه كله هواه ..أي حد في أي حاجه وكله بيفتي ..إنما هنا تحس الموضوع مختلف شوية
انا بحب هنا عن الفيس كتيييييييييير جدا
بس للاسف الشديد دى حقيقية
انا سبق و كتبت عن الموضوع نفسه من 6 شهور و يحس بالموضوع ده الاعضاء القدامى لما كان الموضوع تلاقى عليه مشركات بأعداد محترمة و متعددة دلوقت المداخالات بتنقرض و ان كان لسه هناك العديد من المشاركات اللى بتثرى المنتدى و لكن معظمها خارج الاهتمام بالسيارات زى ما الاستاذ سامح قال ( المنتدى الاجتماعى اكثر) و الحقيقة انا بقيت الجأ للمنتدى اكثر فى غير السيارات مثلا استفدت كثيرا من فترة قريبة لما نزلت موضعين عن عمل سقف صاج للجراج و تركيب باب مصفح للشقة , بالاضافة لما ذكره ابو مازن الفيس تلقيه "مرهرط" مش عارف تلمه بعكس المنتدى تعرفله راس و رجل و تعرف تسترجع معلومات من الارشيف بتاعه ......بس الفكرة ان الواحد يخلى من المنتدى و الفيس مكملين لبعض فى البحث عن المعلومة ....انما فى حالة تكوين الصدقات فالفيس يكسب طبعا.
اه فعلا المنتدى بقى للاجتماعى فقط والسيارات نادر لما حد يفيدك او يرد عليك :(
كنا زمان في 2009 نكتب المشكلة ، والله العظيم مايعديش 10 دقائق الا وتلاقي مش اقل من 10 ردود
وكان في تفاعل بين الاعضاء ..
انما دلوقتي كله بيكبر دماغه ..
كله بيتفرج وبس ..
بس يمكن عشان معظم فطاحل المنتدى سابوه او قللوا من دخولهم الا نادرا .
عشان كده مابقتش اكتب اي مشكلة في عربيتي هنا لاني عارف محدش حيعبرني .
هى المشكله فعلا حقيقيه ولكن السبب الرئيسى لها انشغال اغلب الاعضاء وعدم توافر وقت للمشاركات وده نفس اللى حصل لصاحب الموضوع اصلا وبعض المشاركين فيه من الانقطاع عن الدخول للمنتدى لفترات قد تطول او تقصر .... بالاضافه الى رحيل الكثير من قدامى المشاركين بالمنتدى عنه .... ولكنه يظل حتى الان افضل منتدى سيارات تطرقت اليه .............. تحياتى للجميع .
الادارة لسه ماؤها راكد
والسبب الاخر فطاحل المنتدي
المشكلة ان الفيس بقى استخدامه اسهل كتيير من المنتدى
انا بحب المنتديات اكتر من الفيس
المنتدى اكثر تخصصا وافضل فى التنظيم واسترجاع المعلومات
الفيس سداح مداح ولا احبه الا فى الجروبات
أنا مشترك فى المنتدى من 2008 , كنت داخل بدور على عربيه و من ساعتها المنتدى عندى بقى أدمان
أتعلمت منه حاجات كتير و بحاول على أد مقدر أفيد الناس بألى أعرفه
بس المشكله أن فيه فعلا أسماء كتير جدا كانت بتشارك معانا بس دلوقتى بطلت تدخل المنتدى
كنت بحس زمان أن المنتدى عائله كبيره و الكل يعرف بعضه و ده كان بيبان من طريقه الكلام و العشم ألى كان موجود بين الاعضاء
لكن دلوقتى بقى فيه حذر فى الكلام و تصيد للأخطاء و أنقسام الأعضاء (بطبيعه أنقسام المجتمع)
كمان بشوف أن المشرفين الأقسام المفروض يتواجدوا أكتر من كده علشان الأقسام تشتغل زى زمان
كلام منطقى كله .................. ونتمنى من الاداره التفعيل وتنشيط المنتدى والاقسام كافه .
فعلا كلام حضرتك سليم وانا لمسه بنفسى
حاجة غريبة زمان اى معلومه كنت بحتجها كنت بلقيها هنا بفضل الاعضاء
يمكن فعلا بسبب الفيس على الرغم ان فرق كبير بين المنتدى والفيس المنتدى الاعضاء محترفين اما الفيس ناس عادية