انا المفروض هستلم ورق العربيه من التوكيل بكره و هارخص باذن الله بعد بكره . و كنت عايز اعرف لو فى حد من الاخوه الاعضاء رخص 2009 يقولى اتكلفت كام عشان اعمل حسابى. شكرا...
عرض للطباعة
انا المفروض هستلم ورق العربيه من التوكيل بكره و هارخص باذن الله بعد بكره . و كنت عايز اعرف لو فى حد من الاخوه الاعضاء رخص 2009 يقولى اتكلفت كام عشان اعمل حسابى. شكرا...
كنت عايز اسال السؤال ده والله انت راجل مية مية ياريت حد يجاوبنا عشان نعرف راسنا ن رجلينا وعايزين نعرف الضريبة 3 سنين عاملة كام
السلام عليكم
الضريبة فى ال 3 سنين عاملة 665.2 جنيه.
أنا أصلى لسة مرخص امبارح.
و ربنا مع الجميع
طيب و بقيت المصاريف و الطفايه . يعنى دفعت كام كله على بعضه....
:scooter: :prove: :scooter:
الضريبـــــــــة : 665.20 ج " 3 سـنوات "
طفاية الحريق : 120.00ج
بوليصة تأمين : 189.00ج " 3 سـنوات " و خالي بالك من الشركة اللى هاتتعامل معاها فى الاهلية اللى كلنا عرفنها و في حاجات جديدة زي رويال " .
استمارة 51 : عدد 3 في حالة " 3 سـنوات " + طابع شرطة 3 ج *3 = 9 ج
استمارة فحص فني : عدد 1
استمارة كمبيوتر : 3 " 3 سـنوات "
دوسية ورق + بلاستيك + امر صرف +امر استلام + اقرار = بتاخدهم من شباك المطبوعات .
طابع شرطة اعتقد ب 80 قرش
صورة البطاقة ( خد معاك 2 احتياطي ) + قلم جاف عشان ماتدورش تشحت
استمارة كتابة " عشان بصمة الشاسية " = 20 ج
اكراميات و شايات و اصطباحات = :gnorsi:30 : 50 ج و مشيها 5 ج بعد ما تخلص مش قبل ... انت مش ها تعيش معاهم :k6:.... و انا من انصار الهبل ع الشيطنة :devil: و كلة هيمشى غصب عنهم انت بترخص جديد ( محدش لة حاجة عندك ) ....:wicked:
يا نهار ابيض اية الرصة السوداء اللى انا حطتها فوقف دى :011: .... خد يا عم 1200 ج معاك و ريح دماغك .:sifone:
:smartass: و مبروك مقدماً لكل اخواتنا اللي ها يرخصوا ، و علقة تفوت و لا حد يموت :smartass:
* ملاحظات : :k7:
- يفضل الذهاب مبكراً عشان الانجاز قبل الزحمة و الوش من 8:00 ص إلي 9:00 ص .
- يفضل أختيار ايام منتصف الاسبوع لان اغلب الناس بتبقى فى اشغالها و الضغط بيبقى قليل .
- أتأكد من بيانات الرخصة قبل ما تمضي بالاستلام + الاستيكر .
- او لو حد رايق زى حلاتي يعمل الموضوع ده علي يومين :
اليوم الاول : جيب الورق و جهز كل شيء .
اليوم التاني : بيبقى ل الفحص +البصمة + الشباك + تصوير الكمبيوتر .
:040: واحد صاحبي في الخارج بيقولى انة بيجدد فى يوم عن طريق طلب بالكمبيوتر و بيجي لة الرخصة لغاية عنده في البيت + كارت شكر :040:
و طبعاً معرفتش اقولة غير حاجة واحدة ... غير احنا هانخش الجنة عشان بنتعب فىالحاجة لغاية مانجيبها ، انما انتم ها تخشوا النار عشان بتخدوا الحاجة بالساهل و مش حسين بالنعمة ... و لا انتم رايكم اية يا شباب :biggrin24::sifone:
يا مزجانجي مش عارف اقولك ايه معانا قاعدة بيانات متحركة
حاسب بقي علي نفسك من الفيروسات لا تتضرب في السوق وانت غالي عندنا اوي
متشكرين يا باشا علي المجهود وياريت بالمرة ايجار النمرة المؤقتة كام لان مروري لسا مفهوش نمر جديدة :k17:
يامعلم يا معلم يا معلم يا معلم
ايه الحلاوه دى ايه الجمال دا
دا انا افتكرتك شغال فى المروور يا راجل
على العمووم مليون شكر لمزاجنجى حبيب الملايين
راجع الايصال بتاع الطفاية يا نجم :saddam:
لاني مرخص عربيتين السنة دى :
1 - فحص للتجديد .
2- جديدة .
و انا واخد ايصال ب 120 ج للطفاية .
و نوع الطفاية تيجرا من انتاج شركة بافاريا اللى كلنا عرفنها و عرفين هى بس اللى معتمدة فى المرور ----> وزرن 1 كجم
- عموما ً انا الاسبوع القادم ها اروح مع واحد صاحبي عشان ارخص لة عربيتة وها جيب لك التفاصيل و بالمبالغ بس رجاء راجع الايصال ، و وزن الطفاية :saddam: