الموضوع: كل ما يخص الوحش الياباني Subaru Impreza 2015

[CENTER]

بسم الله الرحمن الرحيم

كتب : احمد الحداد

قامت شركة سوبارو بكشف الستار عن نسختها المُحسنة من طراز سوبارو امبريزا 2015 بعد أن حصل على أول عمليات تحديث منتصف العُمر التي شملت تحديثات شكلية جديدة، مع بعض التقنيات الحديثة بالمقصورة.
غالب التحديثات قبع بمقدمة السيارة التي حصلت على مصداً أمامياً جديداً يتزين بحليات من الكروم، شبكة تهوية مجددة، مصابيح أمامية محدثة، وعجلات سبائكية جديدة، ومرايا جانبية جديدة أيضاً، لتنتهي التحديثات مع جانح خلفي جديد لنسخة السيدان.
أما داخل المقصورة تقول الشركة أنها حسنت من مستوي العزل الصوتي للمقصورة، مع إضافة بعض التجهيزات إلى قائمة التجهيزات القياسية عبوراً بكل الفئات مثل الكاميرا الخلفية، شاشة معلومات ملونة بلوحة العدادات، ومثبت سرعة.
كما أضافت الشركة بعض عوامل الأمان بصفة قياسية مثل نظام الوقاية من السرقة المتطور، ونظام مراقبة النقاط العمياء، ونظام التحذير عند تغيير الحارة المرورية.
وأكدت الشركة أن سوبارو امبريزا 2015 لن تشهد أي تغيرات ميكانيكية باستثناء استعمال نظام توجيه إليكتروني جديد أكثر دقه.


_____________________________________________


نقلاُ عن صفحة
Information About cars in Egypt

هـنتكلم الـنهاردة عـن
Subaru Impreza 2015

بيصعب عليا ملاك السوبارو انهم مش واخدين حقهم فى سوق العربيات ...
بعض الناس تقول عليها صينى
و ناس تانية تقول أسرائيلى اة و الله
لاكن العربية يابانى 100%
و بيتم تصنيعها و تجميعها كلها فى اليابان

____________________

نقدر نقول عملوو Face Lift للعربية
عدلو الفوانيس و الاكصدام الامامى كلة
و حطو فية كرووم كتير عدلوو الشبكة و حطو LED و تم تـغيير شكل الجنط بالكامل
___________________________

الاوبشنز زاد من حيث

1 - اضافة النقط العمياء فى المراية
2 - كاميرا خلفية
3 - كومبيوتر فى العدادات
4 - نظام التحذير عند مغادرة الخط على الطريق
______________________________________

الموتور ...
Boxer Engine
العربية نفس موتور الـ XV و بتبقى 1600 سى سى و 117 حصان و فتيس CVT بس العفشة مختلفة لـ أنها عفشة Sport و عفشة الـ XV بتبقى Cross Over

العربية من جوة محصلش فيها اختلاف كبير عن موديل 2013 و 14

_______________________________________________

طب أية المميزات اللى تخلينى أجيب العربية

العربية يابانى 100%
جودة التقفيل و الخامات ممتازة
السير بتاعها جنزيز يعنى اخرك تغير شوية فلاتر و زيت
سعر العربية مناسب جداً حيث انها من 175 الف ل 200 الف و بتنزل فئتين
أحسن من العربيات الكورى بمراجل من حيث الامان و الثبات و جودة التقفيل
هتقولى الكورى مليان اوبنشز زيادة هقولك اة
بس كل حاجة بتبقى على حساب حاجة تانية يعنى انا هديلك اوبشن و رفاهية كتير بس هقلل نسبة الامان و الجودة و الصاج
هو دة اللى الكورى بيعملة دلوقتى
مميزات السيفتى كتير ذى الـ VDC>ESP>ABS
طب لو قارنا قطع سعر الغيار بباقى العربيات اليابانى و الكورى ..
هقولك هتلاقى سعر قطع غيار السوبارو أزيد بنسبة ملحوظة بس فى المقابل بتركب حاجة بتنساها بقيت عمرك
العربية دفع رباعى
_______________________________________

الأمان ..
عـاملين فى الـ 2 باب بتوع العربية من ورا عامودين كل عامود شايل باب
يعنى أفتح باب العربية ف اى معرض هتلاقى حاجة كدة ماسكة الباب من تحت ده عمود حماية للراكب الخلفي عشان لو اي حاجة خبطتك من الجنب الخبطة متوصلش للراكب الخلفى جامد و فى نفس الوقت يبقو أقل الخساير و قوة التحمل بتاعت العمود لغاية سرعة 90

طـبعاً مش هتلاقى الكلام دة فى كورى ولا حتى يابانى ذى ميتسوبيشى و تويوتا بس هتلاقية فى سوبارو العربيات الهوندا الاكورد و معتقدش موجود فى السيفيك
و طبعاً هتلاقى منة فى الالمانى
__________________________________________________ _

العيووب ..

سوق السوبارو للأسف مش شغال فى مصر اوى
أعادة البيع .. بس دى من رأيى الشخصى مشكلة مؤقتة العربية بدأت تسمع و هتعمل سوق حلو ...
قطع الغيار مش متوفرة غير فى التوكيل .. اكنة نظام احتكار يعنى بس برضة فى رأيى مشكلة مؤقتة لحد لما العربية تعمل سوق حلو و محلات قليلة اوى اللى بتشتغل فى سوبارو ...
و طبعاً الكلام ينطبق عـلى الـ XV كمان

و للأسف أبو غالى مموت توكيل سوبارو فى مصر و مبوظ سمعة العربية
بس من خلال أنتشار الـ XV فى رأيى انة هيتم رفع السوق شوية و السوبارو هتبدأ تتطلب

عفشة العربية نشفة بسبب أنها Sport بس ملاك العربية
مرتاحين معاها و فيها راحة للركاب الخلفيين كمان
العربية واطية على الارض شوية و برضة بسبب العفشة الـ Sport
طبعاً العفشة الـ Sport ميزة بس عندنا فى مصر بتعتبر عيب
بسبب شوارعنا اللطيفة و الجميلة
__________________________________________

الخلاصة ... لو عايز ثقة فى السواقة و أمان و عربية ليها هيبة و حاجة مرنة و سهلة فى التعامل يبقى Subaru

عايز أوبشن كتيرر يبقى تدور على حاجة كورى
______________________________________

الـ Subaru مينفعش تتقارن بالكورى و بعض العربيات اليابانى لان دى حمادة و السوبارو حمادة تانى خالص
__________________________________________________ __

العربية بتنزل فئتين Base Line و High Line
ال هاى لاين زيادة فرش جلد و عدد سماعات اكتر و عدد أيربجات أكتر
___________________________________

السعر مش متأكد منة اوى بس ما بين ال 175 لحد ال 200 الف
_______________________________

المشاركة الأصلية كتبت بواسطة omar sarray

اشكر موضوعك الجميل بس هيا كشكل ازواق والفروق الخامات من جوا نوعا ما مش مرضيه كراى شخصى

العفو وطبعا لولا اختلاف الأزواق لبارت السلع