الموضوع: انه حقا توكيل محترم

المشاركة الأصلية كتبت بواسطة sab3aawy

يا haneena الناس فى الموضوع ده بتتكلم عن مركز صيانة يونايتد جروب مش مودرن موتورز

الفرق بين نيسان وسوزوكى ان سوزوكى مالهاش مراكز صيانة غير مودرن موتورز لكن نيسان ليها اكتر من موزع غير مودرن موتورز وعندهم مراكز صيانة زى السبع ويونايتد والعوض جروب

وكلنا هنا على فكرة مخنوقين و هربانين من مودرن موتوز علشان كدة بنحب نجرب البدائل

معلومة لباقى قراء الموضوع: انا هو الناس اللى عمالة تقول قصائد ذم فى مودرن موتورز فى ساحة السوزوكى :)

متشكرة يا استاذ سبعاوى المعلومة دى ماكنتش اعرفها اصل عنوان الموضوع بيقول توكيل محترم وانا اعرف ان نيسان توكيلها مودرن موتورز احنا هنا غلابة ماعندناش مراكز الصيانة دى هو التوكيل وبس
بس متهايالى انه لو حتى مركز صيانة فهو المفروض بيبقى تابع للتوكيل وعليه رقابة منه انا بقول متهايالى مااعرفش ده صح ولا لأ
وكمان مش حضرتك بس اللى اقصده بالكلام فيه غير حضرتك بيذم فى التوكيل برده وانا برده مصرة انه توكيل محترم وبقول تانى بقالنا معاهم اكتر من تلات سنين ووالدى خلصت مدة الضمان بتاعته ومازال بيروح التوكيل يعمل صيانة عشان يحافظ على العربية

المشاركة الأصلية كتبت بواسطة ashrsy

وربما يكون بقصد تجارى فقط بدون النظر الى الخدمة المقدمة من المركز .

اخى العزيز ، معظمنا هنا يعرف بعضنا بشكل شيه شخصى، وكلنا مجرد ملاك للسيارة لا يهمهم فى النهاية سوى الحصول على خدمة جدية، حتى هذة اللحظة لم يتفضل احد العاملين باى من تلك المراكز لكى يدلى بدلوه فى موضوع افضل مركز صيانة،

لذلك ان كنت تقصد شخص معين تعرف انه يستفيد تجاريا من احد تلك المركاز يا ريت توضح لنا ذلك، اما لو كان الكلام على عمومه ففى هذة الحالة هو يحمل شئ من الجرح لكل من شارك فى الموضوع ليحكى خبرته عن احد مراكز الصيانة، لذلك نتمنى تحرى الدقة، خاصة فى مثل هذة الاشارات ذات الحساسية