الموضوع: مواقع وشركات التوظيف

فى الفتره اللى فاتت بدأت ادور على شغل وبصراحه الدنيا أسهل نسبيا للشباب
وبما انى مش من الناس اللى بتقتنع بسهوله بحكاية ان مفيش شغل والدنيا ميته والكلام المحبط ده
قلت أسألكم على موضوع كده جه قدامى

واحد قريبى عرض عليه شركة توظيف فى الخليج - مش بياخدوا منك ابيض ولا اسود ولكن بياخدوا 50% من أول مرتب و 10% من مرتبك لمدة سنه - المشكله ان اغلب شغلهم فى السعوديه و اغلب المرتبات المعروضه لغاية دلوقتى بلح

بشكل أو بأخر لاقيت الموضوع نسبيا كويس خصوصا لو العرض اللى هايجيلى مغرى

وبما انى شخص منظم شويه فى كل ما يتعلق بشغلى اسمحوا لى انى أسأل شوية أسئله وتجوبوا لى عليها

1- ايه رأيك فى العرض اللى فوق ده؟
2- هل تعرف اى شركات موثوق فيها بتعمل الموضوع ده؟
3- ايه هيه اكتر مواقع التوظيف الكويسه المجانيه اللى الواحد يقدر يدور فيها جوه مصر وبره مصر؟