أرجو المساعده فى الاختيار بين مازدا 3 وكورولا

**mmatouk** · 18-11-2008 08:06 AM

السلام عليكم ورحمة الله,

نويت ان شاء الله شراْء احد السيارتين مازدا 3 او كورولا, كنت الاول ميال للكورولا بس قريت كلام كتير مش كويس عن كورولا الوتوماتيك ففكرت فى المازدا 3 واتفرجت عليها وعجبتنى اوى.

أرجو النصيحه اذا كان فيها اى عيوب معروفه او مشاكل قابلت حد من اللى جربوها.

أنا كمان جربت العربيه فى التوكيل فكنت دايما بسمع خبطه وصوت طقطقه اما برفع رجلى من ع الفرامل وبتبدأ العربيه فى الحركه, فهل ده عشان عربيه جديده وهتروح بعدين ولا ايه.

أرجو المساعده وشكرا.

**أبو عبدالله** · 18-11-2008 11:13 AM

ممكن الأول تقولنا أولوياتك في الشراء ايه
يعني ايه اللي بتفضله في امتلاكك للعربيه وايه اللي مش بتفضله فيها

وانصحك بكثرة الأستخارة لكي ترزق الخير اين كان ان شاء الله وربنا يوفقك للخير

**mmatouk** · 18-11-2008 11:53 AM

السلام عليكم ابو عبد الله,

شكرا على الرد, انا عايز العربيه الاقل اعطال والاقل مشاكل, وبصراحه انا ميال للمازدا عشان مميزه شويه وشكلها رياضى بس عايز اعرف هل حد سمع عنها انها فيها اى مشاكل او حد حصلت معاه مشكله وحاسس انها عيب صناعه او مشكله عامه فى المازدا ..الخ

وشكرا على اهتمامك

**abo samra** · 18-11-2008 05:30 PM

بالنسبه للماذدا3 لو جبتها لاوم تحط فى دماغك عدة نقاط
1-هينزل منها شكل جديد كمان سنه
2- واطيه قوى وبتحك فى المطبات باستمرار
3- ضيقه قوى من وراء
4- الشنطه صغيره
5- سعر اعادة بيع مش كويس وتقريبا ملهاش توكيل اللى مش فاضلها ومشغول بسيارات اخرى

انصحك بالكورولا انعم واثبت واسرع وافضل عزلا وعربيه جميله جدا بالنسبه لصوت طقطقه فى الماذدا ده ممكن لو حضرتك بتضرب فرامل جامد قوى وده بسبب abs
وعلى فكره سيبك من كل الكلام اللى اتقال فى المنتدى عن فتيس الكورولا لان اللى اشتكوا منها كانوا فى الاول بس ومكنوش فاهمين طبيعا الفتيس دلوقتى خلاص مفيش شكاوى

**ahmad--ezzat** · 18-11-2008 05:50 PM

طيب مفكرتش فى الهوندا لية؟

**mmatouk** · 19-11-2008 08:47 AM

شكرا يا جماعة ع الرد,
مهندس أحمد, الهوندا ممتازه واحسن من الاتنين بس انا كنت عايز حاجة شكلها جديد وبعدين انا فى قطر, ف الهوندا اللى هنا 1800 و2000 سىسى وبصراحه منتشره بشكل كبير اوى وده ميزه وعيب والحاجه التانيه ان سعرها عالى بحوالى 20000 عن المازدا الحاجه التالته ان الكورولا اللى فيها كل الاوبشنز اللى فى المازدا بتبقى اعلى منها بحوالى 10000 ف المقارنه بقت بين مازدا 3 فيها كل حاجه و كورولا مفيهاش اى اوبشنز.
ده غير ان المازدا 3 شكلها احلى بكتير فى راييى ودى طبعا ازواق مختلفه لكن انا لو كان عندى استعداد ادفع تمن الهوندا كنت اكيد اختارتها.

وشكرا مره تانيه ع المساعده

**Sharky** · 19-11-2008 09:42 AM

رأى الشخصى مازدا أفضل لو مش فارق معاك إن الشكل الجديد نازل عام 2010

و بالنسبة لشكاوى الكرولا MMT مازالت مستمرة ومبيعات MMT قلت جدا بسببها و ممكن تتأكد من مهندس إستقبال التوكيل فى العباسية من كلامى

لكن لو عاجباك الكرولا الجديدة هاتها منيوال أو الاتوماتيك العادى احسن