مشكلة كبيرة بفلوانس 2014

**Nilesat** · 02-08-2015 06:51 PM

السلام عليكم
أنا معايا فلوانس فيس ليفت 2014 وعندى مشكلة كبيرة ويا ريت لو حد عنده حل أكون شاكر.
من 10 أيام حصلت حادثة مقطورة كبيرة اتقلبت قدامى ووقع من عليها حديد كانت شايلاه.
ربنا ستر الحمد لله ومخبطش فيها بس للأسف عديت من على حديدة من اللي وقعت.
العربية كانت ظاهريا مفهيهاش حاجة لكن ابتديت أحس إن فيه رجة فى العربية لما بدور أو أمشى على سرعات منخفضة.
روحت التوكيل العبقرى فرع أبو رواش كالعادة وصدمونى بالتالى:

حصل شرخ بأحد القواعد المثبتة لفتيس العربية وبالتالى أحد المسامير لا يمكن ربطه بإحكام

وبناءا عليه طلبت منهم حل المشكلة وتغيير القاعدة

ولكن الصدمة اللي أنا سمعتها منهم إن العربية مصصمة على إن القاعدة جزء من الفتيس وحدة واحدة وعلشان تتحل المشكلة لازم يغيروا الفتيس .
طلبت منهم معرفة التكلفة فأفادوا بإن ثمن الفتيس خمسين ألف جنيه غير شوية فكة للتركيب والمصنعيات.
وبعد حوار وإتصالات بالتوكيل وعلشان خاطرى هيغيروا القاعدة اللى هى جزء من الفتيس ب 42 ألف جنيه!!
طبعا يا بلاش!!

يا شباب حد عنده حل لقرف التوكيل ده اللى كرهنى في عيشتي؟
هكون شاكر مساعدتكم

**Hany Saad** · 02-08-2015 07:35 PM

فى اعتقادى القاعدة هتكون جزء من غطاء الفتيس...شوف اى عربية TOTAL LOSS و اشترى الفتيس منها، اسأل شركات التأمين عن سيارات TOTAL LOSS
لسه فيه موضوع زميلنا عامله عن عربية فلوانس موديل 2015 TOTAL LOSS

و لينك الموضوع اهو:

http://www.nilemotors.net/Nile/46916...post3875989400

راسله و شوف لو ينفع تاخد الفتيس او جزء منه و اكيد هيبقى سعره لا يذكر مقارنة بسعر التوكيل و فى نفس الوقت هيكون لسه بحالته

تحياتى