خلينا نفكر فى الموضوع بعقلانية

ايه المانع ان يكون احد المصممين فى مكتب التصميم فى الشركة دى عنده ميول عدوانية او عنصرية ، وده طبيعى وموجود فى الدنيا كلها- زى ما فيه نا برضه فى بلدنا بتطلق اسماء تخص رموز مقدسة ترتبط باهل ديانات اخرى على الاشياء الىت نعتبرها وضيعة زى الأحذية والكلاب..الخ-قام هذا المصمم منذ عشرة سنوات بادخال رمز مقدس يخص الديانة التى يكره اهلها-اللى هم احنا-بشكل ما فى تصميمه ، وعدت على باقى الناس اللى مش مذاكرين الرموز المقدسة بتاعة اهل الديانات الأخرى(فكر قبل ما تعترض على ان ممكن يكون حد ميعرفش رموزنا ، فكر كام واحد من مثقفينا وليس عامة الناس مننا يعرف اشكال الرموز بتاعة الهندوسية او البوذية او الكونفوشيوسية او البهائية، وهى معتقدات منتشرة عالميا ويعتقد بها مليارات من الناس)، المهم ان المنتج نزل السوق وبعدين اهل الديانة اللى يمسها التصميم اعترضت فالشركة تصرفت باسلوب-مش هقول حضارى ولكن براجماتى-وسحبت المنتج بتاعها واعتذرت وخلاص، وفى السنة التالية برضه احد المصممين صادف انه كان عنصرى برضه، لكن المرة دى هو كان من اهل المعتقد اللى مسه التصميم بتاع العام الذى قبله ، فعمل تصميم وضع فيه شعار الديانة اللى هو بيكره اهلها على نعل الحذاء، وتكرر السيناريو والشركة اعتذرت وسحبت التصميم برضه والموضوع اتقفل ونام وخلصنا

سؤالى هو ليه احنا بنصر كل شوية(والكلام على الطرفين-يعنى احنا وهما) بنصر اننا ندلق جاز على نار الكراهية كل ما نحس انها قربت تطفى وندور فى الدفاتر القديمة على ما يشعل النار مرة اخرى؟

هو مينفعش نختلف ونتفبل بعض على اختلاف وجهات نظرنا؟