معظم الناس فى مصر مبتتجوزش بالارقام دى خالص خصوصا فى الميكيب و الفستان و القاعه و الطراطير :)
عرض للطباعة
معظم الناس فى مصر مبتتجوزش بالارقام دى خالص خصوصا فى الميكيب و الفستان و القاعه و الطراطير :)
المشكلة فيك مش فيها
انت مختار غلط
الكوافير فى فرحى 500 جنيه و حفلة على الضيق دى جي اناشيد نصف ساعه فى بيت العروسه و عشا فوق السطوح فى بيت العريس و اتصورنا بالموبيلات و شكرا
الفرح تم من غير ما اخلص فلوسي او اندين و فى النهاية الفلوس هتتصرف عليا و عليها
و ناس كتير الفرح عبارة عن زفه من بيت العروسه لغاية باب العربية و شكرا
الى عاوزه تاجر مخدرات تستناه و الى عاوزه تبعتر فلوس جوزها مسيرها تشحت معاه
انا هحكي علي موقف لسه حاصل قريب للعظه و العبره
واحد صاحبي كان متقدم لواحده و اترفض ... عارفين ليه ؟؟؟
عشان شقته 80 متر مش 120 زي اللي اختها متجوزه فيها
متخيليين وصلت التفاهه و الهيافه و "القنعره" الفارغه لحد فين ؟؟؟
خليهم قاعدين في حضن بابي و مامي لحد ما يعنسوا :)))
الكلام ده فكرنى كنت مع جماعة قريبى (اهل العريس) معزومين عند اهل العروسة و بيحضروا تجهيزات الفرح و كانت الشقة جهزت و تفرشت و كله تمام...والد العروسة اصر على عمل " دخان ملون بالليزر" على مسرح دخول العروسين و كانت تكلفة موضوع الدخان ابو ليزر ده حوالى 3000 جنيه ( من حوالى 10 سنين الكلام ده) و العريس رفض لأنه تبذير لا داعى له و ووالد العروس اصر ....مطولش عليكم الجوازة اتفركشت و العريس اصر على الرفض و ووالد العروسة انقاذا للموقف قال هيدفعهم من جيبه و العريس قال موضوع الدخان ده كوم و حتى لو ببلاش و الزواج كوم تانى و بينى و بنكم الجوازة باظت و انا مكنتش زعلان......بأختصار لو الزوجين معرفوش يراعوا ظروف بعض يبقى بلاش منها من الاول . ناس كتير هتزعل من اللى قلتوا بس لو الزوجة لم تراعى ظروف زوجها هتسبب له و لها الكثير من المشاكل.