سبب فشل شركه الامل للتجاره الخارجيه

اوضح لحضراتكم سبب فشل شركه الامل للتجاره الخارجيه وسوء معاملاتهم مع العملاء وموظفينهم
اولا الاداره في القاهره غير مهتمه بمراكز الخدمه اهتمامها بمعارض البيع فقط
ثانيا مديري مراكز الخدمه مجبرين علي تقديم الولاء والطاعه للاداره لان معظمهم ضباط شرطه
عدم صرف قطع غيار للسيارات التي تستحق في فتره الضمان الا بالرجوع الي الاداره
اذا اشتكي العميل في جهاز خدمه حمايه المستهلك تقوم الشركه بمتابعته واصلاح العيب له وتوقيعه علي التنازل وبعدها لا يرغب في وجوده من قبل الشركه ....
نرجوا من اداره شركه الامل للتجاره الخارجيه
ان تصلح ادارتها وتهتم بالعملاء وان تعطي كل عميل حقه فقط في صيانه سيارتهطالما كانت في فتره الضمان .
انا بعمل دكتور واقيم بالفيوم ومن صيانه ال5000 ك كنت اشكو من صوت بالمساعد الامامي يمين
سيارتي l3 موديل 2015
وذهبت الي مركز الخدمه في الاسكندريه ودخلت صيانه ال5000 كيلو وخرجت السياره بعدها وجربتها مع
الفني وقال لي المساعد الامامي بايظ لانك اخذت مطب فسالته لو انا اخذت مطب المساعد علي حد علمي
يجيب زيت فرد عليا وقالي لاء ده مطب وطلبت اقابل مدير المركز
فدخلوني الي مدير المركز عميد شرطه سابق وعرفته بنفسي ووظيفتي الا انه قال لي بع سماع شكوتي وسماع الفني احنا مش حنقدر نغيره علي حساب الضمان فقولتله ليه يا فندم بدل ما يرد عليا قال للفني فهمه انت احسن انا ما عنديش خلق له ف الفني قالي ده مطب .
بختصار ذهبت الي حمايه حقوق المستهلك وقدمت شكوي وفي انتظار ما هو جديد

ربنا يكون معاك ومعانا ... فعلا حاجه تكسف وربنا ينصرنا

طيب وايه يعنى اخدت مطب
ما الناس كلها ماشية فى شوارع زى الزفت والمساعدين مش بيحصلهم حاجة
اشمعنى عربية حضرتك يعنى
اكيد طبعا عيب صناعة فى المساعد
تابع الشكوى ولو موضوع الشكوى يتم عرضه على لجنة فنية تابعه لجهاز حماية المستهلك للتاكيد على عيب الصناعة
قال مطب قال

حسبنا الله و نعم الوكيل

غريبة جدا ... كل الناس كانت بتشكر جدا في توكيل الاسكندرية وكان فية مهندس اسمه على ما اتزكر اسامة مبروك ... وكان كل زمايلنا في المنتدى بتشكر فية جدا جدا جدا ...
هو اية اللى حصل للمركز ده ... لو حد عندة معلومة يقولنا

اقتباس:

---

المشاركة الأصلية كتبت بواسطة ehabpopo

غريبة جدا ... كل الناس كانت بتشكر جدا في توكيل الاسكندرية وكان فية مهندس اسمه على ما اتزكر اسامة مبروك ... وكان كل زمايلنا في المنتدى بتشكر فية جدا جدا جدا ...
هو اية اللى حصل للمركز ده ... لو حد عندة معلومة يقولنا

---

عزيزىehabpopo

انا مندهش جدا لهذا الموضوع مثلك وانت تعرف اننا كنا نسافر من القاهرة لأسكندرية مخصوص لعمل الصيانة هناك

وكم الأشادات والشكر التى كتبها أعضاء المنتدى عن هذا المركز

ولا أتصور كيف ان هناك شخص واحد من التوكيل يقرأ هذا الموضوع ولا يردون عليه

وأقول لصاحب الموضوع ان عدم وجود زيت دليل انه عيب صناعى ووجود زيت ايضا لا يمنع ان يكون عيب صناعى

الا اذا كان هناك اعوجاج غير طبيعى فى المساعد نتيجة مطب كبير على سرعة عالية

ومادمت متأكد من عدم حدوث هذا فتمسك بحقك

اما عن المهندس أسامة مبروك هذا الرجل المحترم الذى ذكرته يا أستاذ أيهاب

فهو افضل مهندس قابلته فى اى توكيل واكثرهم كفائة واخلاص وقد كان واجهه مشرفة دائما للتوكيل فى الأسكندرية

ولأنى لظروف خاصة اصبح من الصعب ان اسافر لعمل الصيانة هناك فلم اعرف شئ عن مدير المركز الذى يحكى عنه صاحب الموضوع

فعندما كنت اذهب هناك كان مدير المركز وقتها الرجل الفاضل والمهذب أ / احمد محسن

والذى له عندى هو و م / اسامة مبروك كل التقدير والأحترام

وشهادتى عنهما هى أمانة سأحاسب عليها امام الله

فما الذى حدث فى مركز اسكندرية

اسفت جدا وحزنت لما قرأته

ان قصة خدمة ما بعد البيع بالنسبة لاي سيارة هي جزء من قيمة السيارة ونظرا لان التوكيل لا يعتبر ذلك مهم لقيمة السيارة وقيمته كوكيل في سوق السيارات ( مثل غبور ) علي سبيل المثال فلا يلقي اي بال طالما باع العربية ( الرهوان ) .
من جانب اخر لا يوجد متابعة من الشركة الام لهذه الجزئية فانه يتحرك فقط في حالة انخفاض قيمة العوائد المتوقعة من الوكيل في مصر
وهنا يتضح ان هناك تضافر للعوامل التي تؤثر علي خدمة ما بعد البيع

حلو اوي الكلام ده يا استاذ طارق ... دورنا احنا بقي نعرف الشركة الام باللي بيحصل لان ممكن تكون مش دي السياسه اللي متبعاها .. وكمان ممكن يكون الوكيل بيقلل نسبة قطع الغيار عشان يثبت للشركة الام ان كله تمام وممكن ياخد بونص كمان