مشكلة فى فيكترا 1995 اتوماتيك محيرانى ومخلصة الفلوس

**ayman_bkre** · 08-08-2015 08:04 PM

السلام عليكم ورحمة الله وبركاته
مشكلتى مع السيارة الأوبل فيكترا 2000 CC اتوماتيك 1995
بعد ما اشتريتها بشهرين تلاتة بدأت لمبة ال Check على فترات متباعدة و لما تنور العربية تكن لحظة وبعدين تطفى اللمبة
بعد كدة المشكلة بدأت تزيد يوم بعد يوم
أول ما تدور العربية بتبقى تمام و فايقة جدا لكن بعد نص ساعة فى الجو الحر دة بتنور اللمبة والعربية تتخنق
تم تغيير بوجيهات وسيور و زيوت و فلتر بنزين و موبينة و Fuel pump relay
بيقولوا عليها كتاوت طرمبة بنزين اشتريتها جديدة مش مستعملة وحساس درجة حرارة مياة التبريد
ومن يومين كارتة الموتور ضربت وغيرتها
المشكلة مش بتبان فى السلانسية خالص لكن بتبان فى المشى العادى وأنا طالع مطلع وكمان بتظهر فى السرعة
جربت حساس هواء مستعمل و حساس كرنك وطرمبة بنزين المشكلة موجودة
اللى بلاحظه ان كتاوت طرمبة البنزين بتسخن هل دة طبيعى ؟؟
عملت كشف على الأعطال بالطريقة التقليدية وطلع الكود 12 و31 أعتقد دة طبيعى
آسف جدا على الاطالة

**lancer06** · 08-08-2015 10:17 PM

السلام عليكم ورحمة الله وبركاتة
مرحبا خى الكريم
هل تأكدت من دورة التبريد للمحرك
هل يوجد صدأ فى قربة المياة أو فى الريديتير
هل مروحة الريدياتير بتشتغل وتفصل طبيعى
تأكد من التبريد كويس لأن من أكتر المشاكل اللى بتواجة فى الصيف موضوع الحرارة
لأن من كلامك انك معملتش صاينة للريدياتير
رد عليا فى الأسئلة اللى فاتت وأن شاء الله نلقى حل

**ayman_bkre** · 09-08-2015 03:12 AM

شكرا على الرد السريع
المروحة شغالة تمام والحرارة دايما حول ال 90
والرادياتير لسة منضفه وتمام ودورة التبريد كمان لسة متنضفة من شهرين تقريبا، المشكلة كانت موجودة فى الشتا برده لكن زادت جدا فى الصيف