الموضوع: مساعدة في صيانة لانسر 2008 بومه

الحمد لله ربنا وفقني و جبت لانسر 2008اتوماتيك 1600 ... فيها حبة مصاريف ..فا كنت حابب اعرف من حضراتكم ايه قطع الغيار اللي من دول الللي لازم اجيبهم اصلي من التوكيل..و ايه اللي يمشي عادي من بره ..خصوصا ان اسعار التوكيل 3 اضعاف بره تقريبا
1 طقم كاتينه كامل
2 قواعد موتور
3 تيل امامي
4 زيت فتيس
5 بوجيهات
6 فلتر هوا

السلام عليكم ورحمة الله وبركاتة
مرحبا أخى الكريم
مع أحترامى للأخ Fadi Ezzat كلامة صحيح لأن قطع الغيار الأصلية معمرة
ولو حابب تعرف الأساسيات اللى الأفضل أنها تيجى أصلية

1 طقم كاتينه كامل - ممكن تجيب المجموعة ألمانى وتغيرها فى ميعادها والأفضل أصلى سعر سير الكاتينة 100 جنية سير التكيف والدينمو معنديش فكرة بسعرهم بصراحة
2 قواعد موتور - أصلية فقط علشان كراسى الماكينة الموجودة فى السوق تايلاندى أو تايوانى والأتنين خاماتهم ناشفة أنما الكرسى الأصلى بيكون طرى علشان متحسش بزنة أو رعشة فى المشى بالعربية
3 تيل امامي ممكن تجيب hi q ب 90 جنية
4 زيت فتيس - فى زيت أسمة Wolver وولفر ألمانى سعر الكيلو فى حدود 60 جنية انا مغيرة عندى العربية احتاجت 5 كيلو بس بلاش موبيل لأن موجود فى السوق منة مش أصلى
5 بوجيهات - NGK فى حدود 50 جنية أو بيجوهات بيلاتين هتكون فى حدود 250 تقريبا
6 فلتر هوا التايوانى منة 40 جنية

أنا حاولت أنصحك باللى جربتة علشان لو الميزانية متسمحش بالتكلفة دلوقت
ورنا يوفقك