انا عايز أوضح حاجة بسيطة بس للناس اللى بتقول إن إيرادات القناة بتروح لجيوب المسئولين أو بتروح لرياسة الجمهورية أو الحرس الجمهورى أنا بأكد إن مفيش حاجة من الكلام ده خالص بتحصل
أحب بس اذكر بعض الأرقام اللى هتوضح إيرادات القناة بتروح فين و الأرقام دى معلنة من البنك المركزى
أولا مصر بتستورد كل حاجة من أول رغيف العيش و الفول المدمس و الزيت و السكر و الشاي لغاية الوقود و مستلزمات المصانع و محطات الكهرباء
إجمالي الواردات اللى دخلت مصر السنة اللى فاتت حوالى 60 مليار دولار
أما الصادرات المصرية للعالم بلغت حوالى 26 مليار دولار
بعجز حوالى 34 مليار دولار
يعنى إحنا علشان نلاقى فطار و غدا و عشا كل يوم و كهربا اللى هي كلها مستوردة من الخارج مطلوب توفير 34 مليار دولار من مصادر تانية غير التبادل التجارى مع العالم
المصادر التانية دى هي السياحة و قناة السويس و تحويلات المصريين العاملين في الخارج و الاستثمارات الأجنبية
السياحة بعد الثورة بدخل حوالى 6 مليار دولار
قناة السويس دخلها 5.5 مليار
تحويلات العاملين بالخارج و الإستثمارات الأجنبية بتكمل باقى المبلغ تقريبا
رقم واحد بس أحب أقوله علشان نعرف حجم المشكلة هو رقم الواردات من القمح فقط و هو بند واحد من مئات البنود اللى مصر بتعتمد فيها على الأستيراد علشان بس رغيف العيش
مصر تستورد قمح سنويا بما يقرب من 2 مليار دولار سنويا يعنى ما يزيد عن ثلث فناة السويس
المفضلات