الموضوع: ياريس و سياز ورابيد وبيجو 301

بسم الله الرحمن الرحيم

الأخت الفاضله hobby10

اليك بإختصار ما أراه صائب:

1 - تويوتا ياريس:

1 - إنتشارها ضعيف (لا أعلم السبب)

2 - وكيل باهظ الثمن على الرغم من أننى لم أسمع شكاوى منه من الناحيه الفنيه

3 - تاريخ الياريس فى الثبات غير مشرف بالمره و ثبات الموديلات السابقه للموديل الحالى للياريس يساوى ثبات الفيرنا و لكى أكون دقيق فى كل كلمه فإننى لا أعرف هل تم حل المشكله الكبيره فى الموديل الجديد أم لا.

2 - البيجو 301:

أنصحك بالإبتعاد عنها تمامآ. لقد كتبت مرارآ و تكرارآ على المنتدى رأى بخصوص البيجو 301 بعد قيادتها أكثر من مره (السياره ملك صديق لى).

3 - السكودا رابيد:

أنصحك بالإبتعاد عنها و ذلك لإرتفاع أسعار قطع غيارها بشكل مجنون و أيضآ لندرتها حتى عند الوكيل نفسه. يكفى أن أخبرك أن وكيل سودا تمت إحالته للنيابه بسبب بلاغ تقدم به عميل حيث ان هذا العميل حدث عنده ثقب فى خزان الوقود و توجه للوكيل و لكنه لم يجد خزان وقود عند الوكيل (الوكيل لا يوفر قطع الغيار)

4 - السوزوكى سياز:

على الرغم من أنها جديده إلا إن الكل يتوقع منها الكثير و الكثير إستنادآ على تاريخ سوزوكى المشرف و لكن يعيب هذه السياره أمران:

الأول : أنها تعمل ببرنامج تشغيل (سوفت وير) و هذا يعنى إرتباطك بالوكيل إرتباط مؤبد

الثانى: أن وكيلها فاشل و صاحب فضائح سوداء و متكرره و على الرغم من إنه يسعى لتحسين هذه الصوره و مداواة الفضائح المتكرره المشهوره إلا إنه لم يبلغنى أخبار مؤكده عن تحسن الوضع فى مراكز الصيانه عنده.

السياره التى تشبه السوزوكى سياز فى كثيرآ هى البروتون بيرسونا و لو أنك عقدت مقارنة بين الإثنين ستحتارين كثيرآ. إن كانت فكرة شراء بروتون بيرسونا تعجبك يمكنك البدء فى السؤال عنها أو إدراجها فى المقارنه

هداك الله لأرشد أمركو أقومه

السلام عليكم و رحمة الله و بركاته

رابيد

المشاركة الأصلية كتبت بواسطة hobby10

سلام عليكم

ياريت استفيد من خبرتك فى المقارنة بين العربيات (ياريس و سياز ورابيد وبيجو 301) .. محتاجة العربية اوتوماتيك عائلية طرق داخلية اغلب الوقت ويهمنى التوكيل ومتانة العربيه وثباتها علي الطريق

ياريت تنصحونى .. شكرا

لو مكانك هفاضل بين البيجو ال301 أو الرابيد

و ليه هعمل كدة..لان لازم قيمة العربية تتجاوز (او تساوى بحد ادنى) ثمنها ....و دا مبدأ عام فى الجديد او المستعمل

و علشان تتاكدى من النقطة دى ممكن تتعبى شوية و تلفى تشوفى العربيات دى على الطبيعة فى المعارض بغرض التأكد من جودة الخامات و شكل العربية كراحة نفسية فقط

تانى حاجة و هى الاهم و هى ما تحت الكبوت و دى من بروشور العربية فى المعرض

مع الاخذ فى الاعتبار بعض النقاط السوقية مثل...التوكيل و سهولة التواصل معاه خاصة فى اسكندرية ...ثمن قطع الغيار....اعادة البيع و دى اللى بيحددها انتشار العربية

برضه اقتراح البيرسونا كويس جدا.....و هى سيارة ثمنها فيها

لانسر شارك

انا كنت زيك محتار وكنت خلاص رايح استلم السياز والبائع قالي لو تقدر تزود وتجيب كروز موتور استرا ثبات فخامة كل حاجة انتا عايزها وesp انا رأيي زود وهات الكروز وسيبك من كل دة