الموضوع: مصاريف الترخيص.

المشاركة الأصلية كتبت بواسطة mazagnge

الضريبـــــــــة : 665.20 ج " 3 سـنوات "
طفاية الحريق : 120.00ج
بوليصة تأمين : 189.00ج " 3 سـنوات " و خالي بالك من الشركة اللى هاتتعامل معاها فى الاهلية اللى كلنا عرفنها و في حاجات جديدة زي رويال " .
استمارة 51 : عدد 3 في حالة " 3 سـنوات " + طابع شرطة 3 ج *3 = 9 ج
استمارة فحص فني : عدد 1
استمارة كمبيوتر : 3 " 3 سـنوات "
دوسية ورق + بلاستيك + امر صرف +امر استلام + اقرار = بتاخدهم من شباك المطبوعات .
طابع شرطة اعتقد ب 80 قرش
صورة البطاقة ( خد معاك 2 احتياطي ) + قلم جاف عشان ماتدورش تشحت
استمارة كتابة " عشان بصمة الشاسية " = 20 ج
اكراميات و شايات و اصطباحات = 30 : 50 ج و مشيها 5 ج بعد ما تخلص مش قبل ... انت مش ها تعيش معاهم .... و انا من انصار الهبل ع الشيطنة و كلة هيمشى غصب عنهم انت بترخص جديد ( محدش لة حاجة عندك ) ....

يا نهار ابيض اية الرصة السوداء اللى انا حطتها فوقف دى .... خد يا عم 1200 ج معاك و ريح دماغك .

و مبروك مقدماً لكل اخواتنا اللي ها يرخصوا ، و علقة تفوت و لا حد يموت

* ملاحظات :
- يفضل الذهاب مبكراً عشان الانجاز قبل الزحمة و الوش من 8:00 ص إلي 9:00 ص .
- يفضل أختيار ايام منتصف الاسبوع لان اغلب الناس بتبقى فى اشغالها و الضغط بيبقى قليل .
- أتأكد من بيانات الرخصة قبل ما تمضي بالاستلام + الاستيكر .
- او لو حد رايق زى حلاتي يعمل الموضوع ده علي يومين :
اليوم الاول : جيب الورق و جهز كل شيء .
اليوم التاني : بيبقى ل الفحص +البصمة + الشباك + تصوير الكمبيوتر .

واحد صاحبي في الخارج بيقولى انة بيجدد فى يوم عن طريق طلب بالكمبيوتر و بيجي لة الرخصة لغاية عنده في البيت + كارت شكر

و طبعاً معرفتش اقولة غير حاجة واحدة ... غير احنا هانخش الجنة عشان بنتعب فىالحاجة لغاية مانجيبها ، انما انتم ها تخشوا النار عشان بتخدوا الحاجة بالساهل و مش حسين بالنعمة ... و لا انتم رايكم اية يا شباب

فيه تصحيح صغير. انا لسه مارخص النهارده و الطفايه تمنها 200 جنيه مش 021 علشان 2k مش واحد ك