الموضوع: سوبارو xv 2015 في الخليج

أنا عملت تيست درايف عشان نفسي أجرب ال AWD و الفتيس بتاعها ال CVT
جربتها لفترة قليلة وبدون سرعة يعني أقصى حاجة 80
انا جربت ال 2000 سي سي فقط..مجربتش ال 1600
ال 2000 سي سي بيكون 150 هورس باور فبالتالي أقوي

1- عفشتها مش ناشفة أوي زي ما الناس بتقول..عفشتها متوسطة...ناشفة للثبات وفي نفس الوقت مش بتخبط وترزع أوي..لو العفشة نعمت عن كدا العربية هتعوم لأن وزنها كبير
2- الشنطة صغيرة أوي أوي أوي اوييييييييييي..أصغر من أصغر عربية سيدان زي الريو والياريس مثلا...بس فيه ميزة إنه حاطط إستبن جنط مقاس كامل..لو قدرت سوبارو تنزل الجنط لتحت ومكانه يوسع الشنطة هتفرق بالتأكيد
3- جربت الموتور ال 2.0 في الإمارات...حلو أوي عليها وتسارعها حلو جدا
4- المشكلة الفتيس..كعادة الفتيس ال CVT..فتيس صوته عالي وال RPM مش بينزل بسهولة ودايما صوت الموتور مرتفع..بس الفتيس بتاعها أحسن من فتيس نيسان..بس فتيس هوندا ال CVT مكتسح ومتفوق بقوة ومحدش عارف يحصله
5- الثبات مجربتوش أوي بس حسيت إنها هتكون ثابتة على سرعات..لأنها تقيلة وتحسها راسية وماسكة نفسها مش عايمة
6- سواقتها ناعمة ودقيقة والهاندلنج مظبوط..مطرح ما بتوجهها بتروح زي ما إنت عايز
7- فيه صورة من الصور وهي الأخيرة...ده كنترول الفرامل وهو ماركة بوش العالمية..من أفضل الأنواع...بس بصراحة فراملها ضعيفة شوية على وزنها وده مالوش علاقة ببوش..هي محتاجة مساتر وديسكات أكبر لو بتحبوا التعديلات
8- نسخة الخليج فيها شيفتات في الطارة فيها قدر من المتعة بس مش أوي
9- طلعت بيها على رصيف ونزلت وكانت بتطلع وتنزل بكل سهولة

أنا باقيلي الكورولا المصري وابقى جربت كل السي في تي
بالتريب من الافضل
هوندا..باكتساح
سوبارو
نيسان
والفرق بين السوبارو والنيسان مش كبير

بعض الصور

المشاركة الأصلية كتبت بواسطة ashrofa72

اولا احب اشكرك علي التقرير الرائع
ثانيا في الامارات في منها الماتور ١٦٠٠

أشكرك بس مفيش منها 1600
الإمبريزا هي اللي بتنزل 1600 ومش كتير يعني بدات متنزلش غير بالطلب