الموضوع: 44 فردا من 11 أسرة يسيطرون على نتيجة قرعة علنية لتوزيع أراضي سكنية في التجمع الخامس

حسبنا الله ونعم الوكيل

عادي جدا و لا أى إندهاش

كان ليا موقف ذكرته فى موضوع سابق عن بيت الوتن إن صديقى لما راح يستفسر عن سر عدم تسجيل مبلغ التحويل للبنك المركزي رغم مرور أكتر من أسبوع .لقى سيادته إن فيه سماسرة "تابعين للوزارة " بيساوموه على مبالغ نظير مساعدته على تسجيل التحويل على نفس قطعة الأرض التى يرغب فيها

الموضوع ده عادى و مش غريب . أنتم فاكرين موظفين الجهات ديه ( الموظفين الكبار أقصد ) بتركب عربيات غالية و بتشترى شقق و عايشين أحسن عيشة منين .


بلاش دى : خدوا واحدة جديدة لسة حاصلة من أسبوعين بمناسبة وزير الكهرباء اللى بيناشد المواطنين الإبلاغ عن سرقات الكهرباء

إنقطعت الكهرباء عن العمارة يوم 30/7 بسبب سقوط مياة صرف التكييف من شقتى ( أيوة أنا السبب ) على الكابل العمومى المغذى للمنزل (كبل معلق و ليس مدفون ) و حصل ماس بسبب محل موبيلات فى مدخل العمارة بدون ترخيص سارق التيار من العمومى لتغذية جهاز مكيف و جايب كهربائى نص لبة عامل الموضوع ده . طبعا إتصلت بشركة الكهرباء 121 (دى تالت مرة خلال سنتين) و إخترت رقم 3 للإبلاغ عن سرقات الكهرباء و يرد عليا الموظف ( شكله كان منفوخ مني علما أن المكالمة مسجلة) و بلغته بالتفاصيل بالكامل و طبعا لا حياة لمن تنادى . لما الموضوع تأزم من جميع السكان و هددوا صاحب المحل إنهم مش حيخلوه يعرف يشتغل و لا زبون حيعرف يدخله لإننا كنا ناويين نسيب المية تغرق مدخل العمارة إضطر يجيب فنى من الكوبانية ( شركة الكهربا) و الراجل عمل الوصلة المسروقة بإحترافية عالية و خبرة و مهارة و أخد ال 200 جنية قدامنا زى الباشا .و واحد عبيط طالع يناشد الإبلاغ عن سرقات الكهربا

واضح إن السيد محلب بيحارب الفساد على طريقة أحمد آدم فى الرجل الأبيض المتوسط " إحنا الجداد يالا"

كنت راجع من اسكندرية و حظى ركبت جنب مقاول مبانى و سامعه بيتكلم فى الموبايل عن حتة ارض جايله فيها مليون جنيه ورافض المهم فتح معايا فى الكلام و فهمت منه ان اى حتة ارض بتقع فى القرعة بتاعة التجمع الخامس و ان الارض اللى كان بيتكلم عنها من ضمن الحتت دى و قاللى لو جبتلى حتة ارض هاديك مليون جنيه

وليه منقولش سبحان الله. العيلة ده اكيد فيها حاجة لله وكلهم اولياء.

ليه تقدمو النية ان فيه تزوير ومحسوبية. ليه مابتصدقو تهاجمو الدولة والوطن. ليه بتهدمو كل شيء جميل بتحاول تعمله الحكومة عشانا.

مطبلاتية استايل.

المشاركة الأصلية كتبت بواسطة mr_vampire

وليه منقولش سبحان الله. العيلة ده اكيد فيها حاجة لله وكلهم اولياء.

ليه تقدمو النية ان فيه تزوير ومحسوبية. ليه مابتصدقو تهاجمو الدولة والوطن. ليه بتهدمو كل شيء جميل بتحاول تعمله الحكومة عشانا.

مطبلاتية استايل.

معلش اصلهم فاكرين زي صاحبك بتاع اهلي وعشيرتي ولا زي صاحبك الاولاني ابو علاء

المشاركة الأصلية كتبت بواسطة الاسد المهاجر

معلش اصلهم فاكرين زي صاحبك بتاع اهلي وعشيرتي ولا زي صاحبك الاولاني ابو علاء

هههههههه هي جت فيك.

متهيالي كدة عرفنا ازاي نجيب المطبلاتية المستخبيين وبيتابعو بس بدون تعليق ههههههه.

المشاركة الأصلية كتبت بواسطة mr_vampire

هههههههه هي جت فيك.

متهيالي كدة عرفنا ازاي نجيب المطبلاتية المستخبيين وبيتابعو بس بدون تعليق ههههههه.

ههههه عامل ايه ياصديق مثلك جامد طول ما الرقاصة موجودة هتعرف تجيب المطبلاتي